جاھو ءَ پاکستانی پوج ءَ راشن بند کرتگ مردم سک جنجال اَنت آدینگ 20 جون 2025، زرمبش بلوچی آواران ءِ ھند جاھو ءَ گوستگیں بیست روچ بیت کہ پاکستانی پوج ءِ زوراکی یکشل ءَ برجاہ اَنت۔ زرمبش جھگیر ءِ رد ءَ پاکستانی پوج ءَ جاھو ءِ برزی ھنداں کوھڑو ءِ کِر ءُ کشانی میتگاں دکاندار پہ راشن ءِ برگ ءَ مکن کرتگ اَنت ءُ لوکل گاڑی ھم پہ راشن ءِ برگ ءَ داشتگ اَنت، چہ ایشی ءَ مردم سکا جنجال اَنت۔ ھندی مردمے ءَ گوں زرمبش ءَ ھال کرتگ ءُ گوشتگ کہ پاکستانی پوج ھمک وھد ءَ مردماں وتی بنجلاں لوٹائینگ ءُ تنگ کنگ ءَ اِنت۔ چہ دکاندارانی راشن ءِ بند کنگ ءَ مردم سک بزگ اَنت۔ پوج ءَ لوکل گاڑی ھم داشتگ اَنت ءُ پیماز بروکیں گاڑیاں ھم دارگ ءَ اِنت مردمانی کشار تباہ بوگ ءَ اَنت۔ آئی ءِ گوشگ اِنت کہ اے بیست روچانی میان ءَ پوج ءَ جتا جتائیں میتگاں بیڑ برتگ ءُ گوں مردماں زوراکی کرتگ۔ اے میان ءَ پوج ءَ پنچ ءُ شش ورنا آوار جتگ ءُ بیگواہ کرتگ۔ https://t.me/zrumbesh/30848