گزہ ءَ چہ اسرائیلی پوج ءِ بمب گواری ءُ تیرگواری ءَ 60 مردم مرتگ شمبے، 21 جون 2025، زرمبش بلوچی پلستین: گزہ ءَ اسرائیلی پوج ءِ جتائیں ھنداں بمب گواری ءُ تیرگواری ءَ 60 مردم مرتگ۔ چہ مرتگیں مردمانی تہ ءَ 31 مردم ھما اَنت کہ پہ کمکی راشن ءِ گرگ ءَ اوشتوکیں بیتگ اَنت۔ گزہ ءِ سول ڈیپینس ایجنسی ءِ جارکش مھمود باسل ءِ رد ءَ زرباری گزہ ءَ پنچ مردم ھما وھد ءَ نشانگ کنگ بوتگ کہ آ پہ کمکی سامانانی ودار ءَ اوشتوک بوتگ اَنت۔ دگہ 26 پلستین ءِ میانی ھند نیٹساریم کاریڈور ءِ نزیک ءَ نشان کنگ بوتگ، اے دمگ اسرائیلی پوج ءِ دست ءَ اِنت ءُ ھمک روچ اود ءَ ھزارانی کچ ءَ مردم پہ ورگی سامان ءِ گرگ ءَ مچ بیت۔ https://t.me/zrumbesh/30858