*_🌹پریس ریلیز_* *_ترجمان پاکستان تحریکِ انصاف پنجاب - ڈاکٹر علی عمران شہزاد ایڈووکیٹ_* *_مورخہ: 21 جون 2025_* *`_عمران خان_` _کے خلاف جھوٹے مقدمات، ملاقات پر پابندیاں، اور اسرائیل سے متعلق پراپیگنڈہ – عالیہ حمزہ کا دوٹوک مؤقف_* *_پاکستان تحریکِ انصاف کی چیف آرگنائزر، محترمہ عالیہ حمزہ ملک نے اپنے ایک بیان میں کہا ہے کہ چیئرمین عمران خان کے خلاف قائم کیے گئے تمام مقدمات، بشمول جی ایچ کیو حملہ کیس، توشہ خانہ-ٹو کیس، اور القادر ٹرسٹ کیس، مکمل طور پر سیاسی انتقام پر مبنی ہیں۔ ان کیسز کو بار بار میڈیا پر اچھال کر ایک مخصوص بیانیے کو مسلط کرنے کی کوشش کی جا رہی ہے تاکہ عوام کی توجہ مہنگائی، بےروزگاری اور حکومتی ناکامیوں سے ہٹائی جا سکے۔_* *_محترمہ عالیہ حمزہ نے اس تاثر کو سختی سے رد کیا کہ عمران خان نے اسرائیل کے خلاف کوئی مذمتی بیان جاری نہیں کیا۔ انہوں نے کہا کہ جب عمران خان کو نہ وکلاء سے ملاقات کی اجازت ہے، نہ پارٹی قیادت کو ان تک رسائی حاصل ہے، اور نہ ہی انہیں کسی بھی پلیٹ فارم سے بات کرنے کا موقع دیا جا رہا ہے، تو وہ بیان آخر کیسے جاری کریں؟_* *_انہوں نے کہا:_* “ *_جب عمران خان صاحب سے ملاقات کی اجازت دی جائے گی، تو تب جو بیان ان کا آئے گا، دنیا نہ صرف اسے دیکھے گی بلکہ سنے گی بھی۔ اور سب کو پتہ چل جائے گا کہ خان صاحب اسرائیل کے بارے میں اور امتِ مسلمہ کے ساتھ کھڑے ہو کر کس طرح کی جرأت مندانہ آواز بلند کرتے ہیں۔_* *_انہوں نے مزید کہا کہ عمران خان نہ صرف پاکستان کے عوام کے قائد ہیں بلکہ امت مسلمہ کی آواز بھی ہیں۔ انہوں نے ہر عالمی فورم پر مظلوم مسلمانوں کا مقدمہ لڑا اور مسلم دنیا کے اتحاد کی بات کی۔ اقوام متحدہ کی تقریر سے لے کر ہر بین الاقوامی دورے تک، انہوں نے ہمیشہ امتِ مسلمہ کے حقوق کی ترجمانی کی۔_* *_عالیہ حمزہ نے خبردار کیا کہ:_* “ *_جس طرح ہمارے اوپر عدالتوں کے دروازے بند کیے گئے، ملاقاتوں پر پابندیاں لگا دی گئیں اور سیاسی انتقام کی انتہا کر دی گئی ہے، ایسے میں اب ہمارے پاس آخری راستہ عوامی احتجاج ہے۔ انشاءاللہ بہت جلد پاکستان تحریکِ انصاف پنجاب کے ساتھ ساتھ باشعور عوام بھی بھرپور احتجاج کے لیے سڑکوں پر ہوگی، اور اس حکومت کو نہ چھپنے کا موقع ملے گا، نہ بھاگنے کا۔ عوام اب اپنا فیصلہ خود کرے گی۔_* 🇵🇰🌹🇧🇫