*من حسن الاسلام الاخلاص فی العمل*🌿🌷🌿 عمل کې اخلاص د اسلام له ښایست څخه دی. ــــــــــــــــــــــــــــــــــــــــــــــــــــــــــــــــــــــــ عمل کې د اخلاص مانا داده چې، هر عمل یوازې د الله د رضا لپاره وکړې، دا اصل نه یوازې د عبادتونو روح ده، بلکې د هر نېک کار ارزښت پکې نغښتی دی. *》اخلاص څه شی دی؟* اخلاص دا دی چې یو انسان خپل هر عمل د الله تعالی د رضا لپاره وکړي، داسې چې هیڅ بل هدف پکې نه وي – نه د خلکو خوښي، نه شهرت، نه مال، نه ریاست، او نه هم نور دنیاوي ګټې. *رسول الله ﷺ ویلي:* {اِنَّما الاَعمَالُ بِالنِّیَات، وَ اِنّمَا لِکُلِّ اِمرئ ما نَوَی} (راوه البخاري) ژباړه: عملونه نیتونو پورې تړلي دي، هر انسان ته به د هغه د نیت مطابق بدله ورکړل شي. *د اخلاص ارزښت او ګټې:* ۱: الله یوازې اخلاص لرونکي عملونه قبلوي. ۲: که څوک تا ونه ویني، ته بیا هم عمل ترسره کوې. ۳: د خلکو د ستاینې یا غندنې پروا نه لرې. اخلاص پټ عبادت ته ارزښت ورکوي (تهجد، صدقه، دعا...). له الله سره مینه او وېره د عمل اصلي محرک ده. *د اخلاص حاصلولو لارې:* ۱: نیت اصلاح کول. ۲: ریا ته پام کوه – کله چې د خلکو پام درته وي، نیت دې وازمایه. ۳: پټ عبادتونه زیات کړه – پټ عملونه د اخلاص ښه تمرین دی. ۴: د خلکو له تمې ځان وژغوره – اجر یوازې له الله وغواړه. ۵: د قیامت په ورځ د عملونو حساب ته فکر وکړه – یوازې اخلاص لرونکی عمل به قبول شي.