https://whatsapp.com/channel/0029VaELGiW6WaKohS4xJ43E RAUYA BOOK REMUBATANIDZWA USASARE APA INHAPI TAPI CHAIWO LORRAINE NA MAMA JORDAN VAKUBIKIRAI MUTAKUNANZVA UYU MUDYA NDAKASUNGWA ITA FOLLOW UGARIRE KU CHANNEL USAJAMBWE https://chat.whatsapp.com/DwWNq6vHHA6DdkNvSUujvI VANODA COMMENT GROUP JOIN LINK IRO👆👆👆👆👆 INTRICATE 💝💝💝💝 STORY BY MHAMA JORDAN +263775937245 COLLABORATION WITH LORRAINE 0776797355 CHAPTER 17📘📗📕📙 MAI EMILY Kudanana kwangu kwandaiita ne murume we shamwari yangu baba Omega handina kumboziva kuti kuchatoita serious ini ndaingoti ndezvekutamba. Unenge uchida kumbowana anokwenyawo ne kutonhodzawo zvagara haibikirwe sadza zvachose. Murume wangu akanga atove ne makore akati kuti afa akasiya Emily ari ku primary ikozvino akanga ave ku secondary hake. Ndichingorera mwana wangu zvakanaka ndiri ndega tairaramiswa ne kurima fodya ikoku nekuitawo maricho muvanhu. Kushanda ndaishanda zvangu ndaive ndisingazezi zvachose. Munin'ina wa baba Emily aive amboda kundigara nhaka ndikamisa musoro se mhakure hangu ndichibva ndarambira mudenga chaimo. Kuti ini zvebarika handidi ndichawana murume wangu ndega ndaiti zvandaive ndichiri mwana mudiki murume ndinomuwana chete ko ndaizivei kuti kunze hakuna zviriko uku. Uye kuve single mother kwakaoma vanhu mu community chaimo vanenge vachingokutyira vachiti zvimwe unovatorera varume vavo. Single mother hapana anombomupa respect zvachose ndairwadziwa ne kurarama kwandaiita. Dzimwe nguva ndaizoona musodzi wakudonha wega ndadzamisa ndangariro zvakanyanya. Mumba munongodawo baba chero vakanonoka kuuya kumba asi unenge uchiti unaye murume wako. Chero mukanetsana zviri health izvozvo. Ndaive ndakumbofunga kuti dai ndakabvuma kuita mukadzi wa bamunini we chi 2 hangu at least vaizopota vachiuyawo kumba kwangu but it was too late. Rimwe zuva ndaitoenda kugarden makuseni kwakusangana ne umwe murume we munharaunda medu imomo. Kwakumhoresana paya semunhu waunenge uchiziva patsika dzedu chaidzo hazviite kungodarika musina kumhoresana. Ndakatosekerera hangu but i didn't mean anything kwaingovawo kufara. Hapana pandaizoti kwindi munhu ataura neni handina kuziva kuti mukadzi wacho aive kumashure. "Makusekerera varume vedu kaa kuda kumutora hapana chimwe zvagara mahure munonetsa",ndiwo mashoko akataura mukadzi wacho kwakuridza tsamwa. Ndiri munhu wenyama ndine ropa handisi Juru ndakabatikana ne mashoko iwayo zvekuti pandakasvika ku garden ndakambogara pasi kwakuchema kuti nhamo yangu ndeyeyi mumaziso evanhu ndakuonekwa kunge hure asi handina kana munhu mumwe chete wandati ndambosangana naye kubva zvafa murume wangu. Kudzikama kwese kwandakaita kureva kuti vanhu vemudunhu muno havasi kukuona here. "Ko magara ipapo kwakanaka here nhai Mai Emily",ndi Mai Omega vakadaro vachiuya pandaive ndakagara. Garden randaive raive remushandira pamwe chete so tairima takawanda imomo. Ini semunhu aive achichema ndakakwiridzira madzihwa kwakupukuta misodzi ndichibva ndasimuka. "Kuda kumbozorora hangu vasikana ndisati ndatanga basa", ndakadaro ndichitopukuta skirt yangu mavhu. "Iko kumuka kwacho tinozokunyanya wena kungoti miviri yajaira ko mukange munhu anga achichema chii chanetsa nhai". Munoziva kana une shungu pamoyo ukavhunzwa zviri kukunetsa zvinobva zvawadzera hameno kuti chii ndakabva ndatanga kuchema futi. Vakandisiya kusvika ndapedza shungu dzangu. "Kufirwa imhosva here vasikana vanhu vakundiona kunge hure inini ndikafunga ndaitombovewo ne murume wangu zvose zvichiendeka asi rufu rwakaoma rwakandibvutira wangu wepamoyo", ndakadaro ndakabata chipfuva changu ndakatarisa mai Omega ndichibva ndaona vaita kupusa zviya zvekusiririswa. "Musachema wena vanhu hamufi makavagona mafungiro avanoita unoshaya kuti ndidzo pfungwa dzavanoshandisa mazuva ose here idzi veduwee. Chero ukaita chakanaka vanongoshora chero chakaipa vanongoshora chete saka zviraramirei life yenyu". " Zvakaoma unoita sekuti wakaita hu single nekuda chokwadi the way yatino judger nayo vamwe so yakaoma", ndakadaro kwakubva ndatura mafemo. Takazorega kutaura pakasvika murume wavo ,ndakavayeva vachibatsirana kutimba muriwo pamwe chete nekudiridza vose. Ndikademba wangu murume ipapo, vanhu maitiro avanoita ndivo vanokuchinja moyo wako waunenge unayo. Ndakachinja ndikatanga kudanana navo varume vevanhu. Apa ndaive ndakuwirirana na mai Omega zvekudaro tsika ndi tsikewo chaiyo kuita wemukombe ne chirongo. Zvekuti ndaive ndisina murume Havana kuita basa nazvo handiti vamwe vakadzi vane varume havadi kutamba ne munhu asina murume. But Mai Omega was so different vaingonditi ndichamuwana wangu murume ndakabva nako uku. Pavainditi ndakabva nako uku ndaitadza kunzwisisa hangu kuti vari kurevei chaizvo asi handina kuita basa nazvo. Mukutamba mose umu munotaura zvakawanda wanda ndipo paizotaurawo mai Omega kubatwa kwavanoitwa ne murume wavo zvakanaka. Ini ndaibva ndanzwa godo kusvika pakudanana ne murume wavo. Mimba ndakatoita zvemaune chaizvo mazuva andaishanda kibhahwa baba Omega vaiuya ikoko, ndaive ndakuda kugara na baba Omega. So kufa kwakaita mai Omega ndakanzwa kufara ini kuti murume aive akusara ari wangu. Omega achisungwa ini ndini ndakasara ndave in charge wezvose hangu. Ndakatora mwana wake wandaive ndapihwa kwakuenda naye kumba. "Maona sei mutongo wa Omega nhai dady". "Agonekwa life in jail anotofiramo uyu munhu wekupi ane hutsinye kudaro",pandakanzwa vachidaro moyo wangu wakafara chaizvo. Ndakanga ndave ne musha wangu ne murume ne mhuri zvinhu zvandaishuvira kuva nazvo kubva zvakafa murume wangu. "Vana ikozvino unotoshaya kuti mweya rudzii chaizvo uri kuvapinda". "Ndizvo zvinoratidza kuti harisi ropa rangu iri Omega andikandisa mapfumo pasi anenge aida kutoromba ne ropa ramai vake. Ko kusatya kutora chuma muchiuno chavo anenge ndicho chaakavauraira chete,ko iwe mwana wake wawauya naye pano unomudii". " Ndinotoda kumuka ndichienda naye kumba kwavo kungoti apa ndaneta chete,ko mukurevei kana muchiti harisi ropa renyu". " Zvimwe zvizhinji chisiyana nazvo chakakosha ndechekuti mhondi yave mujeri", vakadaro asi ini ndakasara ndine question mark hangu kuti vaizama kurevei chaizvo. Manheru handina kurara zvakanaka ne mwana wa Omega achingochema chete ,ainetsawo. Kuseni ndakafumo bata jongwe muromo kwakuenda nana Emily pavaienda kuchikoro. " Kendrick nhasi hausi kuenda kuchikoro pamba hazviite kusara pasina munhu ini ndiri kuenda kwa Nyamhunga dady vari kuda kubuda ". Ndakadaro ndaona atopfeka uniform ndiye aive asara akundisvota uyu ndaiona kuti kuenda kuchikoro kwake kwaizotiburitsa mu budget chaimo. "Mama ini ndichiri kurwadziwa Omega kureva kuti hatichamuoni futi",ndi Emily akadaro tiri munzira. "Omega imhondi Emily aive shamwari yako but ndoda kuti ugamuchire kuti munhu akaipa usiyane naye wokanganwa ne zvake". "Mama ini moyo wangu uri kundirambira akaiwana kupi nduru ye garwe. Omega ndinoziva kuti aida mai vake zvokuti hapana kana paimbovauraya pane zvakaitika chete kana kuti machine yakatadza kuona I know omega very well she is not capable to do that never." "Emily mwanangu nyika yatiri kurarama iri kuitika zvinoera ne zvinoshamisa everyday. Unogona kufunga kuti umwe munhu unomuziva asi usingamuzive zvachose. Zvinofunga munhu hauzvizivi pamwe aida kuromba namai vake sezvo aitambura. Handiti zvinonzi ukaenda uchida kunoromba zvinonzi uraya munhu ari pamoyo pako zvakanyanya." " Still Omega ndomurambira chokwadi chichabuda pachena zvacho rimwe gore. Omega akaramba kubvisa nhumbu chaiyo kozoti kuuraya munhu umm i doubt",akadaro Emily kwakubva atura nafemo. " Hooo ko iyo nhumbu yakanobva ave kujeri akaiwana kupi". " Handiti Authority aimumanikidza paive kumba kwacho kureva kuti yaive nhumbu yake". " Hoo hameno kana pane zvakaitika zvichabuda pachena iwe uri kudzivirira kana ukaita musikanzwa wako handiti handidi kuchengeta gora ini risina baba". " Yes mama am preventing mimba handiite zvangu". "Good mwanangu usangorarwa mahara upihwe mari uchitenga zvaunoda mazuvano you have to enjoy uchiri musikana kudai kana wapinda mumba hapachina kufara dzimba dzakaoma", ndakadaro achibva aseka. Ini ndaive ndisiri mai vaya vakaoma kumwana. Emily aitokwanisa kundiudza nyaya dzevakomana vake taiita kunge sisi ne munin'ina. Ndakazosvika iye kwakuenda kuchikoro ini ndichibva ndapfuurira kuenda kumba kwana Authority. Luck enough ndakasvika mai vacho varipo vachitodya porridge. "Muriseyi henyu ndauya kuzosiya mwana wa Authority uyu pano muchengete. Mai vake vakasungwa uye vakapihwa life in jail", handina kuda kumbotenderera ndakangonanga straight paive ne nyaya yangu. "Ko hamugari pasi tikataura here zvino mukandisiira mwana mudiki akadai ndinomuitasei ini". "Moona yekutamba anoda kuchengeta mwana weumwe munhu ndiani manje mbuya vemwana uyu mai vamai vake vakafa. Chengetai imi ndiko kuti mugotsiura vana venyu vasanyoresa pen dzavo pose pose ngavavhare mazip emabhurugwa avo. Mototenda henyu kuti imwe mimba yakazobva ave kujeri handiti aive atopamha mwana wenyu",pandakadaro vakabva vashamisika. Handina kuda kuzomirira mhinduro yavo ndakabva ndato turner kwakudzokera kumba. Ndakasvika ndikawana Kendrick kakagara kachidziya mushana zvake kunge dzvinyu. "Mumba hamuna kutsvairwa kana kusukwa ndiro iwe wakagara ipapo uri baba ve musha here iwewe", ndakadaro ne inzwi raive pamusoro. "Handigoni kuita izvozvo ini changu kufudza mombe kana dzoro riri kwedu". "Manje neni uchagona zvose izvozvi buritsa ndiro u cleaner mu kitchen imomo kusvika machena wosuka ndiro dzose idzo ndoda kuona dzakachena. Mapoto ngavaime zvekuti ndinozviona kumeso kwangu paari kunge ndiri pa mirror", pandakadaro ndakaona kakasimuka kapusa kumeso kwakuenda kunoita zvandaive ndataura. Aive akajaidzwa chaiko mwana uyu grade 3 anoti haagoni kuita basa. Ini ndakabva ndapinda mu bedroom kwakurara hangu hope chaidzo. Pandakamuka ndakaenda kunogeza kwakupfeka dress ramai va Omega handiti hembe dzavo dzaive dzisina kugovewa kwaive kwanzi kuri kudiwa mombe. Ugoona vaive ne hembe dzakanaka dzakawanda kutodarika ini kungoti mukadzi wacho aishanda achizvigezera ne kuchena hake. Sandi kufitwa kwandaive ndakaitwa ne dress iroro afa anaka hapana kana chinotyisa. "Kendrick bhodho iri harina kuchena". "Ndaneta ini uye ihombe ko mapfekerei hembe ya mama", paakadaro ndakanzwa hasha ndichibva ndamudira mbama padama yaive strong chaiyo. " Nyarara uko ita zvandataura uri kunzwa here iwe mwana we hure". " Ko muri kundirovereiko ndizvo zvamakavinga pano here mune hutsinye apa",ndakabva ndakatora kwakuisa musoro wake pakati pemakumbo angu ndokutanga kumurova akadaro aitoda kundipindura. " Next time pandinotaura unonyarara wanzwa",ndakamusiya akusuka ndokutanga kubika. " Dady maswerasei henyu", ndakadaro zvine hunhu wo pasvika baba Omega. " Dress rawakapfeka rakakufita ko harisi ramai Omega here iri". " Ndiro ndangoti ndipfeke hangu nekuti dzakangogara hembe dzacho". " Horaiti hembe haina basa iyi ndini ndakaitenga futi musi we birthday rake imari yangu. Iyo hanzvadzi yacho inoti ndinofanirwa kubvisa mombe mbiri kuti vagove hembe dze hama yake kundipengera chaiko ", ndakanzwa kufara kuti baba Omega vaive vati ndipfeke hembe dzemukadzi wavo. Dzangu ndaitozosiyana nadzo ini chandaida vainditeerera zvose zvandaitaura. " Horaiti dady hembe hadzina basa idzi". "Ko Emily haasati adzoka kuma 8 kuno". "Nyamhunga munongoziva kuti kure hapasi pano dady". "Ehe hazvo asi mwana wemusikana anofanirwa kudai ave mumba ndipo pakuzopedzisira aita zvakaita Omega". "Emily haadaro akadzikama zvokuti uyu muchaona achipasa chikoro agoita doctor chaiye,ko news madziona here omega akatiza kujeri ari kutsvakwa. "Anobatwa zvake kusina kwaaenda ini pano handidi kana kuona gumbo rake", vakadaro ndichibva ndasekerera aiti anotiza akasvika kupi Omega anobatwa chete. Emily akazouya kwakudya hedu aiwa taifara semhuri. Kungoti nguva inofamba haimire zvayo yakafamba kusvika makore matatu akwana. Kendrick chikoro aive akamira uyu Emily akanyora form 4 yake achibva afoira. Aive akushanda hake mubhawa ku zvipani, achindipawo mari. Ndaive ndazozvara mwana akafa ne nhumbu yandaive nayo. One day takamuka ndokuona kuti Kendrick aive atiza asipo pamba zvakatinetsa kuti aive kupi chaizvo. Takambomutsvaka kupedzisira tanzwa kuti kune kumba kwaive akuita zvekufudza mombe tichibva tasiyana nazvo. Ko baba vacho vaive vakungoteerera zvose zvandaitaura. "Hona wardrobe yakazara mujuru iyi",ndi baba Omega vakadaro kwakukwakuka pa bed ne zvandaive ndaonawo. Chokwadi wardrobe yaigara hembe dzedu ,yaive yakuita churu chaicho ndakatarisa rimwe side rataive takasiya hembe dzamai Omega kwakuona futi kuti paive pakaita churu ipapo. Midziyo yose ndaive ndisina kuchinja kana ndiro ndaishandisa dzamai Omega ini kugara kwese kwandakaita pamba pavo. " Hembe dzemunhu akafa dzawaipfeka hona zvaitika",ndakabuda panze hana ichirova kwakuenda mu kitchen maiita kuvaima chaiko ndiro dzose dzakasukwa. Ndakamira pamusiwo ndakabata muchiuno ndipo pandakaona kuti ne ruvanze rwaive rwakatsvairwa apa ma drum akazara ne mvura. Ndiri pakati pekufunga pakabva pasvika mota paruvanze ye black yaive yakanaka zvokuti. Pandakaona vanhu vaiburuka imomo hapana kana umwe chete wandakaziva hameno pamwe vaive varasika havo. *Siya like kana wanakirwa* End of chapter 17 Stay stuned