دجالی صحافت کے مقابل پاکستان کا فکری محاذ الحمدللہ! وہی پاکستان، جسے کبھی دنیا دہشت گردوں کی آماجگاہ سمجھتی رہی، آج دجالی میڈیا کی چالاکیوں، ان کے جھوٹے پروپیگنڈے، اور گمراہ کن بیانیوں کے سامنے فکری و ابلاغی محاذ کا علمبردار بن کر کھڑا ہے! آج ایرانی سرزمین پر برستی بارود کی بو میں امتِ مسلمہ کے بدن کی جلن محسوس ہوتی ہے، اور یہ احساس کسی عرب یا عجم کی جاگیر نہیں، بلکہ وہ امانت ہے جو رحمت للعالمین صلی اللہ علیہ وآلہ وسلم نے ہر اُس دل میں ودیعت کی جو "لا إله إلا الله" کا اقرار کرتا ہے! پاکستان کا نوجوان — نہ رستم، نہ سہراب، لیکن ہاتھ میں قلم، دل میں ایمان، لب پر للکار اور نگاہ میں یقین لیے، دجال کے ہر لفظ کو خاک چٹوا رہا ہے۔ یہ وہی نسل ہے جسے کبھی نساب بدل کر، تاریخ مٹا کر، فرقوں میں بانٹ کر بےجان کرنے کی کوشش کی گئی تھی — مگر آج یہی نسل ایران کے لیے بازوئے حیدری بن چکی ہے! یہ وہ مقام ہے جہاں ہماری تاریخ نے کروٹ لی ہے۔ یہ صرف ایران کا محاذ نہیں، یہ دراصل کربلائے جدید کا آغاز ہے — جہاں ایک طرف یزیدی میڈیا کی فوج، اور دوسری جانب حسینی ضمیر کی ایک چیخ — جسے پاکستان کے ہر ذی شعور فرد نے آواز دی ہے! ہمیں آج فخر ہے کہ ہم نے صرف ایران کا ساتھ نہیں دیا، بلکہ امتِ محمدیہ کے اس تصور کو عملی صورت دی ہے جس کے بارے میں نبی کریم صلی اللہ علیہ وسلم نے فرمایا تھا: > "امت ایک جسم کی مانند ہے، ایک حصے کو تکلیف ہو تو سارا جسم تڑپ اٹھتا ہے!" اہلِ عرب! سن لو! سن لو، اے مملکتوں کے نگہبانوں! تمہاری معیشتیں، تمہارے تیل کے کنویں، تمہاری فیکٹریاں اور شیش محل کل کسی کام نہ آئیں گے اگر آج تم نے دجال کی راہ میں خاموشی اختیار کی۔ آج ایران تنہا نہیں، کیونکہ لاہور، پشاور، کوئٹہ، کراچی، گلگت، میرپور — ہر زبان بولنے والا کہہ رہا ہے: "ہم اس جنگ کو اپنی جنگ سمجھتے ہیں!" "یہ صرف سرحدوں کی لڑائی نہیں، یہ نظامِ مصطفیٰﷺ کی بقا کی لڑائی ہے!" دشمن نے شاید سوچا تھا کہ ہم خوابیدہ ہیں — لیکن وہ بھول گیا کہ جس قوم کے بچوں کو بھی غزوۂ بدر، کربلا، اقبال اور جناح کا سبق پڑھایا جائے، وہ قوم صرف فوج سے نہیں، قلم، زبان، اور ایمان سے بھی جہاد کیا کرتی ہے! ہمارا نظریہ، ہمارا پیغام: "اللّٰہ کی زمین پر، صرف اللّٰہ کا قانون!" یہ صرف نعرہ نہیں، یہ اذان کا تسلسل ہے، یہ کربلا کی للکار ہے، یہ اقبال کا خواب ہے، اور یہ امت کا فرضِ منصبی ہے۔ اٹھو! اے ملتِ اسلامیہ! وقت ہے کہ اپنے زخموں کو مرہم نہ دو — بلکہ ہتھیار بنا دو! فرقوں کو چھوڑو، فکری سرحدوں کو مٹاؤ، اور ایک ہو جاؤ — کیونکہ یہ جنگ قلم سے لڑی جا رہی ہے، اور اس کا ہدف تم سب ہو! جزاکم اللہ خیراً کثیراً 🌍🇵🇰🇵🇸🇮🇷 𓂆 مسلم فورم 𓂆 https://whatsapp.com/channel/0029VadYVUE23n3hs4MgIh2H