📹 ایرانی میزائلوں نے اسرائیل کے ٹیکنالوجی مرکز کو نشانہ بنایا، مائیکروسافٹ دفتر کو نقصان جمعہ کی صبح، ایرانی میزائلوں نے اسرائیل کے گاو-یام نیگیو ٹیکنالوجی سینٹر کو نشانہ بنایا، جس کے نتیجے میں وہاں قائم مائیکروسافٹ کے دفتر کو نقصان پہنچا۔ ایران کا دعویٰ ہے کہ یہ ٹیکنالوجی پارک اسرائیلی فوج کے زیر استعمال فوجی اور سائبر تنصیبات پر مشتمل ہے، اور اسی بنا پر جمعرات کو اس کو نشانہ بنایا گیا۔ تاہم، ایرانی میزائل قریبی سوروکا میڈیکل کمپلیکس پر گرے، جس پر بین الاقوامی سطح پر شدید تنقید کی گئی۔ اس واقعے کے بعد اسرائیلی وزیر دفاع نے بیان دیا کہ "ایران کے سپریم لیڈر علی خامنہ ای کو اب مزید برداشت نہیں کیا جا سکتا"، جبکہ وزیر اعظم نیتن یاہو نے دھمکی دی کہ "ایران کو اس حملے کی پوری قیمت چکانا ہو گی"۔ واضح رہے کہ گزشتہ جمعہ سے دونوں ممالک میں جھڑپیں جاری ہیں، جب اسرائیل نے ایران پر ایک بڑا حملہ کیا تھا، جس میں فوجی اور حکومتی اہداف کو نشانہ بنایا گیا تھا۔