*؏ــڜــٱق✍🏻 اڵــڔﯣايــات📚📖🧡* _*بإدارة محمـــــــود*_🧡 *`قصة اليوم عشق الاسمر`* *❴🔢❵الـــبـــــــــــ❴2️⃣❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:جــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* *❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *📚*https://whatsapp.com/channel/0029VadbWnd89inYkEVrpG0C *📖📚؏ــڜــٱق✍🏻 اڵــڔﯣايــات📚📖* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *مـــحمـــود* 🧡 ➖➖➖➖➖➖➖➖➖ *❴📝❵↵تـنـسـيـق:جــــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* https://whatsapp.com/channel/0029VadbWnd89inYkEVrpG0C ` *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* Stories 📖: &..عشق الأسمر ❤.. &… بقلمي زهرة اللوتس🌸.. &..الجزء الثاني… . اسمر: طلعت لعندا بدي حاول صلح يالي عملتو… فيها قبل شوي بعرف انو … بس كرمالا كرمال ما تتشوه سمعتا من اول يوم… دخلت الغرفة عم دور نظري بكل مكان ما شفتا… طلعت للبلكونة ما كانت موجودة رحت وقفت قدام الحمام… اسمر: رنا اسمر: رنا عم تسمعيني اسمر: ازا ما رح تحكي رح اكسر الباب وادخل…. بعد ما شاف انو ما في نتيجة ضرب الباب بكتفو… اطلع بالارض وانصدم برنا وكيف مغمى عليها… .ودما رح يصفى بالارض.. بسرعة نزل لمسواها وحط راسا بحضنوو… وعم يضرب خدودا كرمال تصحى… . اسمر: رنا رنا اصحي شوو صرلك… رنا لك الله يلعني شوو جحش شو عملت بالبنت انا… . حملا سطحا على التخت ونزل بسرعة على الدرج… دق على باب الغرفة اسمر: امي امي فتحت ام العز الباب واطلعت باسمر ام العز: شبك اسمر: امي رنا عم تنزف ام العز: شو هل حكي بسرعة طلعت لفوق واسمر طلع بعدا… دخلت ام اسمر وقربت من رنا وبس شافت منظرا… ام العز: لك البنت رح يصفى دما… بسرعة جبلي شي لبسا ياه ..رح ناخدا للمشفى بعد ما لبستا ام العز لرنا لتياب حملا اسمر ونزل فيها… فتحتلو ام العز باب السيارة سطحا على المقعد وراح ركب مكانو وام العز حطت راس رنا بحضنا… وصلو المشفى وبسرعة اسمر حملا ونزل فيها… دخلا للغرفة والدكتورة طلعتوو لبرا ما سمحتلو يبقى… كان عم يضرب ايدو بالحيط محمل نفسو المسؤولية… بيالي صار برنا وعم يلوم نفسوو اسمر: انا حجش غبي ما بفهم… كيف بتعامل معا بهل قسى هاد لك الله ياخدني شوو حيوان… طلعت اموو وسكرة الباب بعدا… قرب منا اسمر اسمر: كيفا رنا شو حكت الدكتورة ام العز: رنا بخير… بس قالتلي خبرك الدكتورة انو ما بقى تقرب منا… لفترة لوقت تتحسن رنا وما يتكرر هل شي… اسمر بعصبية: لك ما رح قرب بس رنا كيف وضعا… ام العز: ما تخاف رنا بخير ..وهاد الشي بصير مع كل بنت بس انت انتبه منيح… مسح وجهو وشعراتو وزفر بضيق… اسمر: اي امي اي رح انتبه… وهلق شوو بعدا ام العز: بس يخلص السيروم منقدر ناخدا ونرجع للبيت بعد وقت فتح الباب اسمر ودخل كانت رنا… واقفة وام العز ماسكتا… اسمر: كيف حاسة حالك ازا تعبانة منبقى رنا كرمال ما تلفت نظر لمرة عما ابتسمت وحكت: انا منيحة قرب اسمر بدو يحمل رنا رنا: ما في داعي انا منيحة بمشي لوحدي… . اسمر: خليني احملك حملا اسمر وطلع فيها ..ابتسمت ام العز ولحقتهم وبالبيت اول ما دخلت رنا الغرفة وسكر الباب اسمر… . اسمر: رنا خلينا نحكي.. رنا: ما في حكي احكيه معك تركتوو وراحت نامت على التخت واعطتو ضهرا… . ما حب اسمر يضغط عليها اكتر…نزع قميصو ورح لمكانوو وتسطح حط اديه ورا راسو عم يفكر بيالي عملو كيف رح يصلح هل شي… . الصبح صحيت رنا بكير كان اسمر لساتو نايم… تركتو وفاتت للحمام عملت دوش وطلعت… وقفت قدام لمرايا عم تسرح شعرا…. بهل وقت صحي اسمر وكان صافن فيها ورنا موو منتبها… تجلس وكان عم يحرك شعروو البني… بطريقة مهذبة وحلوة اسمر: صباح الخير ما اهتمت رنا الو لبست الحلقة بأذنا وحطت خاتم الخطبة بايدا… وفتلت ضهرا وكانت رح تتطلع… رنا: بتمنى تجهز بكير وتلحقني هلق بيت عمي بيوصلو… ومو حلوة بحقك استقبلن لوحدي… كانت رح تطلع بس ايد اسمر يالي سكرة الباب منعتا من هل شي… اسمر: خلينا نحكي رنا اطلعت فيه رنا رنا: شو بدك تحكي اسمر بيك اسمر: بليلة مبارح رنا: ما في شي نحكيه بخصوص هل ليلة… وصفحة وتسكرت وما في داعي نحكي فيه… اسمر: لا رنا في وكتير رنا: غلطان ما في شي… وازا في شي احكي لوحدك انا ما رح اسمعك ..متل ما تجاهلتني وما سمعتني بليلة امس… انا اليوم رح اعمل معك نفس الشي.… صح ما كنت بتمنى علاقتي فيك هيك تكون… بس انت لخترت هل شي بأيدك… . بعدتلو ايدو عن الباب فتحتوو وطلعت… اسمر: معا حق شو ما حكت… نزلت رنا لتحت ورسمت الابتسامة على شفايفا… كان عما ومرة عما قاعدين… مشيت لعندن رنا رنا: صباح الخير أبو العز /أم العز: صباح النور قربت رنا وباسة ايد عما أبو العز: الله يرضا عليكي ورجعت قربت من ام العز وكانت رح تبوس ايدا وما سمحتلا… . ام العز: يرضى عليكي يا بنتي تعي قعدي مع جنبي… رنا: لا مرة عمي رح روح ساعد الخالة بحط لفطور… (طبعا اخوات اسمر كل واحد ساكن ببيتو… وبل بيت هاد ما في الا اسمر ) ام العز: لا انتي لساتك عروس تركي ام فاطمة بتشتغل لوحدة… رنا :متل ما بتامري بعد بوقت نزل أسمر من فوق وكان يحكي على الموبايل… . اسمر: خلص بعدين بشوفك ومنتفاهم… درمل الله معك اسمر: صباح الخير الكل :صباح النور قرب اسمر وقعد بحد رنا… .ورنا ما رفعت راسا أبداً دخلت ام فاطمة .. ام فاطمة: لفطور جاهز يا خانوم الكل توجه لغرفة لفطور قعدو بحد الطاولة… ورنا وقفت مع جنب اسمر وما قعدة… . اسمر: ما تقعدي شبك… رنا: عادات الضيعة بتقول ما بتقعد الحرمة لوقت زوجا يسمحلا مو هيك مرة عمو… ام العز: هيك ونص يا بنت الأصول ابتسم اسمر وسحب الكرسي يالي بحدوو… اسمر: وزوجك سمحلك تقعدي قعدة رنا مكان والكل بدء بالاكل… وبعد ما خلصوو اكلن وقعدو دخلت أم فاطمة…. ام فاطمة: يا باشا عيلة أبو حيدر وصلت ابو العز: اهلا وسهلا فيهن… ضيوف الرحمن طلعت رنا واسمركرمال يستقبلو بيت عما وقبل ما اسمر يفتح الباب وقفتو رنا… اسمر: شو ما حكت رنا قربت منوو وزررتلو زرار قميصو يالي كان فاتح اكتر من نصو… رنا: هيك الناس بتلبس اطلع فيها اسمر وابتسم من مزاجى فتحت رنا الباب واستقبلو الكل ودخلوهن… . قعدة رنا وعبادة مع جنبا… واسمر من جنبا التاني ام حيدر: كيفك بنتي رنا: الحمدالله عمتي انا بخير… عبادة بهمس لرنا: شو كيف اسمر معك… اطلعت فيه رنا وزورتو… رنا: ما تسئلني سؤال بتعرف جوابو عبادة… عبادة: يعني بفهم من حكيك انو انتي واسمر… رنا: خلص سكوت اطلع اسمر برنا متضايق بسبب همسة مع عبادة… هوا بطبعو ما بحب هل حركات… اسمر: رنا جهزي لضيافة وقفت رنا ودخلت المطبخ أخدة لضيافة من ام فاطمة وطلعت… .ضيفت الكل وراحت قعدة مع جنب ام حيدر… . ام حيدر بهمس: خبريني بنتي انتي منيحة رنا: منيحة عمتي. ما تخافي .. ام حيدر: وبخصوص ال رنا بمقاطعة: كلشي تمام عمتي… ابتسمت ام حيدر واطلعت بأبو حيدر وهزتلو براسا… ابتسم ابو حيدر وحكا… ابو حيدر: كيف لقيت رنا يا أسمر أسمر: ما في منا… بنت اصول ومرباية احسن التربية… بعد وقت منيح من حكي بخصوص الشغل والعمل واهل الضيعة استاذنو بيت… .ابو حيدر وبعد ما ودعت رنا بيت عما طلعت لغرفتا… لقت موبايلا عم يرن كانت حنان رنا: اهلن حنان حنان: اهلن فيكي يا عروس… كيفك رنا: عايشة انتي كيفك حنان: هلق الوحدة بتاني يوم بعرسا هيك بتحكي… رنا: حنان بشرفك ما تقعدي تتفلسفي.… بلا عروس بلا بطيخ .. حنان: ههههه خلص خلص بس انتي ما تعصبي… شو عاملة رنا: ولا شي بالغرفة قبل شوي بيت عمي راحو… حنان: واسمر وين رنا: بل هفا انا شو دخلني فيه… حنان: يوه هيك الوحدة بتحكي عن زوجا… رنا: مانو بطيخي ولا بقى تسئليني عنو مفهوم.. حنان: مفهوم حبيبتي… دخل اسمر الغرفة رنا: بعدين بحاكيكي باي حنان: باي اسمر: مع مين كنتي عم تحكي رنا: ما دخلك ومن الأحسن ما تدخل فيني… ولا باتصالاتي اسمر: انا زوجك رنا: انت معتبر حالك زوجي… بس انا حتى عدوي ومستكثرها فيك… قرب اسمر بدو ياخد الموبايل… اخذتو رنا وقفت .. رنا: ما تفكر بسمحلك تشوف خصوصياتي اسمر: بين المر وزوجا ما في خصوصيات… وما في شي مخفي وبالسر رنا: بعتذر منك بس انا ما بشوفك زوجي… ويا ريت تشوفني متل ما بشوفك… مسك اسمر ايد رنا وضغط عليها بقوة… بس رنا كانت اقوى من هيك بكتير… نمر يالي دربا بكل انواع القتال حتى بالسلاح… .والصيد والفروسية… عمل منا أنثى رقيقة.... وحساسة مع رجال قوي وشهم وفارس… رنا: ازا مفكر عم توجعني بتكون غلطان… اسمر: اممم الضاهر رح اتعذب معك كتير… رنا: اتركني بحالي ما بعذبك… بكف شري بس ازا بدك تشوف حالك الرجال ومن هل حكي… رح تتعذب اسمر: من حقي اعرف مع مين عم تحكي… رنا: لو عاملتني بالمنيح كنت عاملتك بالمثل… بس انت اخترت السوء لهيك ما تلومني شو ما عملت… . أسمر: بنت نمر لا تجبريني على شي… رنا باريحية: اعمل كل شي بريحك (قربت من وجهوو وحكت اقبال شفايفو بالظبط )اسمر بيك اسمر: وجريئة كمان رنا: متل ما حكيتلي ما تستعجل على شي… معك معك رح تعرف طبعي ومزاجي… وهلق تروك ايدي ابتسم اسمر وتركا وراح رما حالوو على التخت… واسمر من نوع المعروف ببرودت الدم… يالي بتقتل الشخص وهوا مو هامو شي… بس وقت الجد بصير اسد وما بقى يشوف قداموو… اسمر :ام احكيلي ما بدك اتعرف على حبيب القلب… بس انا ما عندي مشكلة من هل موضوع… انا شخص متطور وما عندي اي اعتراض… قربت رنا منوو واطلعت فيه بصدمة… رنا: عن اي حبيب عم تحكي حضرتك… اسمر: يالي كنتي عم تحكي معو قبل شوي… رنا: ما كنت احكي مع حدا… وما تكبر بالحكي اسمر: وهداك اليوم وقت شفتك… راجعا بوقت متاخر وين كنتي… رنا: كنت بجهنم الحمرا انت شو دخلك… اسمر: ما دخلني بشي بس بحب خبرك… أبي ما عندو زايحة وما بحب الغلط وازا بشوف شي ما بيعجبو… رح يحط حطا منك ..لهيك خليني بالصورة كرمال بس تسقطي تلاقي ايدي تساعدك اطلعت فيه رنا وهيا بقمت غيظا… رنا: اذا المساعدة بدا تيجي منك ما بدي ياها… راحت وقعدة على الكنبة… حطت رجل فوق رجل واطلعت باسمر… اسمر: بدك تحكي شي رنا; ايه بدي جهز غرفة خاصة الي… . اسمر: ليش مو ماخدة راحتك بغرفتي… رنا: اول شي هاي غرفتنا تنيناتنا ..مو الك وحدك اسمر: لكان غرفة شو بدك ما تقوليلي الك ولمحبوبك… يكون بعلمك انا ما بقبل انا وضرتي. بنفس الشقة ..بدك ياه اشتريلو شقة تانية… رنا: ههههه ضحكتني وما الي نفس اضحك من شوفتك اسمر:مو عاجبيتك شوفتي… ونص بنات الضيعة بيتمنو يلمحوني… رنا: ايه بكونو مغدورين بشكلك ما بيعرفو باطنك… . اسمر: وحياتك باطني احلا واروع بكتير من شكلي… . رنا: ما تغير الموضوع.… . اسمر: انا خبرتك ما بسكن معو بنفس الشقة… مسكت رنا لمخدة ضربتا على اسمر رنا: ما تتظارف ..بحكيلك بدي غرفة خاصة فيني. انا ودراستي… ومكتبة كرمال كتبي… اسمر: بس هيك تكرم عيونك… كان عبادة ماشي بعدي حبيبتو يالي الو سنة كاملة عم يحاول معا… كانت طالعة من معهد الرسم وحاملة ادواتا بأيدا… عبادة: ربا التفت ربا وابتسمت بس شافة عبادة… قربت منو عم تحكي ربا: انت ما مليت كل يوم نفس الشي… عبادة: ما رح مل لوقت تقبلي فيني… ربا: حكيتلك انا مو من بنات هاي الايام… بدك ياني بتعرف بيت اهلي لو سمحت ما بقى تتصرف تصرفات مراهقين رح تسببلي مشاكل… تركتو ومشت وهيا مبتسمة وعبادة صرخ كرمال تسمعو عبادة: ايه رح اخطبك مفكرة عم تخوفيني… وبعدا بدي شوف شو الحجة يالي رح تحطيها… رجع عبادة للبيت دخل كان امو ابوه… قاعدين عبادة: السلام عليكم ابو حيدر/ام حيدر: وعليكم السلام ورحمة الله وبركاتو عبادة: بدي احكي معكن بموضوع… ام حيدر: خير اللهم اجعلو خير… ابتسم عبادة: خير خير أمي أبو حيدر: هات احكي شو في عندك… عبادة: بدي تخطبولي… ام حيدر بفرح: عنجد عم تحكي عبادة: ايه عنجد ام حيدر: لك من عيوني والله لحتى اخطبلك… زينة بنات الضيعة من بكرا بتصل باختك وبدورلك… . ابو حيدر: يا أم حيدر ابنك حاط وحدة ببالو… عبادة: ههههه ام حيدر: صح هل حكي ابني عبادة: اي يا ست الكل… ابو حيدر: ابني وبعرفو… وبنت مين بتكون عبادة: بنت السمان ابو عبدو ابي… . ابو حيدر: والنعم يا ابني شو رئيك يا ام حيدر ام حيدر: والله انا ما بعرفن للجماعة… بس خلص باخد موعد وبشوف .. دخل هشام وحامل شنتايتو بأيدو هشام: السلام عليكم… الكل: وعليكم السلام ورحمة الله وبركاتو أم حيدر: انت مقضي يومك كلو بالشغل وخطيبتك مهملة ما بتحكي معا… راح هشام وقعد مع جنبا. .. هشام: لا امي حكيت معا وهلق رح ارتاح شوي وبعد روح لعندا… منيح هيك ام حيدر: اي منيح وين شاهين ليش ما اجا اليوم… ابو حيدر: كان ماخد عيلتو قصدورة عند راس العين… كانت رنا ساندا حالا على الشجرة… وصهيب عم يلعبلا بشعراتا.. حنان :صهيب برئيك بتستمر علاقة اسمر ورنا… صهيب :وانا شو معرفني… هلق تركيني من اسمر ورنا.. وخليكي فينا حنان: امم احكي صهيب: ما بدك ترحميني حنان: بشو صهيب: بس بوسة والله عم احلم فيها… سحبت حالا حنان من بين اديه… وركضت حنان: ازا بتمسكني اعمل يالي بدك ياه… صهيب: هيك لكان ماشي صارت حنان تركض وصهيب عم يلحقا… بين الشجر اخر شي وقفت حنان وقت ما شافت صهيب… حنان: صهيب صهيب وينك… صهيب ما جا ابداً رد لحنان وهاد الشي خوفا… كتير لدرجة صارت تبكي.. حنان: صهيب وين رحت صهيب… . بعدا حست على حدا ضما من ورا غمضلا عيونا… وبوسة خفيفة نزلت على خدة حنان: صهيب صهيب: نبضو… فتلت حالا وحضنتوو حنان: ما بقا تعيدا خوفتني كتير… صهيب: اسف حبيبتي ..يالله خلينا نرجع تاخر الوقت… حنان: بدك تروح لعند حدا شي صهيب: ايه بدي روح انا والشباب لعند اسمر… كرمال نباركلو حنان: وبدك تقتلوو متل ما بتعملو بكل العرسان… صهيب: هيك الشباب متفقين… بس خايف نطلع نحنا المقتولين من هنيك .. حنان: ليش اسمر لساتو بيلعب بالاثقال وبروح النادي… صهيب: لا خف عن اول بس بيعمل تمارين بالبيت… حنان: لو انت كمان تعمل عضلات متلو احلا بكتير… صهيب: ليش هيك مو حلوة حنان: حلو كيف ما كنت… صهيب: هبلة يالله دخلي اطلعت فيه حنان كتفت اديها…. وعملت زوم بتما علامة زعل…. حنان: انا هبلة صهيب باشا… مد ايدو صهيب وقرصا من خدا بلطف… صهيب: واحلا هبلة تركا ومشي وهيا دخلت للبيت مبسوطة… كانت واقفة وحاطا ايدا مكان قرصة… صهيب وصافنة ما صحيت الا على .. ايد اما عم تلوح قدام وجها… ام حنان: اسم الله عليكي شبك متل المسطولين واقفة وماسة خدك بسرعة حنان تجلست حنان: لا ما في شي امي انا فايتا بدل تيابي… مشيت حنان بسرعة اما مسكتا من طاقيتا ورجعتا لقداما… ام حنان: مفكريتي جدبة ومو فهمان عليكي…. كنتي مع صهيب ما هيك حنان: ها لا شو هل حكي امي…. وشو بدي اعمل مع صهيب انا ام حنان: ايه تضحكي علي مفكريتني مو كاشفك انا… حنان: امي ما في من هل.… حكي هاد كلو من وين عم تجيبيه انتي من عند المسا… . ام حنان: من غرفة المونة عم جيبو… حنان: ههههه الله عليكي يا امي صايرة تعرفي تنكتي… . ام حنان: اي بلا طق حنك بدلي تيابك… ولحقيني خليني جهز العشا قبل بيك وخيك ما يرجعو من شغلن . . حنان: حاضر امي حاضر… . تركتا حنان ومشيت وقفت اما وضحكت عم تحكي… ام حنان: مفكريتني خرفت وما بعرف… .انكن بتحبو بعض الله يهنيكي يا بنتي ويبعتلك ايام حلوة . .. المسا بمضافة أبو العز… مجتمعين الشباب عم يباركو لاسمر بجيزتو… مراد: لك انشالله جوازت الدهر يا أبو سمرة… اسمر: تسلم شاهين :كيف شفتلنا الجيزة… اسمر: غير شكل والله لو بعرف كنت من زمان تزوجت… الكل: هههههه هشام: عم تحرضوني ها ..والله هلق بيضرب لفيوز عندي وبطرقا بكرا جوازة… . الكل: ههههههه اندق الباب قام اسمر وفتحو كانت رنا حاملة صينية الحلو… اخدا اسمر اسمر: لك يسلمن يا روحي وغمزا… رنا: اهلا وسهلا حبيبي تركتو ورجعت لعند سلفاتا يالي كانو سهرانين معا… دانا: كيف لقيتي هل اسمر رنا: تمام رغد: انا طول الوقت قول الله يعينك عليه رنا: ههه ليش شبو رؤى: ههه والله مو شي… بشيل الهم عن القلب رنا: عنجد بس انا حسيتو عصبي دانا: لا حبيبتي مو عصبي بالعكس… ..كتير مزوح بس ازا يبرد دمو عنجد بموتك على البطيئ… . رنا بقلبا: متل ما عمل معي اليوم…. ميس: شو وين شردتي… رنا: لا معكن تفضلو مدو اديكن ....اكيد مو خجلانين دانا: انتي سنة رابعة رنا: ايه رؤى :وليش دخلتي هل مجال… . فاتت رنا بدوامة الذكرايات… ..يالي بتخلي جرحا ينزف آلم وجع وهاد الشي… بخليها تتشجع اكتر كرمال تنتقم… … .. @… .فلاش باك…. @…… . كانت رنا قاعدة بحد نمر على الكنبة… ونمر عم يلعبلا بشعراتا . نمر: شو بدك تسجلي .. رنا: انا حابب التحق بكلية الحربية… وترقا بعد واحصل على مكافئات وبالاخير صير متلك ضابظ… نمر: شو هل حكي. ..مو ازا علمتك كلشي واعطيتك الحرية تتدخلي هل فرع.. رنا: ليش شبو هل فرع نمر هاي انت دخلتو نمر: ببقى في فرق بيني وبينك… رنا: تمام متل ما بتحب… ورح سجل متل ما بدك… نمر: لكان رح سجلك بكلية الحقوق… بدي بنتي تصير اشهر محامية… . رنا: انشالله يا نمر كون عند حسن ضنك وخليك تفتخر فيني… حضنا نمر لصدرو عم يضحك… . … .&… باك… &….. صحيت رنا من ذكرايات ولدموع عم تتجمع بعيونا… بس رنا اقوى من هيك… ما بتبكي قدام حدا رؤى: اسف رنا يمكن كون ازعجتك بسؤالي… رنا بأبتسامة: لا حبيبتي مو هيك… بس المرحوم نمر هوا كان يحب كون محامية ناجحة… وكون سند لاهل الضيعة رؤى: انشالله حبيبتي رغد: رنا سؤال هلق انتي ما بتعرفي أمك .. رنا: لا بعد ما ولدتني مباشرة ماتت… دانا: عنجد اول مرة بسمع… مين رباكي انتي رنا: نمر كان الي اب وام واخ وصديق… ما خلاني احتاج حدا ابداً ميس: طيب بيت اخوالك خالاتك ما كانو يسئلو عنك… رنا: خوالي وخالاتي عم تحكي… هه من بعد ما ماتت امي اتهموني…. بانو انا السبب وكرهوني كتير وما تقبلو وجودي … وبتعرفو امي من ضيعة تانية… لهيك ما كنت شوفن التقيت مرة وحدة فيهن وقت توفى نمر … وما قبلت احكي مع اي واحد فيهن … وبس دانا: كان لازم يصير العكس… .بتبقي من ريحت اختن… رنا: ما بعرف اصلن هيك اريح… بعدا طلع صوت قوي من عند الشباب وقفت رنا رنا: شو عم يصير تحت مسكتا رغد وقعدة مكانا عم يضحكو… رغد: بكونو عم يباركوو للعريس بطريقتن… ميس: يا مسكين يا اسمر رنا بقلبا: انشالله بكسرو كل عظمة بجسمو رؤى: شو رنا شفقتي عليه… وتحت عند الشباب كان اسمر عم يضرب… .بشاهين لوقت فكوه الشباب من بين اديه…. وقف اسمر عم يتضحك… اسمر: لسا في حدا بدو يباركلي… شاهين: الله لا يوفقك كسرتلي عظامي هشام: ما شالله حديد جسمك ما بتحس… . اسمر: ازا بتحب باركلي وشوف… هشام: لا دخيلك لا بدي باركلك ولا شي… انا على وجه جواز مو حلوة تشوهني … الكل: ههههههه بعد شوي الكل رجع لبيتو نزلو الحريم لتحت… وكل وحدة راحت لعند زوجا ورنا عم تتطلع باسمر على امل تشوف علامة ضرب… . رغد: يوه انت ما انقتلت… . رفع اسمر حواجبو عم يرقصن فوق وتحت…. بحركة مستفزا ياسر: لك قتل نص الشباب… ليش في حدا بيقدلو لهل ازعر عزيز: ملعون هاد ما بينخاف عليه رؤى: كانت رنا خايفة عليه… اطلع اسمر فيها وبتسم وضما لحضنو: ما تخافي زوجك اسد ما حدا بقيدرلو… عز: يالله يا دانا خليني نروح رنا: لسى بكير عمي خليني سهرانين… . عز: تسلميلي بس بلاها كلمة عمي ندهيلي اخي… واعتبريني متل اخوكي لكبير… وازا هالحمار يالي بحدك زعلك بشي بس خبريني… .انا بعرف حاسبو رنا: انشالله رح تكون… متل اخي واعز ام العز: اسمر خود عروستك وطلعو لفوق… . اسمر: لك الف طلب متل هل طلب ام العز… .من عيوني الثنتين… الكل: ههههههههههه ابو العز: الولد على الجيزة طقو عقلاتو… اسمر: لك الله يسامحك يا رجال… صرت اطول منك ولساتك بتقلي ولد… امشي يا حرمة امشي.. ولا قلك استني انا بحملك بأديي الكل: ههههههههه رنا: اسمر نزلني مو حلوة قدام اهلك… ما رد اسمر على رنا حملا وطلع فيها لفوق… . ياسر: لا العوض من الله الولد خالص… .فقد عقلو وبس وصل اسمر لفوق دخل الغرفة ونزل رنا .. رنا: ما بقى تعمل هيك قدام اهلك لو سمحت اسمر: ليش رنا: من دون ليش انا ما بحب هل حركات… اسمر: ايه من يوم طالع حبيها رح تشوفي منا كتير رنا: ليك ما بدي انزع ليلتي بسببك والافضل تبقى ساكت. ما بدي اسمع صوتك النشاز اسمر: عم يزعجك صوتي رنا: فوق ما تتصور واسمر من طبعو ثقل الدم وقف بنص التخت وصار يغني على طول صوتو… اسمر: حبك جنني يال غايب عني لو تتطلب روحي تاخدها مني… بسرعة رنا طلعت لعندو على التخت وحطت ايدا على تمو… كرمال تسكتو .. رنا: لك بكفي فضحتنا نزل اسمر ايد رنا عن تمو… وريحت عطرا يالي خلتو ينسا حالو وعيونا الخضر يالي فيهن متاهة عشق بدأت من هل لحظة… . اسمر: ليش خليني سمعك صوتي مشان تعرفي من يالي صوتو النشاز… انا ولا انتي… بتعرفي شو منيح مني انو قابل اسمعك كل ما بسمع صوتك بفكر في اعصار رح يهاجم الضيعة… رنا: ههه ضحكتني تركتو وراحت اخدة بجامتا من لخزانة… ودخلت تبدلا بالحمام… بس طلعت لقت اسمر مبدل تيابو… ونايم على التخت ومو لابس من فوق… راحت رنا وضربتو بالمخدة على وجهو… فتح اسمر عيونو يطالع فيها.. اسمر: هممم رنا: اول شي هاد مكاني انا… تجلس اسمر واطلع فيها منيح… اسمر: وتاني شي رنا: تاني شي انت مو لوحدك بالغرفة… لهيك البس شي مسكا اسمر لرنا من ايدا ودحشا تحتو على التخت… . اسمر: هلق دوري انا رح احكي وانتي رح تسمعي… اجت رنا تقوم حط ايدو منعا… اسمر: اسمعي رنا: بس تبعد عني بسمعك… اسمر: هيك مرتاح انا… وهلق اول شي ما بتتامري علي وكرمال طريقة لبسي انا هيك متعود وما بغير من حالي… . رنا: وتاني شي نزل اسمر وباس رنا من خدا ورنا تحت الصدمة…. اسمر: تاني شي هل بجامة بتجنن عليكي… تركا وراح نام من الجنب التاني… ورنا لسا ايدا مكان البوسة ومصدومة منو تجلست ونكشتو من كتافو ..دار ضهرو اسمر اسمر: شو ما بتتركيني نام رنا: شو هاد يالي عملتو قبل شوي يا بيك… اسمر: شو عملت اشرتلو رنا مكان البوسة… اسمر: ما تحكيلي بدك وحدة تانية… رفعت رنا ايدا بدا تضرب اسمر كف… بس اسمر كان اسرع منا ومسك ايدا… رجعت رنا رفعت ايدا التانية بس كمان اسمر مسكا وصارت اديهن بشكل اكس… . رنا: اسمر اصحك تتجاوز حدودك معي… لانو لسا ما بتعرف شو فيني اعمل… اسمر ببرود: شو فيكي تعملي يا بنت نمر رنا: تروك ايدي خليني ورجيك شو فيني اعمل… اسمر: ما حزرتي ما رح اتركا … اطلعت فيه رنا بغل غافلت نظراتو ونزلت على زندو وعضتو بقوة… ترك اسمو ايد رنا وتجلس… . اسمر: ااه لك العمة اكلتي ايدي يا **** رفعت رنا شعراتا لورا اذنا واطلعت بأسمر تتضحك… رنا: هاد اقل شي فيني اعملو يا ابن جهاد… . اسمر: انتي بدك تعملي عيشتي معك تحدي… رنا: متل ما بتحب انا مو فارقة معي… وهلق تصبح على خير زوجي العزير… . دارت ضهرا لاسمر ونامت مكانا… واسمر عم يتوعدلا بسبب يالي عملتو وتاني يوم اتصلت صديقة رنا من الكلية… .عم تخبرا بكل شي راح عليها بعطلتا… نزلت رنا لتحت وكان عما قاعد بحديقة البيت… مع اسمر رنا: عمي بد احكي معك ابو العز: تفضلي يا بنتي قعدة رنا بحد اسمر رنا: من بكرا رح ابدا دوام بالجامعة من بعد أزنك ابو العز: انا ما عندي اي مانع يا بنتي… تفاهمي انتي وزوجك رن موبايلو تركن وراح اسمر: ممنوع انا ما عندي طلعات وفوتات رنا: ما حدا طلب رئيك اصلن… تركتو ودخلت للبيت واسمر منصدم فيها… لحقا اسمر لجوا كانت بالمطبخ عم تساعد ام فاطمة… اسمر: رنا تعي بدي احكي معك… . رنا: مو شايفني عم ساعد خالتي… . اسمر: خالتي ام فاطمة… ممكن تتركينا لوحدنا ام فاطمة: تكرم يا ابني… . طلعت ام فاطمة راح اسمر وقفل باب المطبخ… توجه لعند رنا اخد السكين من ايدا… .ورما فوق الطاولة رنا: شو مفكر حالك عم تعمل… . أسمر: انتي شو مفكرة حالك عم تعملي… .كلمة مين عم تعصي رنا: انت ما الك كلمة علي… كلمتك بتمشي عليك وبس انا ما خصني فيك.… أسمر: انا زوجك يا خانوم… وبدك تسمعي كلمتي غصب عن راسك .. رنا: هاي مشكلتك انت انا ما بشوفك زوجي وما بدخل فيك وانت شوفني هيك وما تتدخل فيني… تركتو فتحت الباب وطلعت اسمر مسك شعرو بين اديه وعلى شوي رح يقلعو من مكانو… . اسمر: بدا تجنني هاي لحقا اسمر كانت قاعدة عم تجهز طاولة الاكل… مسكا من ايدا رنا: شو اسمر: رح نطلع رنا: مو هلق عم حضر الاكل ام العز: بنتي روحي مو مشكلة ام فاطمة بتحضرو… رنا: لكان بس لجيب جاكيتي والموبايل… اسمر: ما رح نتاخر طلع فيها لبرا ركبا بالسيارة وراح ركب مكانو… حطت رنا حزام الامان واسمر مشي بسرعة… رنا: شو خطر ببالك هل مشوار المفاجئ… اسمر: هلق بتعرفي .. وقف السيارة فوق جسر الضيعة… .مكان مميز كتير بالنسبة لاسمر كان كل ما يصير معو شي ويدايق يجي لعند الجسر يالي مصنوع من خشب ومن تحتو الماء بيدفق والاشجار العالية من كل مكان… نزلت رنا واطلعت فيه راح اسمر وقعد على الكرسي الخشبي… حطت رنا اديها عم تفركن على كتفا… كان الجو بارد وبداية فصل الشتي… وبهيك مكان طبيعي يكون بارد مشيت وقعدة مع جنبو .. رنا: جبتني لهون مشان تقعد اسمر: رنا خلينا نتفق… رنا: بيني وبينك ما في شي اسمو اتفاق . اسمر: انتي هيك دائماً جوباتك على راس لسانك… ما بتخلي لغيرك دور رنا: مع امثالك بس .. اسمر: مو عاجبك لكون رنا: ايه مو عاجبني .. نفخ اسمر وتابع بحكيو: ما جبتك لهون كرمال نتخانق… رنا: كرمال شو اسمر: رنا انا بعتذر منك صح انا ما رحمتك أول ليلة… بس كنت مجبور لو ما قربت منك كنتي رح تقعي بمشاكل مع اهلي.… وما حبيت يصير هيك رنا: عنجد شكراً كتير الك بس شو ما حكيت ما رح سامحك… اسمر: صدقيني انا ندمان بس ما كان في حل تاني… قدامي غير هل طريقة… رنا: ندمك ما رح يغير شي… لو سمعت مني كنا لقينا حل مع بعض… بتعرف اسمر ما كنت ناوي ابدا علاقتي معك بهاد الشكل… كنت بدي نكون اصدقاء ونكون علاقة حلوة وما يكون في بيناتنا زعل… (اطلعت فيه وتابعت بلوم وعتب) بس انت خربت كلشي… اسمر: خلينا نبدء من هل لحضة رنا: صعب اسمر ما فيني سامحك على الشي يالي عملتو فيني… . اسمر: ما تخلي قلبك قاسي رنا: ههههه قلبي قاسي كتير يا اسمر… وبقلبا من وقت ما قتلو نمر ورنا ما عاد فرق معا شي… . اسمر: لا انتي يالي عم تعمليه قاسي… بس بالحقيقة ما في احن منو .. رنا: غلطان… صارت رنا تفرك كتفا من البرد… وكيف شعرا الذهبي عم يطير بالهوا… اطلعت بأسمر رنا: خلينا نروح انا بردت… كان اسمر رح يشلح جاكيتو… بس وقفتو رنا رنا :ما تعملي فيها الرومنسي… وقلتلك خلينا نرجع للبيت .. اسمر: ههههه فارضة شخصيتك كتير… رنا: كتر خيري اني عم احترمك قدام اهلك… اسمر: عنجد شكراً كتير الك والله فضلتي على راسي… يا بنت نمر وقفت ومشت واسمر لحقا للسيارة… وصلو البيت رنا طلعت لفوق واسمر… دخل عند أمو وبيو… ام العز :انده لام فاطمة تحضرلكن الاكل… أسمر: لا امي ما في داعي عند رنا بدلت تيبا واتصلت بحنان .. رنا: شو عاملة حنان: ولا شي وانتي رنا: متلك بكرا شو في عندك حنان: ولا شي بس يخلص دوامي بالصالون برجع للبيت… . رنا: استنيني خلينا نتمشى مع بعض… ونحكي حنان: ليش بدك تتطلعي من البيت رنا: ايه بدي روح للجامعة بكرا… حنان: تمام دخل اسمر الغرفة نزع جاكيتو ورماه… وقعد يطالع برنا حنان: بدي خبرك رنا: امم احكي عم اسمعك… حنان: صهيب بدو يخطبني… رنا: عنجد وايمت ناوي حنان: حكالي بهل اسبوع موو كتير… رنا: ايه انشالله حنان: مبسوطة كتير يا رنا ما تتصوري اقديش… رنا: هههههه هبلة أسمر كان لساتو يطالع برنا… وكيف ضحكتا حلوة وكل معالم وجها بتشع أنوثى… سكرة رنا موبايلا وحكتو… رنا: لا تكون مضيع شي بوجهي… من وقت فتت وانت بطالع فيني أسمر: بستنى لتخلص مكالمتك مع صديقتك… . رنا: ولا تكون مدايق أسمر: بالعكس بخلص منك وبرتاح… وقف اسمر ونزع تيابو ودخل الحمام… رنا: ما بيفهم أبداً طلعت من الغرفة وبدت تعمل تفتيلا بشقتا… لسا ما شافتا فتحت كل غرفة وشافت تصميما لوصلت لاخر غرفة بالشقة.. فتحتا ودخلت كانت كبيرة كتير ووحيطانا كلا مرايات كيف .... ما بتتحركي بتشوفي حالك… وفيها شغلات تتدرين… رنا: امم اكيد هاي غرفة تتدريبوو للأسمر… طلعت ورجعت لعندو على الغرفة… كان يلعب بلاستيشن على الاب توب… دخلت وسكرت الباب رنا: شو صار بغرفتي ..ايمت رح تجهز ما رد عليها اسمر رفعت ايدا وسكرت الاب اسمر: لك ليش هيك عملتي كنت رح فوز… رنا: عم احكي معك انا خلي انتبهاك علي… . اسمر: شو في احكي خلصيني… رنا: عم الك غرفتي ايمت رح تجهز… انا عندي دراستي اهم من هل سخافات تبعك يا استاذ… . اسمر: عنجد ازا هيك انا ما دخلني بشي… وقف وكان رح يطلع… رنا: قرار نهائي.. اسمر: طبعاً حياتي تركا وطلع ورنا عضت ايدا من القهر… رنا: لك الله ما بلاني الا بواحد مريض نفسي…. بدو مصح انا كيف بدي اتحمل زناختو… نزلت لتحت ما لقتو كان في عز… وام العز رنا: اسمر وين ام العز: دخل المطبخ راحت للمطبخ لقتو عم ياكل. ..سحبت الكرسي وقعدة رنا: انشالله سم اسمر: شكراً يا محترمة رنا: غصب عنك محترمة… اسمر: اممم زعلتي لانو ما رح حضرلك الغرفة… ابتسمت رنا بوجهو ودحشتلو اللقمة بتموو رنا: وليش حتى انزعج… وازا بدي حطا براسي بخليك انت تنزعج… اسمر: يا بنت نمر بتحبي التحدي كتير باينتك… رنا: اكتر مما تتصور… وبتشوف كيف رح اتغلب عليك بكل شي… اسمر: ايه بنشوف رجعت مسكت لقمة كبيرة وحتطا بتمو… . رنا: كول زوجي العزيز…. اسمر وعم ياكل اللقمة: اي بس ما تكبريها كتير… رنا: ما تتنعم تمك بوسع اهل الضيعة كلا… أسمر: هههههههه وبيسع لسانك يالي ملفوف حول رقبتك ميتين لفة… . دخل عز على المطبخ… . عز: انشالله الف صحة رنا: تفضل اخي شاركنا بالأكل… عز: تسلميلي بس سبقتكن… رنا: اخي عز ممكن اطلب منك طلب عز: أكيد اختي لصغيرة… رنا: هوا بصراحة خجلانة منك مو عارف من وين ابدا… عز: ليش في اخت بتخجل من اخوها… اطلعت رنا بأسمر وغمزتو وتابعت حكي ببراءة… رنا: بصراحة انا طلبت من أسمر… يحضرلي غرفة خاصة كرمال دراستي رفض وما قبل… وانت بتعرف طبيعة دراستي وهاي الامور…. عز: هل حكي صح يا أسمر… . اطلع اسمر برنا وزورا… أسمر: مو هيك كان قصدي رنا فهمتني غلط… سحب عز الكرسي وقعد عليه…. عز: فهمني صح لكان اسمر: انا كان قصدي انو ما في داعي… لهاد الشي وفيها تتدرس بغرفتنا وانا ما رح دايقا ابداً… . عز: شو يا رنا… شو رئيك رنا ببراءة: انا لو بقدر ما كنت مانعت… بس بتعرف انت دراسة الحقوق… وانا بحتاج لمكتبة خاصة وفي كتب كتير بدا تكون موجودة… وبيت عمي كان الي مكتبة خاصة كرمال كتب القوانين… .وهيك باخد راحتي اكتر… عز: سمعت يا أسمر ..غرفة رنا خلال اسبوعين بدا تكون جاهزة… وما بدي تحس بفرق.. بين غرفتا هون غرفتا ببيت عما… حكيي ما بدي عيدو مرتين يا أسمر… أسمر :حاضر أخي اطلعت فيه رنا وصارت ترقصلو بحواجبا… تركن عز وطلع… رنا: واحد صفر انا يالي فزت بهاد التحدي… أسمر: اي ما تشوفي حالك وطيري لفوق لساتنا باول اللعبة… والشاطر يالي بضحك بالأخير… رنا: ايه منشوف يا ابن جهاد اسمر :بنشوف بنت نمر تركا وطلع ورنا صارت تضب السفرة… وعند حنان كانت عم تحكي مع صهيب على الموبايل… صهيب: بكرا بلتقي فيكي بس يخلص دوامك… حنان: لا ما بقدر بدي التقي انا ورنا… صهيب: ايوا وانا ايمت رح شوفك… حنان: ما بعرف .. ام حنان من برا :يا حنان وينك الك ساعة بالغرفة تعي اجا ابوكي واخوكي… حنان: ليك صهيب بعدين بحاكيكي هلق بدي سكر تمام… صهيب: تمام يا عيوني.. انتبهي على حالك حنان: وانت كمان باي سكرة حنان الموبايل وطلعت بسرعة لعند اما… ام حنان: شو بعدك بتعملي جوا حنان: امي كأنو بتتصرفي معي بشدة… كنت عم اتعلم موديلات شعر جديدة… ام حنان: الله يرضى عليكي يا بنتي… ما تزعلي مني بس والله من خوفي عليكي… حضنت حنان اما وضحكت حنان: الله لا يحرمني منك يا حنونة .. كان هشام قاعد مع خطيبتو بمقهى الضيعة… مروى; هشام هشام: حياتو مروى: اقديش بتحبني هشام: كتير مروى: اقديس اكتير هشام: امم بكبر هل سما وكل نقطة مطر رح تنزل منا بفصل الشتي… ابتسمت مروى وحضنت ادين هشام … . هشام: وهلق دورك اقديش بتحبيني… مروى: اكتر منك بكتير… هشام: امممم وقديش مروى: قد ما في عشق على الكرة الارضية… .وقد ما عيون سود بلون عيونك… . هشام: ههههههه بحبك مروى: وانا بموت فيك .. وعند اسمر يالي قاعد فوق السيارة .....وبايدو في حصا عم يضربو ببركة المي يالي قدامو وصهيب واقف قدامو… .وعم يستناه يحكي صهيب: لك وبعدين معك يا رجال… لسا من وقت ما جبتني وانت على وضعك ما عم تحكي شي… . اسمر: قوية كتير يا صهيب… رح تجنني صهيب; مينو هي القوية… اسمر: وعندا جمال بياخد العقل… وقلب الأسمر بلش يدق يا صهيب… صهيب: اي ومين بتكون اسمر: بنت نمر جابت اجلي يا شريكي صهيب: ما هي بالنهاية مرتك… اسمر; لا ابداً القصة مو بالسهولة يالي شايفة انت… صهيب: ما تحكيلي ما قربت منا وم…. اسمر: لا يا رجل ما في من هل حكي… بس يعني الوضع بينا مكركب.. وبدك تقول حلبة مصارعة دفاع وضد وكل واحد تركيبت عقلو شكل… صهيب: يعني حبيتا اسمر: لا بس قوتا عم تجذبني واصرارا… تحديها يا رجال اسمر بطبيعتو ما بقاوم هيك شي… صهيب: مين ماسكك لكان رما اسمر الحصوة على صهيب… اسمر: ما لقيت غير هالحمارة احكي معو… صهيب: بطلت اعجبك اسمر بيك… اسمر: ليش من ايمت كنت تعجبني… ركاب خلينا نروح طقت روحي منك… صهيب: حقير مو بايدك اسمر: من بعدك شريك… وبعد ما وصل اسمر البيت ركن السيارة ودخل… كانت العيلة كلا مجتمعة متل كل مسا… قعد اسمر ونزع جاكيتو ..قربت جنى(بنت ياسر لصغيرة ودلوعت اسمر ) وقعدة بحضنو ...باسة اسمر عم يضحك.. جنى: انت ليش هيك صاير اسمر: وكيف صاير هاتي احكيلي… جنى: ثقيل دم وما بتنهضم وما بتنحب… وفوق هيك بخيل بخيل كتير .. اسمر: هههههه هههه كل هدول مع بعض جنى: ايه وانا بطلت حبك… أسمر: هلق ما بتحبيني … . جنى: هئ ما بحبك أسمر: لكان ليش قاعدة بحضني ..روحي لعند ابوكي المهضوم الكريم ودمو خفيف… جنى: شو دخلك انت انا بقعد وين ما بدي… وانا اصلن مو قاعدة بحضنك ..قاعدة بحضن عمو حبيبي… لا تكون مدايق شي… . اسمر: ههههههه لك يا ام لسان كأنو لسانك طولان… .مين معلمك الحكي انتي اا جنى: تعلمتو من واحد ازعر بيفتح نص قميصو… وبيرفع شعرو لفوق… (قصدا عن أسمر )… اسمر: هههههه بطلنا نعجبك جنى خانوم… جنى: كنت تعجبني هلق مرتك رنا صارت تعجبني اكتر منك… مسكا اسمر وصار يدغدغا… وجنى فرطت ضحك… . جنى: ههههه ههههه خلص ههههه بابا قول لاسمر يوقف هههههه ياسر: البنت يا اسمر اسمر: شو دخلك انت مني لبنت اخي اصطفل… . جنى: هههههه خلص اسف اسف باسا اسمر وحطا بحضنو… اسمر: لكان انا بخيل وكنت جايبلك معي شوكولا… جنى: وينن وينن اسمر: هئ ما بقى في انا بخيل… رح اعطيهن لا ريم (بنت عزام ) كتفت جنى اديها وعملت زوم بتما انا زعلت… جنى: جنى خاصمتك يا اسمر… وما رح سامحك لوقت تجبلا شوكولا… اسمر: هههههه يا ملعونة بتعرفي كيف تتضحكي علي…. بسرعة قربت جنى وباستو من خدو… طالع أسمر الشوكولا من جيبتو واعطاها لجنى… جنى: هييي اسمر: عمو هلق حلي عني خليني اعرف اشرب كاسة الشاي ياسر: تعي بابا تعي لعندي… تسنيم :شو رئيكن هلق بشدة… . اسمر: اووه مع نفس أرجيلة غير شكل رغد: أكيد متل العادة أسمر وياسر رح يغشو… عزيز: هل مرة بدي اذبحن… ازا شفتن غشو … ياسر: اسمر هلق نحنا بنغش اسمر: ما ترد عليه من غيرتن بحكو… لانو ما بيقدرو يغلبونا وقف أسمر وراح جاب ارجيلتو… زبطا ورجع قعد مكانو… رنا بهمس لأسمر : وصاحب كيف كمان اسمر: اامممم عجبناكي .. عملتولو لا بحوجبا… اسمر: معك معك بتنعجبي ما تخافي… صفن اسمر وتذكر وقت التقى بعبادة العصر… … ..&… . فلاش باك. … &… اسمر :كيفك عبادة; تمام وانت اسمر: الحمدالله عبادة: كيفا رنا كيف وضعك معا… . اسمر: غير شكل بتسلم عليك.... عبادة: اسمر بعرف طبيعة العلاقة بينك وبين رنا… ما في داعي قدامي تخبي… انا ورنا قريبين كتير من بعض ورنا ما بتخبي شي عني… اسمر: تمام مسك عبادة اسمر من ايدو وقعدو عبادة: ليك اسمر انا بعرفك منيح… وحابب علاقتك برنا تكون ناجحة رنا بتستاهل حدا متلك… . أسمر: بس علاقتي فيها شبه مستحيل عبادة: رنا بعد موت عمي تعبت كتير يا أسمر ولهلق… عم تعاني قاطعة يمين على حالا ما ترجع رنا القديمة ام قلب حنون… الا وقت تعرف مين قتل عمي… وتاخد بتارو أسمر: بس سمعت انا القضية تسجلت ضد مجهول… عبادة: صح هل حكي ..بس رنا لسا عم تشتغل ورا القصة وما هديت أبداً أسمر: ومين بساعدا بهل شي عبادة: في المحقق وكمان في حازم كان ايدو اليمين لعمي نمر الله يرحمو… عم يساندوها بهاد الشي… أسمر: ورنا عبادة: رنا عملت من ضعفا قوة من خوفا شجاعة لتقدر تواجه هل ظلم ..اسمر بتمنى تكون سند لرنا… وتحميها لانو هل بنت مجنونة وكمان بدي نبهك… سيرة عمي نمر خط احمر مع رنا. ..بنبهك ما تحكي بسيرتو بتبين قوية بس من جوا هشة بسهولة بتنكسر… رنا من داخلا طفلة ومن برا عم تعمل حالا قوية… لهيك بتمنى منك تخليها تحس بالأمان معك… وانت حاول تتقرب منا وشوف كيف الوضع بيزبط بينك وبينا… أسمر: انشالله رح اعمل كل شي بقدر عليه … ..&… . باك. … .&…… عزيز:أسمر أسمر أسمر: همم شو في عزيز; وين شردت أطلع اسمر برنا وضحك: حدا جنبو هيك غزال وما بدو يشرد… عزيز: الله يهنيك يا اخي أسمر: تسلم تسنيم: يالله رح جبلكن الشدة عزام: اي جيبيها نزلو الشباب وقعدو بالأرض… أسمر وياسر وعزام وعزيز… وكل وحدة قعدة بقرب من زوجا الا رنا… بقيت مكانا أسمر; تعي لجنبي رنا: انا ما بعرف بهل للعبة بلا منا احسن… أسمر: قعدي مع جنبي…. هلق بتتعلمي ما حبت رنا تجادلو قدامن نزلت وقعدة بحدو… وبلشو الشباب باللعبة… اولا ما كان في غش وحتيال بس بدورة يالي بعدا… رنا: أخي عزام ليش عم تاخد الورقة من الأرض… أسمر: شو عم تغشو ياسر: انكسرو تنيناتكم عم تغشو عزام: الله يسامحك يا عمي ليش لتحكي… . رنا: هههههه أسمر: لك بتستاهلي احلا بوسة… قرب من خدا وباسة قدام الكل… ورنا اذانا عم يعملو متل طنجرة الظغط… لو يطلع بأيدا لتقتلو قدام الكل… .وقضو السهرة بين ضحك ومزح وهاد غش وهاد خسر… اخر شي كل واحد اخد مرتو ورجع لبيتو وأسمر ورنا طلعو لشقتن فوق… دخلت رنا الغرفة صح انبسطت وضحكت كتير… بس هاد الشي ما بخليها تنسا شو عمل… أسمر قدام أهلو ..قربت منو وكتفت اديها رنا: انت ليش هيك عملت يا افندي قدام أهلك أسمر: بخصوص رنا: ما تجدبها علي عارف عن شو عم أحكي أسمر: ازا كرمال البوسة مو مستاهلا تعملي موشح ومحاضرة… رنا: اها ازا مو مستاهلا ليش لتقرب مني… انا ما بدي ابقى كل شوي عيد نفس الحكي… اسمر ما بقى تقرب مني عم تفهم قرب اسمر منا عم يحكي قدام وجها… اسمر: انا عملت هيك كرمال اهلي ما يشكو بشي… ما تنسي انو لساتنا عرسان جدد يا عمري…. قرب منا وباسا وراح رما حالو على التخت… ورنا رح يغمى عليها منو ومن عمايلو… . … ..@… . يتبع. … .@… . يـــــــــ͢ـོ͓ـــتبــــــــــــــོـ͓ـــ͢ــ؏ ➖➖➖➖➖➖➖➖➖ ❴📖❵↵*تنسيق مشرفين مجموعة: ❴📚❵↵*قصص وروايات عالمية📚🧡 ❴🧡❵↵*ننشر جميع انواع القصص والروايات العالمية حـب🧡. حـزن🧡. اكشن🧡. رعب🧡. ❴👑❵↵*أن كنت من عشاق ومدمني القصص مكانك عندنا🧡 ❴🧡❵↵*رابط المجموعة للاشتراك: https://whatsapp.com/channel/0029VadbWnd89inYkEVrpG0C `