*Жүрегіне шампур тығып алған: оқушылар арасындағы қылмыс үшін мектеп директоры жауап бермейді* Оқу-ағарту министрі Ғани Бейсембаев оқу орнынан тыс болған оқиға үшін мектеп жауап бермейтінін мәлімдеді. Сондықтан мектеп директоры жұмыстан шықпайды. Еске салайық, Алматы облысы Қырғауылды ауылының түлектері мектеп бітіру күнін Долан ауылында коттедж жалдап тойлаған. Түлектерге ересектерден ешкім бас-көз болмаған. Әліби Қадыр қыздардың бірін қорғап, шампурды сермеген ашулы сыныптасын сабырға шақырмақ болған. Сол кезде мас жігіт қолындағы темірді Әлібидің жүрегіне қадап, қайта суырып алған. Медицина қызметкерлері келгенше, жасөспірім жан тапсырған. Massaget.kz