*لښکرګاه ښاروالۍ کي د کارونو د لا ښه سمون په موخه ټاکني ترسره سوې:* تېره ورځ د لښکرګاه ښاروال الحاج حافظ صديق صاحب په هدايت، د چارو د لا ښه سمون په موخه د لښکرګاه ښار اړوند يو شمېر شعباتو لپاره مديران په دنده وګمارل سوه. حافط عبدالخالق "عباس" د تحصيلۍ د مدير په حيث او عبدالغني د ښاري نظم د مدير په حيث په دنده وګمارل سوه. د کار کوونکو چارو عمومي مدير عبدالسلام او د دفتر عمومي مدير همايون "داوري" له لوري ياد کسان اړوند شعباتو ته معرفي سوه، د شعبې اړوند کار کوونکو څخه و غوښتل سوه چي په چارو کي پوره همکاري ور سره وکړي. داوري د خپلو خبرو پر مهال وويل: د لښکرګاه ښاروال د هدايت سره سم د نن څخه وروسته ذکر سوي اشخاص د مقام له لوري تاسو ته معرفي دي او د اصولو په نظر کي نیولو سره به خپلي چاري په ښه ډول مخ ته يوسي. يادوني وړ ده چي لښکرګاه ښاروالي د اته ګونو ناحيو درلودونکې ده چي هره ناحيه په خپله سیمه کي د ښاريانو ستونزو ته رسېدنه کوي. نېټه:۱۴۴۶/۱۲/۲۵ هــ ق هلمندولایت مقام درسنیو او معلوماتو مرکز.