*ایک ترک مسلمان مسجد نبوی شریف کے احاطے میں کھڑے ہوکر اپنا آنکھوں دیکھا واقعہ یوں بیان کرتا ہے* میں مسجد نبوی میں کھڑا دیکھ رھا تھا کہ چار پولیس والی کسی کا انتظار کر رہے ہیں .. https://whatsapp.com/channel/0029Va7OLGd1Hspvf0pbwx3K .پھر ایک شخص نمودار ھوا تو پولیس والوں نے بھاگ کر اسے قابو کر لیا اور اس کے ہاتھ جکڑ لئے نوجوان نے کہا مجھے دعا اور توسل کی اجازت دے دو میری بات سن لو میں کوئی بھکاری نہیں ھوں اور نہ ہی کوئی چور ہوں پھر وہ جوان چیخنے لگا میں نے اسے دیکھا تو ایسے لگا جیسے میں اسے جانتا ہوں میں بتاتا ہوں کہ میں نے اسے کیسے پہچانا دراصل میں نے اسے کتنی ہی مرتبہ بارگاہ رسالت میں روتے ہوئے دیکھا تھا یہ ایک البانوی نوجوان تھا اس کی عمر 35 یا 36 سال کے درمیان تھی اس کے سنہری بال اور ہلکی سی داڑھی تھی میں نے پولیس والوں سے کہا اسکا کوئی جرم نہیں ہے  تو تم اس کے ساتھ ایسا کیوں کر رہے ہو آخر کیا الزام ہے اس پر؟ انہوں نے کہا تو پیچھے ہٹ اِس معاملے میں بولنے کا تجھے کوئی حق نہیں لیکن میں نے پھر سے کہا آخر اس کا تمہارے ساتھ کیا مسئلہ ہے؟ کیا اس نے کوئی چوری کی ہے؟ انہوں نے کہا یہ بندہ 6 سال سے اِدھر مدینے شریف میں رہ رہا ہے ، لیکن اس کا یه قیام غیر قانونی ھے ھم اسے پکڑ کر واپس اس کے ملک وہ اسے بھیجنا چاہتے ہیں، لیکن وہ ہر بار ایک ہی چال سے بھاگ جاتا ھے اور جا کر روضه رسول میں پناہ لے لیتا ھے هم اسے اندر جا کر گرفتار نہیں کرنا چاھتے تھے میں نے پوچھا تو اب اس کیساتھ کیا کرو گے؟ کہنے لگے: ھم اسے پکڑ کر جہاز پر بٹھائیں گے اور واپس البانیابھیج دیں گے نوجوان مسلسل روئے جا رھا تھا اور کہہ رھا تھا کیا ھو جائے گا اگر تم مجھے چھوڑ دو گے تو؟ دیکھو میں کوئی چور نہیں ھوں میں کسی سے بھیک نہیں مانگتا میں تو ادھر بس محبتِ رسول میں رہ رھا ھوں پولیس والوں نے کہا نہیں، ایسا جائز نہیں ھے نوجوان نے کہا اچھا مجھے ذرا آرام سے رسول اللہ صلی اللہ علیہ وسلم سے ایک عرض کر لینے دو پھر نوجوان نے اپنا منه گنبد خضراء کی طرف کر لیا. پولیس والوں نے کہا چل کہہ جو کہنا ھے تو نوجوان نے گنبد خضراء کیطرف دیکھا اور جو کچھ عربی میں کہا ، میں نے سمجھ لیا وہ نوجوان کہہ رہا تھا یا رسول اللہ کیا همارے درمیان اتفاق نہیں ھوا تھا کیا میں نے اپنے ماں باپ کو نہیں چھوڑا۔۔ کیا اپنی دکان بند کر کے اپنا گھر بار نہیں چھوڑا اور یہ عہد کر کے یہاں نہیں آیا تھا کہ آپ کے جواررحمت میں رھا کروں گا ؟ حضور! اب دیکھ لیجیئے یہ مجھے ایسا کرنے سے منع کر رھے ھیں یا رسول اللہﷺ آپ مداخلت کیوں نہیں فرماتے يارسول اللہ ﷺآپ مداخلت کیوں نہیں فرماتے اتنے میں نوجوان بے حال ھونے لگا تو پولیس والوں نے ذرا ڈھیل دی اور نوجوان نیچے گر گیا ایک پولیس والے نے اسے ٹھڈا مارتے ہوئے کہا او دھوکے باز اٹھ لیکن نوجوان نے کوئی رَدِ عمل ظاہر نہ کیا۔ میں نے پولیس والوں سے کہا یه نہیں بھاگے گا ، تم حمامات سے پانی لاؤ اور اس کے چہرے پر ڈالو لیکن نوجوان کوئی حرکت نہیں کر رھا تھا ایک پولیس والے نے کہا اسے دیکھو تو سہی کہیں یہ سچ مچ مر هی نا گیا ھو۔ دوسرا پولیس والا کہنے لگا اسے ھم نے کون سی ایسی ضرب لگائی هے ، جس سے یه مرجائے ، پھر انہوں نے ایمبولینس کو بلایا وه ادھر سامنے والے سات نمبر گیٹ سے ایک ایمبولینس لے آئے انہوں نے نوجوان کی شہ رگ پر ہاتھ رکھ کر حرکت نوٹ کی اور نبض چیک کی تو کہنے لگے اسے تو مرے ھوئے 15 منٹ گزر چکے ھیں اب پولیس والے جیسے مجرم ہوں نیچے بیٹھ گئے اور رونے لگے وہ منظر بھی دیکھنے والا تھا ان میں سے ایک تو اپنے دونوں زانوؤں پر ہاتھ مارتےھوئے کہتاتھا ھائے ھمارے ھاتھ کیوں نہ ٹوٹ گئے کاش ھمیں معلوم هوتا که اسے رسول اللہ سے اتنی شدید محبت ھے ھائے ھمارے ھاتھ کیوں نہ ٹوٹ گئے۔ اسکے بعد ایمبولینس والوں نے اسے وہاں سے اٹھا لیا، اور جنت البقیع کی طرف تجہیز و تکفین والے حصے میں لے گئےغسل کے وقت میں بھی وہیں موجود تھا میں انہیں کہتا تھا ، مجھے بھی ھاتھ لگانے دو، مجھے بھی اسکی چارپائی کو اٹھانے دو جب جنازہ تیار ھو کر نماز کے لئے جانے لگا تو پولیس والوں نے مجھے کہاھم نے جتنا گناہ اٹھایا ھے بس اتنا کافی ھے اسے ھمارے سوا اور کوئی نہیں اٹھائے گا شاید اسی طرح ہمیں آخرت میں کچھ رعایت مل جائے میرے سامنے ھی وہ نوجوان بار بار که رها تها که یا رسول اللہ آپ مداخلت کیوں نہیں فرما رھے؟ دیکھا رسول اللہ صلی اللہ علیہ وسلم نے مداخلت فرما دی اور ملک الموت نے اپنا فریضه ادا کر کے اسے آپ تک همیشه کیلئے پہنچا دیا اللہ ہمیں اپنے حبیب ﷺ کی ویسی ہی محبت عطا فرمائے جيسى أس البانی نوجوان کو عطا فرمائی تھی. آمین