⛱️🛟 Servizo de socorrismo en Ortigueira: o mesmo problema, sen solucións reais?👩🏻‍🚒🚤 O verán pasado denunciamos as importantes carencias do servizo: falta de material, embarcacións inexistentes, casetas mal colocadas e un equipo profesional en condicións precarias que poñía en risco a seguridade dos bañistas e dos propios socorristas. Este ano, para evitar as mesmas situacións, preguntamos no pleno polo estado do servizo e recibimos respostas vagas e sen compromisos claros do goberno municipal de PP-XA. A situación parece que non mellora e o verán xa está aí, quedan poucos días para que comece o verán, pero con tempo suficiente para que o goberno actúe para ter o servizo en funcionamento a tempo. Desde o BNG volvemos presentar propostas claras para garantir que o servizo de socorrismo funcione correctamente desde o primeiro día e con todos os recursos necesarios: 1️⃣ Entrega puntual e mantemento das embarcacións. 2️⃣ Recolocación estratéxica das casetas de socorrismo. 3️⃣ Balizamento claro das zonas de baño. 4️⃣ Carteis informativos con normas e horarios. 5️⃣ Convocatoria anticipada e suficiente de socorristas e patróns. 6️⃣ Material necesario dispoñíbel desde o primeiro día. 🚨 Ortigueira merece praias seguras e un servizo de salvamento acuático que garanta a tranquilidade da veciñanza e visitantes. 👉 Desde o BNG seguiremos a esixir planificación e compromiso real para que non se repitan os erros do pasado. Instagram: https://www.instagram.com/p/DKusJlTNHpI/?igsh=MjlzbXF3MzBqbzJq Facebook: https://www.facebook.com/share/12L5n9ERdTo/