مستونگ میں مسلح افراد کے ہاتھوں اینٹی نارکوٹکس افسر یرغمال، اسلحہ اور گاڑی ضبط زرمبش اردو https://urdu.zrumbesh.com/19431/ بلوچستان کے ضلع مستونگ میں مسلح افراد نے ایک کارروائی کے دوران ایکسائز، ٹیکسیشن اور اینٹی نارکوٹکس کے افسر میر سلطان احمد زہری کو حراست میں لے لیا۔ مسلح افراد نے افسر کا سرکاری اسلحہ اور گاڑی اپنے قبضے میں لے لی، تاہم کچھ دیر بعد انہیں رہا کردیا گیا۔ ذرائع کے مطابق یہ واقعہ اُس وقت پیش آیا جب میر سلطان احمد زہری معمول کے فرائض کی انجام دہی میں مصروف تھے۔ نامعلوم افراد نے انہیں یرغمال بنایا اور سرکاری سامان ضبط کرلیا۔ بعد ازاں افسر کو نامعلوم مقام پر چھوڑ دیا گیا۔ تاحال کسی تنظیم نے اس واقعے کی ذمہ داری قبول نہیں کی ہے۔