*صدقہ باکس: ایک چھوٹا عمل بہت بڑا ثواب*💫 انسان کی زندگی آزمائشوں، مصیبتوں اور بے شمار چیلنجز سے بھری ہوئی ہے۔ ان حالات میں اللہ تعالیٰ کی رحمت کو متوجہ کرنے اور بلاؤں کو ٹالنے کے لیے صدقہ ایک بہترین ذریعہ ہے۔ صدقہ نہ صرف مصیبتوں کی ڈھال بنتا ہے بلکہ ہمارے دل کو نرمی، سخاوت اور اللہ تعالیٰ کے قریب کرنے کا ذریعہ بھی ہے۔💐 ایک آسان مگر مؤثر طریقہ یہ ہے کہ *ہم اپنے گھر میں ایک "صدقہ باکس" رکھیں*۔ یہ باکس ہمارے اہلِ خانہ کے لیے ایک مستقل یاد دہانی بن سکتا ہے کہ ہم روزانہ اللہ کی راہ میں کچھ نہ کچھ ضرور دیں، چاہے وہ چند سکے ہی کیوں نہ ہوں۔🌹 روزانہ صدقہ دینا نیکی کو معمول بنا دیتا ہے، اور نیکی کا معمول بن جانا انسان کی روحانی ترقی کا سبب بنتا ہے۔ 🌻 *اس عمل میں بچوں کو ضرور شامل کریں* کیونکہ جب بچے چھوٹی عمر سے ہی دین کی تعلیمات پر عمل کرنا سیکھتے ہیں تو وہ بڑے ہو کر ایک نیک، رحم دل اور ذمہ دار انسان بنتے ہیں۔ بچوں کو صدقہ دینے کی عادت ڈالنے سے ان میں دوسروں کے دکھ درد کا احساس پیدا ہوتا ہے، جو ایک صحت مند معاشرے کی بنیاد ہے۔🌻 صدقہ باکس کا قیام بظاہر ایک چھوٹا قدم ہے، مگر اس کے فوائد بے شمار ہیں۔ یہ صرف پیسہ دینا نہیں، *بلکہ اپنے دل کو نرم کرنا، شکر ادا کرنا، اور ربِّ کریم کی رضا حاصل کرنا ہے*۔ اور جب یہ عمل روز کا معمول بن جائے، تو ان شاء اللہ نہ صرف ہماری انفرادی زندگی میں سکون آئے گا بلکہ پورا گھر برکتوں اور رحمتوں کا گہوارہ بن جائے گا۔ آئیے! آج ہم عزم کریں کہ اپنے گھروں میں صدقہ باکس رکھیں گے، روز کچھ نہ کچھ اس میں ڈالیں، نبی کریم صلی اللہ علیہ وآلہ وسلم نے فرمایا: "*صدقہ بلاؤں کو دور کرتا ہے*" اور کون نہیں چاہتا کہ اس کی زندگی بلاؤں، مشکلات اور آزمائشوں سے محفوظ ہو؟ اللہ ہمارا حامی و ناصر ہو🤲🏻