پکتيکا کې ۵۰۰ اړمنو کورنيو باندې مرسته وېشل شوې د افغاني سرې میاشتې له لوري د پکتیکا ولایت تروو ولسوالۍ کې له ۵۰۰ اړمنو او بې وزله کورنیو سره د ۲۰.۴ ټنه خوراکي او غیرخوراکي توکو مرسته شوې ده. ياده مرسته د افغاني سرې میاشتې سوېل ختیځ سیمه ییز زون رئیس مولوي سید منهاج الدین هاشمي، د پکتیکا سرې مياشتې رئیس مولوي عارف الله حامد او د څانګې د پېښو پر وړاندې مبارزې ټیمونو په شتون کې د يادې ولسوالۍ بېلابېلو سیمو ۵۰۰ ثبت شويو اړمنو او بې وزله کورنیو ته وېشل شوې. مسوولينو ویلي، په دې مرسته کې هرې کورنۍ ته، ۱۰ کیلو اوړه، ۱۰ کیلو وریجې، ۴ لیټره غوړي، ۴ کیلو بوره، ۳ کیلو لوبیا، ۳ کیلو دال، ۲ کیلو مۍ ،۲ کیلو بیسکیټ، ۱.۶ کیلو مکروني ، ۱،۲ کیلو مالګه ،۲ بوتله د کالیو مینځلو مایع او ۸ کلچې د لاس مینځلو صابون ورکړل شوې. #ملي‌تلویزیون