نمود by Yahya Noori
5.5K subscribers
About نمود by Yahya Noori
Prof. Yahya Noori's writings and videos on Personal and Professional Development, Life, Teaching & Learning, Psychology, Spirituality and other relevant topics.. A valuable resource for You to grow and become the best version of Yourself.. Invite link https://whatsapp.com/channel/0029VaCvZEKEwEk1ZIxOe41E
Similar Channels
Meesenburg CZ&SK
90min | Serie A
Sagar’s Growing Community
¡Aragonéate!
Learning Mirror
DUNIA AFFILIATEKU "Solusi Cari Cuan Dari Rumah"
Kaltengbicara.com
ESEMPE KUMPULAN LINK VIDEO VIRAL
Learn & Grow
MASQUEMAQUINAS
NESTA TOYS - Play Land
LINK ASUPAN VIRAL KUMPULAN BOK TERBARU VIDEO MSBREEWS 🔥🔥
Banca delle Offerte
Codeimagin
Deal Shine
Swipe to see more
Posts
ریس استاد نے کہا۔۔ "میرا ایک طالبعلم تھا بڑا چہیتا۔۔ اس نے ایک مرتبہ بڑی خوبصورت بات کہی تھی۔۔ "میں بہت بھاگا۔۔بہت بھاگا۔۔مگر آخر میں مجھے پتہ چلا کہ یہ تو میری ریس ہی نہیں تھی۔۔۔" میں نے یہ بات اپنی گرہ میں باندھ لی۔۔۔ اس سے جن معاملات میں مجھے اطمینان حاصل نہیں وہاں میں زور نہیں لگاتا۔۔ بس کم سے کم قابل قبول حد تک محنت کرتا ہوں۔۔ گزارا کرتا ہوں۔۔ اس کی پرواہ نہیں کرتا کہ دوسرے کہاں جا رہے ہیں۔۔ کس طرف بھاگ رہے ہیں۔۔ تاکہ جہاں محنت میرے لئے معنی رکھتی ہے صرف وہاں کر سکوں۔ جس ریس میں بھی آپ دوڑ رہے ہیں یہ دیکھ لیں کہ کیا وہ ریس آپ کی ریس ہے؟ جس سیڑھی پر آپ چڑھ رہے ہیں کیا وہ صحیح دیوار پر صحیح سمت میں ٹکی ہوئی ہے؟ کیا اس سوال کا جواب معلوم کیے بغیر دوڑتے رہیں گے؟ #محور محمد یحیی'نوری
#خواب تمہاری زبان دانائی کی زبان ہوگی۔۔۔۔
تکلیف۔۔ میں لیڈر شپ پڑھاتا ہوں تو ایک بات اپنے تجربے سے بیان کرتا ہوں۔۔۔ کہ لیڈر کو دل بڑا رکھنا پڑتا ہے۔۔ جگر میں وسعت پیدا کرنی پڑتی ہے۔۔۔ لوگوں کی غلطیوں سے درگزر کرنا پڑتا ہے۔۔ خوئے دلنوازی نہ ہو تو لوگ کارواں سے بدظن ہو کر الگ ہو کر ٹوٹتے چلے جاتے ہیں۔۔ آپ ایک دن تنہا رہ جاتے ہیں۔۔ نرمی وہ خصوصیت ہے جسے اللہ نے اپنی رحمت کے طور پر بیان فرمایا ہے۔۔ لوگوں سے غلطیاں ہو جاتی ہیں۔۔ ایسے میں کیا کریں؟ کبھی آپ کو اپنے کسی ساتھی کے ہاتھ سے۔۔ کسی دوست کے ہاتھ سے۔۔ کسی ماتحت کے ہاتھ سے تکلیف پہنچی ہوگی۔۔۔ ایسی تکلیف کہ جہاں اس کا ارادہ آپ کو نقصان پہنچانے کا نہ ہو، بس غلطی ہو گئی ہو۔۔ آپ اس پر غمگین ہوں۔۔۔ کیوں کہ کوئی آپ کی امیدوں پر پورا نہیں اتر سکا اور نقصان کرا بیٹھا۔۔۔ یا اس نے کوئی ایسا کام کر ڈالا جس سے آپ کو دکھ ہوا۔۔۔ اس آیت پر میں کچھ وقت سے غور کر رہا ہوں۔۔ پس منظر یہ ہے غزوہ احد کے بعد نبی اکرم ﷺ خود زخمی ہیں۔۔ حضرت حمزہ ؓ ، حضرت مصعب بن عمیر ؓ جیسے کبار صحابہ شہید ہو چکے ہیں۔۔ چھوٹی سی بستی میں ستر افراد شہید ہو جائیں تو غم کا وہ کیا پہاڑ ہوگا جو ٹوٹا ہوگا۔۔۔ اللہ تعالی ایسے میں اپنے حبیب سے فرماتے ہیں۔۔ فَبِمَا رَحۡمَۃٍ مِّنَ اللّٰہِ لِنۡتَ لَہُمۡ ۚ پس یہ اللہ کی رحمت ہے کہ آپ ان کے لیے نرم ہیں وَ لَوۡ کُنۡتَ فَظًّا غَلِیۡظَ الۡقَلۡبِ لَانۡفَضُّوۡا مِنۡ حَوۡلِکَ ۪ اگر آپ سخت مزاج اور سخت دل ہوتے تو یہ آپ کے پاس سے چھٹ جاتے۔۔۔ فَاعۡفُ عَنۡہُمۡ پس ان سے درگزر فرمائیں۔۔ وَ اسۡتَغۡفِرۡ لَہُمۡ اور ان کے لیے اللہ سے معافی کی درخواست کریں۔۔ وَ شَاوِرۡہُمۡ فِی الۡاَمۡرِ ۚ اور ان سے معاملات میں مشورہ لیا کریں۔۔ فَاِذَا عَزَمۡتَ فَتَوَکَّلۡ عَلَی اللّٰہِ ؕ اور جب کسی کام کا ارادہ کر لیا کریں تو اللہ پر بھروسہ کیا کریں۔۔ اِنَّ اللّٰہَ یُحِبُّ الۡمُتَوَکِّلِیۡنَ ﴿آل عمران ۱۵۹ ﴾ بے شک اللہ توکل کرنے والوں سے محبت کرتا ہے۔۔ کوئی بڑی سی غلطی کر بیٹھے تو اسے معاف کرنا آسان کام نہیں۔۔ اللہ تعالیٰ اپنے حبیب ﷺ کے ذریعے ہمیں معاف کرنے کی تعلیم دے رہا ہے۔۔ کبھی کسی ایسے شخص کے لیے اللہ سے کچھ مانگ کر دیکھیں؟ کم سے کم بھی آپ کو اس کے لیے اپنا دل تو صاف کرنا پڑے گا۔۔ محبت نہ سہی، ہمدردی تو پیدا کرنی پڑے گی۔۔۔ کتنا مشکل کام ہے ناں؟ اس کے بعد اسی کو اپنے مشورے کا حصہ بھی بنا کر دیکھیں۔۔ ہم تو یہاں مختلف رائے رکھنے پر ہی بندے کو دھارے سے الگ تھلک کر دیتے ہیں۔۔ آرگینائزیشنل سائکالوجی میں تحقیق کا ایک باقاعدہ موضوع ہے۔۔ Ostracization کیسے انسان کو کسی غلطی پر اپنے ہی تنہا کر دیتے ہیں؟ پھر آخر میں اللہ کہہ رہے ہیں۔۔ جب کسی کام کا ارادہ کر لیں تو اللہ پر بھروسہ کریں۔۔ یقینا" اللہ توکل کرنے والوں سے محبت رکھتا ہے۔۔۔ سوچیں۔۔ غور کریں۔۔۔ کہ اللہ کے نبی ﷺ کا طرز عمل ہمیں کیا سکھا رہا ہے؟ عرفان# محمد یحییٰ نوری
اگر آپ طالب علم ہیں! (مکرر) اگر آپ طالب علم ہیں تو یہ آپ کے لیے جاننا بہت ضروری ہے کہ آپ اپنا ڈگری پروگرام مکمل کر کے انڈسٹری ریڈی ہیں کہ نہیں؟ یہ کیسے پتہ چلے گا؟ جس بھی انڈسٹری میں آپ جانا چاہتے ہیں اس کے متعلقہ لوگوں سے مل کر۔۔۔ اس سے متعلقہ نوکری کے اشتہارات دیکھ کر۔۔۔ اس میں ہونے والا بزنس دیکھ کر۔۔۔۔ ڈگری پروگرام کا زور پراسیس پر ہوتا ہے۔۔ وہ سارے کے سارے طلباء کو ایک ہی پراسیس سے گزارتے ہیں۔۔ سیکھنے والے سیکھ لیتے ہیں۔۔ جانو مانو اور یار دوستوں میں موج مستی والے بیچ میں کہیں رہ جاتے ہیں۔۔ آپ کی اپنی توجہ پراسیس سے کامیابی سے نکلنے کے علاوہ پراڈکٹ پر ہونی چاہیے۔۔ یعنی اپنے آپ پر۔۔۔۔ آپ اس پراسیس کی پراڈکٹ ہیں۔۔۔ خود کو ایک برانڈ کے طور پر ٹریٹ کریں۔۔ کچھ سکلز ہر جگہ کام آتے ہیں۔۔ انہیں ہم سافٹ سکلز کہتے ہیں۔۔ یہ عین ممکن ہے کہ آپ سسٹم کی کمزوری کی وجہ سے ترقی کرتے چلے جائیں اور ایک لیول پر آکر اپنے سافٹ سکلز کی کمی کے باعث پورا سسٹم اپنے مبارک ہاتھوں سے تباہ کر ڈالیں۔۔۔ کچھ خصوصیات سکلز تو نہیں ہوتیں۔۔۔ مگر ان کا تعلق آپ کی تربیت اور اٹھان سے ہوتا ہے۔۔ کردار سے ہوتا ہے۔۔۔ آپ پر بھروسہ کیا جا سکتا ہے؟ آپ کتنے ذمہ دار ہیں؟ آپ اپنی غلطی مان کر اسے ٹھیک کرنے کی کوشش کرتے ہیں یا اس کا دفاع کرتے ہیں۔۔ آپ کتنا سچ بولتے ہیں؟ وقت اور وعدے کے کتنے پابند ہیں؟ آپ کے قول و فعل میں کتنی یکسانیت ہے؟ آپ کا ایک ننھا سا جھوٹ بھی کسی بڑے نے پکڑ لیا تو اس دن آپ کا بھروسہ فارغ ہو گیا۔۔ اس لیے سافٹ سکلز پر محنت بے حد ضروری یے۔۔۔ کردار پر محنت بے حد ضروری ہے۔۔۔ #محور محمد یحیی' نوری نوٹ #محور پڑھتے رہیں۔۔۔یہ آپ کے سافٹ سکلز اور سوچ کو بہتر بنائے گی۔۔ میرے یو ٹیوب چینل پر آپ کو کیریئر 101 اور آب حیات کے نام سے وڈیوز کے دوسلسلے بھی مل جائیں گے۔۔۔ یہ بھی آپ کے کام آ سکتے ہیں۔۔ https://youtube.com/@yahyanoori?si=eg2ir-qkSGgqGMdD
تم بادشاہ بن جاو گے۔۔۔ دو عالم سے کرتی ہے بیگانہ دل کو عجب چیز ہے لذت آشنائی۔۔۔
سوچ طلباء کلاس میں داخل ہوئے تو انہوں نے ایک عجیب منظر دیکھا۔۔۔ استاد کے سامنے چھوٹی بڑی گیندوں کا ایک ڈھیر لگا تھا۔۔۔ "آپ لوگ اس میں سے اپنی پسند کی ایک ایک گیند اٹھا لیں" طلباء نے مختلف چھوٹی بڑی گیندیں اٹھا لیں۔۔۔ اب جس کے ہاتھ فارغ ہوں وہ اور گیندیں بھی اٹھا لے۔۔ جس جس کے ہاتھ میں چھوٹی گیندیں تھیں انہوں نے اور گیندیں بھی اٹھا لیں۔۔۔ "آپ تمام لوگوں کو سوچیں پریشان کرتی ہیں۔ ۔جس کی سوچ بڑی ہوتی ہے۔۔ اس فٹبال کی طرح۔۔۔ اس کے پاس مزید گنجائش ہی نہیں ہوتی کے وہ ہر چھوٹی موٹی بات کو اپنے ذہن میں جگہ دے۔۔۔ ہر پتھر سے الجھے۔۔ جس کی سوچ چھوٹی ہوتی ہے اس کے پاس جگہ ہی جگہ ہوتی ہے۔۔۔ چھوٹی چھوٹی ہر بات اس کے لئے اہم ہوتی ہے۔۔ وہ سڑک پر رک کر ہر بھوکنے والے کتے کو بھی برا بھلا کہتا ہے۔۔ اس کے بارے میں سوچتا ہے۔۔ اس کے خلاف منصوبے بناتا ہے۔۔۔ اس کا ذہن الجھا ہی رہتا ہے۔۔۔ اپنی سوچ کو بڑا کریں۔۔ آپ کو پھر کوئی چھوٹی چیز پریشان نہیں کرے گی" "سوچ کو کیسے بڑا کریں؟" ایک طالبعلم نے پوچھا۔۔ "مقصد بڑا کر لیں۔۔سوچ خود بڑی ہو جائے گی!" #محور محمد یحیی' نوری
کامیابی کے سنہری اصول ۔۔مِن حیوة الرسول ﷺ ایک چھوٹا سا لیکچرز کا سلسلہ ہے، جو رمضان میں ہر جمعہ، دوپہر تین بجے زوم کے ذریعے پیش کیا جائے گا۔۔۔ باخبر رہنے کے لیے واٹسیپ چینل کا لنک ۔۔ شامل ہوجائیں۔۔۔ https://whatsapp.com/channel/0029VaCvZEKEwEk1ZIxOe41E