Zia Chitrali Official

Zia Chitrali Official

2/18/2025, 8:00:09 PM

بشاریوں کا شکاری میجر عبدالرحمن الدباغ شامی انقلابیوں کی خفیہ ایجنسی کا ایک اہم رکن ہے۔ یہ نوجوان پہلے ادلب میں سیکورٹی کا خفیہ ذمہ دار تھا اور اب اسے دارالحکومت دمشق کی سیکورٹی کی ذمہ داری سونپی گئی ہے۔ اس کا تعلق بھی دمشق سے ہے۔ یہ شروع دن سے انقلابیوں کا حصہ رہا ہے۔ شامی پہلے اسے نہیں جانتے تھے۔ لیکن دمشق کی سیکورٹی سنبھالنے اور مخدوش ترین صورتحال پر کامیابی سے قابو پانے کے بعد یہ ہیرو بن کر سامنے آیا ہے۔ شامی اسے "صاید الفلول" (بشاریوں کا شکاری) کے لقب سے یاد کرتے ہیں۔ یہ چھپے ہوئے درندوں کو ایک ایک کرکے پکڑ رہا ہے۔ کل ہی التضامن قتل عام کے 3 مرکزی مجرموں کو ڈھونڈ نکالا۔ ان میں سے ایک نے میڈیا کے سامنے بڑا معصوم بن کر اعتراف بھی کیا کہ میں قتل عام کا اصل مجرم نہیں ہوں۔ میں نے تو صرف 500 افراد کو قتل کیا تھا۔ ویڈیو میں اس درندے کو آپ دیکھ سکتے ہیں۔ ان مجرموں کی گرفتاری کے بعد التضامن قتل عام کے متاثرین بھی میڈیا کے سامنے آکر بشاریوں کے ہولناک جرائم کا انکشاف کر رہے ہیں۔ مقامی لوگوں کا کہنا ہے کہ وہ تو صرف ایک قتل عام کی ویڈیو سامنے آنے پر دنیا کو یہ گرزنے والی قیامت کا علم ہوا تھا۔ ورنہ یہاں یومیہ کبھی 25 اور کبھی 29 اور کبھی 32 افراد کو لا کر قتل کیا جاتا تھا۔ ان درندوں کو پکڑنے میں کامیابی کے بعد میجر الدباغ کو شامی حقیقی ہیرو قرار دے رہے ہیں۔

Zia Chitrali Official

2/19/2025, 9:13:07 AM

مذاکرات اور ناممکن شرائط کل شام نیتن یاہو نے کابینہ کے اجلاس میں غزہ جنگ بندی کے اگلے مرحلے کے مذاکرات شروع کرنے کا اعلان کردیا۔ لیکن اس بار شرائط ایسی رکھی ہیں، جن پر عمل تقریباً ناممکن ہے۔ مذاکرات اگلے دو روز میں شروع ہوں گے۔ اس بار شاباک یا موساد سربراہ کے بجائے اسٹرٹیجک امور کا دجالی وزیر رون دیرمر مذاکراتی وفد کی قیادت کرے گا۔ کابینہ اجلاس کے بعد نیتن نے کہا کہ دوسرے مرحلے کے مذاکرات میں مزاحمت کاروں کو غیر مسلح کرنا اسرائیل کا بنیادی مطالبہ ہوگا۔ اس کا کہنا تھا کہ مستقبل کے غزہ میں مزاحمت کاروں، مسلح جتھوں اور انتہا پسندوں کا کوئی کردار نہیں ہوگا۔ نیتن یاہو نے غزہ کے انتظام میں مقتدرہ فلسطین (PA) کے کردار کو بھی مسترد کر دیا۔ گویا اسرائیل "پائیدار" امن کیلئے مزاحمت کاروں سے غیر مشروط طور پر ہتھیار ڈالنے کی توقع کر رہا ہے۔ جس پر عمل ناممکن ہے۔ کیوں کہ ہتھیار ڈالنے کا مطلب خودکشی اور دشمن کی مکمل فتح کو تسلیم کرنے کے سوا کچھ نہیں ہے۔ مبصرین کا کہنا ہے کہ یہ ناممکن شرط لگا کر نیتن یاہو دراصل شدت پسند وزراء کو رام کرنے کی کوشش کر رہا ہے۔ ظاہر ہے اس شرط کو تسلیم نہ کرنے کی ذمہ داری مزاحمت کاروں پر ڈال کر پھر قتل عام اور غزہ کو خالی کرنے کے ٹرمپ منصوبے کو عملی جامہ پہنانے کا جواز مل جائے گا۔ اس شرط کے جواب میں مزاحمت کاروں کا کہنا ہے کہ نہ تو غزہ چھوڑیں گے اور نہ ہی ہتھیار۔۔۔۔

Zia Chitrali Official

2/18/2025, 8:01:47 PM

نیتن یاہو نے کافی پس و پیش، تاخیری حربوں اور انکار کے بعد بالآخر مذاکرات کا دوسرا مرحلہ شروع کرنے کا حکم دے دیا۔ وفد بھی تشکیل دے دیا گیا۔

Zia Chitrali Official

2/18/2025, 8:00:53 PM

فلسطین کے مشہور داعی الشیخ محمود حسنات ادلب میں۔ انقلابیوں کا شاندار استقبال۔

Zia Chitrali Official

2/19/2025, 9:12:55 AM

شالوم خبیبی🥴🙄 آج سے "شالوم خبیبی" کی ایک سیریز شروع فرماتے ہیں اور یومیہ اس طرح کی دلفریب یک ویڈیو آپ کی خسمت میں پیش کی جاوے گی۔ ان شاءاللہ۔ شالوم عبرانی میں سلام کو کہتے ہیں۔

Zia Chitrali Official

2/19/2025, 7:33:07 PM

اسرائیلی اسلحے کی متحدہ غرب حمارات میں نمائش۔ "اسرائیل ہمارا دفاعی پارٹنر ہے۔" بینرز آویزاں یعنی دونوں کا مشترکہ دشمن فلسطینی بچے اور عورتیں۔

Zia Chitrali Official

2/19/2025, 7:32:25 PM

45 سال بعد رہائی آج جبلِ استقامت، پیکر صبر و تحمل نائل البرغوثی کو ان کی اہلیہ نے پیغام پہنچا دیا کہ دجالی ریاست ہفتے کے روز انہیں رہا کر رہی ہے۔ نائل البرغوثی پر پہلے تفصیل سے لکھ چکے ہیں۔ روئے زمین میں سب سے زیادہ عرصہ صہیونی جیلوں میں گزارنے والے بطل جلیل۔ طویل ترین قید تنہائی کاٹنے والا حریت پسند۔ مشہور ہے کہ انہیں جس کمرے میں رکھا گیا تھا، اس عرصے میں اس کا آہنی دروازہ 3 مرتبہ زنگ لگ کر بوسیدہ ہونے کی وجہ سے تبدیل کر دیا گیا۔ یعنی 3 بار لوہا اپنا وجود کھو بیٹھا، مگر اس شخص کے پایہ ثبات میں کوئی لغزش نہیں آئی۔ 45 سال بعد رہائی کے باوجود انہیں اپنے وطن سرزمین قدس میں رہنے کی اجازت نہیں ہوگی اور ارض مقدس کو ہمیشہ کے لیے چھوڑنا پڑے گا۔(ضیاء چترالی)

Zia Chitrali Official

2/18/2025, 8:01:24 PM

امریکا: آگ کے بعد سیلاب۔ شمال کی کئی ریاستیں سیلابی ریلوں کی لپیٹ میں۔ 14 افراد کے مرنے کی تصدیق۔

Zia Chitrali Official

2/18/2025, 8:00:26 PM

دو غزوی بھائی جب اپنے گھر پہنچے تو دیکھا کہ وہ ملبے کا ڈھیر بنا ہوا ہے۔ گھر کی یادوں کو اشعار میں گنگنا رہے ہیں۔