MoMPAfghnistan
841 subscribers
About MoMPAfghnistan
ګرانو هېواد والو! دا واټساپ چینل د کانونو او پټرولیم وزارت پورې تړاو لري، تاسې کولای شئ د کانونو اړوند، کره دقیق او پروخت معلوماتو او خبرونو څخه ځان خبر کړئ.
Similar Channels
🚨 تازه خبرونه🎙️ثمرگل افغان🚨
KARACHI UPDATE~🌍🇵🇰
د غــزوة الـــهـند ،پــشتو اردو ،چینل 🎤
2ODD DAILY ROLLOVER
Muhammad Shakeel
بهبهان خبر _ اخبار خوزستان
Nieder-Wiesen
خبر یه خطی | اکسین نیوز
Jobs BD
طــــــــب اړوند
شیخ حم.اسی کاروان
ابر کانال رسمی اتحاد خبر
لوی کندهارجنوبی پشتونخواخبروچینل
پایگاه خبری وزارت بهداشت
وردګ نیوز Wardak News2️⃣
Swipe to see more
Posts
*په پنجشېر ولایت کې د زمردو داوطلبي ترسره شوه* د پنجشېر ولایت په مرکز کې د زمردو د پلور داوطلبۍ د روان ۱۴۰۴ لمریز کال د جوزا میاشتې په ٢٧مه نېټه د یوې رڼې پروسې په ترڅ کې ترسره شوه. په دې داوطلبۍ کې، چې د ولایت د غونډو په تالار کې جوړه شوې وه، د یاد ولایت والي، د کانونو رئیس، د اړوندو ادارو سیمهییزو مسوولینو، کان کیندونکو، د هېواد د بېلابېلو برخو څخه ملي سوداګرو او د رسنیو استازو ګډون کړی و. په یاده بولۍ کې(٤٧٧٦) قیراطه زمرد د(٤٦٨٦٠٠) څلور لک اته شپېته زره شپږ سوه امریکايي ډالرو په ارزښت د داوطلبۍ له لارې وپلورل شول، چې دا د کانونو د عوایدو د زیاتوالي او پانګوالو ته د لا زیاتو فرصتونو برابرولو لپاره مهم ګام بلل کېږي. یادې پروسې نه یوازې د زمردو قانوني استخراج لپاره زمینه برابره کړې، بلکې د پانګوالو لپاره د پانګونې او د سیمې اوسېدونکو ته یې کاري فرصتونه هم رامنځته کړي دي.
*د کانونو او پټرولیم وزارت او افچین شرکت تر منځ د آمو دریا نفتي حوزې تړون فسخه شو* د آمو دریا نفتي حوزې د اکتشاف او استخراج تړون چې د کانونو او پټرولیم وزارت او آفچین شرکت تر منځ د ۲۵ کلونو لپاره لاسلیک شوی و، د قراردادي شرکت له لوري د تړون له ژمنو څخه د پر له پسې سرغړونو له کبله فسخه شو. د نوموړي تړون د نقض د مواردو د څېړنې په موخه له اړوندو وزارتونو او ادارو څخه ګډې کمېټې ټاکل شوې وې او د کمېټو د کار په پایله کې وموندل شوه چې آفچین شرکت له تړون څخه مکرراً د فسخې موجب سرغړونې کړې وې او د تړون د ژمنو په تطبیق کې پاتې راغلی و. په دې توګه، د اقتصادي معاونیت د ۱۴۴۶/۱۲/۱ نېټې د ( ۵۱۸۸ ) ګڼې وړاندیز او د ریاست الوزراء عالي مقام د ۱۴۴۶/۱۲/۵ نېټې د ( ۶۸۵۶ ) ګڼې حکم پربنسټ له یاد شرکت سره تړون فسخه شو. د کانونو او پټرولیم وزارت د نوموړي تړون او اړوند اسنادو حقوقي ارزونې، د یادې ساحې تخنیکي ارزونې او له آفچین شرکت سره د مالي حسابونو د تصفیې په موخه، نړیوالو تجربه لرونکو مشورتي شرکتونو ته بلنه ورکوي، چې په یاده برخه کې رسماً خپله لېوالتیا (EoI) له وزارت سره شریک کړي. د یادې پروسې په اړه د نورو جزیاتو او د لېوالتیا د څرګندولو لپاره، مهرباني وکړئ لاندې لینکونه وکاروئ: https://momp.gov.af/request-expressions-interest-1 https://momp.gov.af/request-expressions-interest-0 https://momp.gov.af/request-expressions-interest
