أنتِ كريستالة 🥰
290 subscribers
Similar Channels
Swipe to see more
Posts
مهارة الاهتمام بالنفس واسعاد الذات 🌸 انتي مصدر سعادتك الاولاني 💖 دللي نفسك من وقت للتاني هاتي هديه لنفسك زي عطر جديد 🎀 اتعشي اكله بتحبيها 🍰او خدي يوم اجازه من الشغل واستجمي متخليش الاشباع العاطفي علي زوجك بس 👨👩👧👦 خلي عندك علاقات تانيه مع اهلك وصحابك علشان متحسيش بالفراغ العاطفي لو حصل اي توتر في العلاقه مع زوجك اشتغلي علي ثقتك في نفسك 🌟 اتعلمي حاجه جديده زي لغة او مهاره اقراي كتاب او خدي كورس في حاجه بتحبيها علشان تحسي انك بتتطوري. حياتك فيها جوانب كتير متنسيش انك مش زوجه بس انتي عندك جوانب تانيه زي الجانب الروحي الصحى 🏋️♀️الاجتماعي والمهني خليكي متوازنه في كل الحاجات دي مارسي تمارين توكيدات 🧘♀️ دي حاجه بسيطه بتساعدك تحسي بالنشاط والحيويه زي انك تقفي قدام المرايه ورددي كلام ايجابي عن نفسك. متحملش اكتر من طاقتك 🚫 متدخليش في حوارات او مشاكل مش بتاعتك علشان متزهقيش وتبقي كئيبه. السعاده بتجذب سعاده 🌞 لو انتي مبسوطه هتلاقي حواليكي ناس مبسوطه وهاتعيشي علاقات حلوه قدري نفسك علشان الناس تقدرك 👑 لما تهتمي بنفسك وتحبيها هاتلاقي الناس كلها بتحترمك وبتعاملك بطريقه كويسه
🌸عشان تطوري *مهارة التواصل* عندك دربي نفسك اسمعي اللي قدامك بتركيز من غير ما تقاطعيه و اتكلمي بنبرة هادية ومتفائلة و خلي لغة جسمك متناسقة مع كلامك 🔖 مثلا لما حد يحكيلك حاجة مضايقاه اسمعيه للأخر وحاولي تفهمي مشاعره من غير ما تعلقي أو تقاطعيه ..
كلنا بنمر بمواقف تستفزنا او تحبطنا بس الفرق بيكون في قدرتنا على التحكم في انفعالاتنا وردود افعالنا عشان كده دي شوية مهارات هتساعدك تحافظي على هدوئك واتزانك مهما حصل 💖 افهمي مشاعرك قبل ما تتسرعي في رد فعلك خدي نفس عميق واسألي نفسك انا حاسة بإيه دلوقتي غضب احباط توتر لما تحددي مشاعرك هتعرفي تتعاملي معاها بشكل افضل 💖 تنفسي بعمق لما تحسي إنك هتنفجري وقفي لحظة خدي نفس عميق من أنفك وطلعيه بهدوء من بقك كرري ده ٣ مرات وهتلاقي نفسك بدأت تهدي 💖 أدي نفسك وقت ما ترديش في نفس اللحظة لو الموقف مستفز قولي هفكر وارد بعدين ده هيمنعك من اتخاذ قرارات او كلام تندمي عليه 💖 غيري تركيزك لو موقف ضايقك حاولي تشغلي نفسك بحاجة تانية زي سماع موسيقى بتحبيها شرب مشروب دافئ او حتى المشي شوية 💖 اتكلمي عن مشاعرك بطريقة هادية بدلاً من الصراخ او الغضب قولي انا حاسة بكذا بسبب كذا بدل انت دايماً بتعمل كده الطريقة الهادية بتساعد في حل المشاكل بدل ما تعقدها 💖 مارسي هواياتك الرسم الكتابة المشي اي حاجة بتحبيها هتساعدك تفرغي طاقتك السلبية بشكل صحي 💖 اتعلمي تقولي لا مش لازم ترضي الكل لو حاجة مضايقاكي او بتستنزفك قولي لا بكل راحة ضمير 💖 فكري نفسك إنك اقوى من اي موقف مفيش حاجة تستاهل إنها تسرق سعادتك او هدوءك انتي اللي بتتحكمي في مشاعرك مش العكس عارفه ان الموضوع مش سهل بس مع التكرار والمحاولة هتقدري وبتشوفي تأثيره الإيجابي في علاقتك مع نفسك ومع الي حواليكي ...