جبران┃محاسب تكاليف مطاعم

جبران┃محاسب تكاليف مطاعم

5/11/2025, 8:59:24 PM

استراتيجيات التسعير في المطاعم --- 1. التسعير حسب التكلفة (تكلف كم أبيعها بربح) الفكرة: تحسب كم تكلفك الوجبة، وتضيف عليها ربح. مثال: شاورما الدجاج تكلفك مواد فقط ولا تضيف اي تكاليف أخرى = 10 ريال تبغى تربح مثلاً 50%، فتقول: 10 + (10 × 50%) = 15 ريال *سعر البيع = 15 ريال* مميزاتها: تضمن إنك ما تخسر عيوبها: ممكن يكون السعر غالي أو رخيص بالنسبة للسوق --- 2. التسعير حسب السوق (شوف كم يبيع غيرك) المنتشر حاليا بسبب كثرة المنافسين الفكرة: تروح تشوف المطاعم اللي زيك، كم يبيعون نفس الوجبة؟ مثال: كل المطاعم حولك يبيعون برجر اللحم بـ 18 ريال أنت تبي تكون منافس؟ تقدر تبيع بـ 17 ريال عشان تجذب الزبائن أو تبيع بـ 20 ريال لو شغلك نظيف وطعمك مميز مميزاتها: تنافس غيرك وتفهم السوق عيوبها: ممكن غيرك يستخدم مواد اقل جودة او مختلفة هنا تساوي نفسك فيه وانت موادك تعرف جودة ! --- 3. التسعير حسب قيمة (هل الزبون يشوفه يستاهل؟) تستخدم بالكافيهات لانه يبيع تجربة عميل اكثر من مجرد تكلفة منتج الفكرة: مو شرط الوجبة/ المشروب تكلف كثير، لكن الزبون يشوفها "تستاهل" السعر. مثال: الكابتشينو ، جوك فخم وخدمة ممتازة حتى لو تكلفك 25 ريال، ممكن تبيعها بـ 45 أو أكثر لأن الزبون يحسها تستحق مميزاتها: تربح أكثر عيوبها: لازم تكون فعلاً مميز، مو بس ترفع السعر --- 4. تسعير نفسي (الرقم يخدع شوي) الفكرة: بدل ما تكتب 20 ريال، تكتب 19.90 ريال، نفس الشي لكن نفسياً تحسها أرخص مثال: عصير ليمون بـ 9.90 ريال بدل ما تكتبه 10 ريال مميزاتها: تخلي الزبون يحس إنه كسبان عيوبها: ما تفيد كثير لو الزبون يدقق على الجودة والسعر الحقيقي --- 5. تسعير وقت العروض (تغير السعر حسب الوقت أو الحالة) الفكرة: تنزل سعر بعض الأصناف في وقت معين عشان تحرك المبيعات. مثال: من 4 العصر إلى 6 المغرب، "وجبة فلافل + مشروب = 9 ريال" أو تعمل خصم 15% إذا الطلب أكثر من 50 ريال مميزاتها: تشغل المحل في الأوقات الهادية عيوبها: لازم تحسبها صح، لا تخسر! --- 6. تسعير بالحزم (باقة فيها أكثر من شيء) الفكرة: تجمع أكثر من صنف في عرض واحد بسعر أقل من لو اشتروا كل شيء لحاله. مثال: وجبة عائلية: 2 شاورما + بطاطس + مشروبين = 25 ريال (لو طلبهم كل واحد لحاله ممكن توصل 30 ريال) مميزاتها: تخلي الزبون يطلب أكثر عيوبها: إذا ما حسبت التكلفة مضبوط، ممكن ما تطلع بربح كويس نصيحة أخيرة: كيف تختار السعر الصح؟ 1. احسب تكلفتك مظبوط 2. شوف غيرك كم يبيع نفس الأكل 3. فكّر الزبون هل بيشوف السعر مناسب؟ 4. جرّب وسجّل كل فترة أي الأسعار اللي رفعت المبيعات والربح 5. لا تعتمد على طريقة وحدة، خذ من كل طريقة حسب الحالة ✍️ جبران محاسب تكاليف مطاعم ومقاهي

جبران┃محاسب تكاليف مطاعم

5/19/2025, 12:37:02 AM

الجرد هو أهم شيء يمنع السرقة ويطلع الهدر الجرد مهم جدا الربح #المطعم بسيط فما يروح للهدر والسرقة #المحاسب ضروري يتابع الوضع يمكن بجردك تنقذ عشرات الالف الريالات شهريا فقط لأنك سيطرتك على الوضع فيديو مهم عن الهدر #محاسبة https://youtu.be/RzFSMe-K4sM?si=mcNzPbCO204ON5rV

جبران┃محاسب تكاليف مطاعم

5/21/2025, 10:58:32 PM

نصائح محاسبية ومالية #للمطعم " المطبخ اللي ما فيه وزن دقيق، بيطير عليه نص الربح الميزان أهم من الطباخ أحيانًا " ضروري يكون كل شيء بالميزان والا ربحك راح والهدر يزيد خليك ذكي واضبط امورك بالميزان بطريقة هذي انت تقلل الهدر #نصائح_تكاليف_مطاعم

جبران┃محاسب تكاليف مطاعم

5/21/2025, 11:20:31 PM

الفرق بين المحاسب العادي ومحاسب التكاليف؟ الأول يسجّل، والثاني يُحلل ويُنقذ قبل ما تقع الكارثة كما تحدثت ليس اي محاسب #محاسب_تكاليف فالمحاسب العادي يوصل لنهاية الشهر وينبهك انه في خسائر عكس المحاسب الذكي الذي يقولك قبل ما تدخل الشهر ان الوضع ما يبشر بالخير

جبران┃محاسب تكاليف مطاعم

5/24/2025, 4:25:00 PM

تكلفة الهدر = مالك اللي ينزف بدون ما تحس راقب الرمي، وراقب التكرار، وراقب الصمت في المستودع الهدر قاتل صامت اكيد مارح تحس فيه لأنك ما انت حاسبه تخيل مطعم يوصل فيها ل 9% يعني كل 100 الف مبيعات 9 الف ريال تعتبر كا مصروف مثله مثل الرواتب وغيره فأنت افضل ان تتحكم الهدر مهم

جبران┃محاسب تكاليف مطاعم

5/24/2025, 4:29:40 PM

الهدر هو اكبر مسبب للخسارة ويقتلك ببطى ويمكن ما تحس لأنه البعض ما يعرف وش معنى هدر الهدر تتحكم فيه عن طريقة ضبط الحصص يعني تلتزم بالميزان والادوات القياس للاصناف مهمة جدا يقلل الهدر بنسبة90%أو أكثر وبعدين يجي الجرد وغيره مطاعم كثيرة تصل للمليون مبيعات شهرية فكم يكون الهدر؟