🔴 AMAKURU MASHASHA - Uretse Cndd-Fdd, nta wundi mugambwe n'umwe waronse Abashingamateka, eka nta n'uwigenga yaronse ikibanza mu matora aheruka kuba Isaha cumi zirengako iminota mikeyi zo kuri uyu wa 11 Ruheshi 2025, niho Prosper Ntahorwamiye arongoye umugwi CENI yatangaza ivyavuye mu matora yabaye itariki 5 Ruheshi 2025 🗳️ 🦅 Umugambwe Cndd-Fdd mu gihugu no hanze yaco niwo waronse amajwi menshi. Ku majwi 5.859.238 yabonetse Cndd-Fdd yaronsemwo 5.654.807 ni kuvuga ibice 96,51%. 📊 Hisunzwe ibiharuro n'amategeko agenga amatora, Prosper Ntahorwamiye yatangaje ko Umugambwe Cndd-Fdd ariwo watsindiye intebe zose mu gihugu cose ni kuvuga intebe 100 mu gihe iyindi migambwe ata n'umwe washoboye gushikana ibice 2%, ni kuvuga 'quotient électoral' yasabwa muri buri ntara. 📑 Muri iryo tegeko nyene, hisunzwe ibijanye n'ibitigiri vy'amoko, hari abandi bashingamateka 8 bo mu bwoko bw'abahutu bongeweko. Bano nabo batorwa hisunzwe ahasigaye amajwi menshi bamaze kugabura intebe. Kuri abo, hiyongereko n'abandi 3 bo mu bwoko bw'abatwa. 🎙️ Prosper Ntahorwamiye yasozereye amenyesha ko Inama Nshingamateka yo mu kiringo co mu 2025 - 2030, izoba igizwe n'abashingamateka 111. #amatora2025 #irisnews