Shaykh Sarfaraz Faizi

*دنیا پرستوں کی صحبت* ✿✿✿ *✒️سرفراز فیضی* •─════﷽════─• دو لوگ جن کی منزلیں الگ ہوں ان کے راستے کبھی ایک نہیں ہوسکتے ، جن کی چاہتیں چھوٹی ہوں وہ بڑے مقصد والوں کا ساتھ کبھی نہیں دے سکتے، جن کی طلب آخرت ہو ان کا مزاج آخرت کے طلبگاروں سے ہی ملتا ہے اور جن کی طلب دنیا ہو ان کو دنیا داروں ہی کی صحبت جچتی ہے۔ المؤمنون والمؤمنات بعضھم اولیاء بعض انتہاء درجے کے دنیا پرستوں کی صحبت میں اٹھنے بیٹھنے والے کی فکر آخرت ماند پڑجاتی، ان کی دینداری پر گہن لگ جاتا ہے، ان کی سوچ سطحی ہوجاتی ہے، ان کا ھم وغم دنیا بن جاتی ہے، ان کا محور چیزیں اور سامان بن جاتے ہیں، ان کا قبلہ مال ودولت ہوجاتا ہے، ان کی چاہتوں کا مرکز دنیا کی عیاشیاں بن جاتی ہیں۔ ، دنیا پرستوں کی صحبتیں اہل ایمان کو بھی دنیا پرست بنا دیتی ہیں، ایسی زندگی ایک لعنت ہے جس سے اللہ کے نبی ﷺ پناہ طلب کیا کرتے تھے۔ اللھم لا تجعل الدنیا اکبر ھمنا ومبلغ علمنا۔ اکثر دنیا پرستوں کی یہ صحبتیں ہی ہماری ساری روحانی ترقیوں کی راہ میں آڑ بن جاتی ہیں، ہماری دینداری کے راستے کا سب سے بڑا روڑا ہوتی ہیں، ہمارے پاؤں کی زنجیر بن کر بلندیوں کے دروازے ہم پر بند کر دیتی ہیں، دین کی راہ ہماری ترقی کا سفر تمام کردیتی ہیں۔ ہمارے مزاج کو ہوس پرست، ہماری سوچ کو سطحی، ہماری چاہتوں کو پست بنا دیتی ہیں، ہم سے ہماری زندگی کی مقصدیت چھین کر ہم کو دنیا کی عارضی آرزؤں کا اسیر بنادیتی ہیں۔ لہذا روحانی ترقی کے سفر کا آغاز یہیں سے ہوتا ہے کہ دوست ہوں یا استاذ ہوں، بیویاں ہوں یا شوہر ۔ زندگی کے سفر میں ایسے لوگوں کا انتخاب کریں جو آپ کی منزل کے مسافر ہوں، آپ کے ہم مقصد ہوں، ایسے ہی لوگ آپ کی فکر کو سمجھ سکیں گے، آپ کے راستے پر چلنے میں آپ کے مدد گار بنیں گے۔ آپ کی ترقیوں میں آپ کا تعاون کرسکیں گے۔ ان شـــــــاء اللـــــــہ اور اگر دنیا پرستوں سے گھرے ہوئے تو خود کو ریسکیو کرکے باہر نکالیں، روحانی ترقی کا سفر ایسے لوگوں سے خود کو آزاد کرانے سے شروع ہوتا ہے۔ دنیاپرستوں کے چنگل میں پھنسا ہوا انسان جب تک خود کو آزاد نہ کرالے آخرت کی منزل پر آگے نہیں بڑھ سکتا۔ (سرفراز فیضی)

*🔰Aaj chand dekheiñ!!!* *🔰 آج چاند دیکھیں!!!* *WhatsApp Group 👇🏻* https://chat.whatsapp.com/JIvMd4HfHXe9yhEDbLP1AL

Nowadays, it’s easy to place a hand on someone’s shoulder in times of trouble and offer a few words of comfort, but it’s very difficult to genuinely share in someone’s happiness and protect oneself from envy. So understand this! The difference between your own and others is not only in times of hardship but also in moments of joy. Your true companion is the one who rejoices in your happiness and does not envy your blessings. The one who burns with jealousy upon seeing you happy, who falls prey to envy over your blessings, whose sorrow cannot be hidden when they see you prosper—they are not sincere with you. Even if they offered you some support in your difficulties, it’s possible that their support was merely for show. (Sarfaraz Faizi) Translated by Grok 3

*🔴Live Now* *🗒️ Fazeelat ke 10 din meiñ karne ke 10 kaam* *🗒️فضیلت کے 10 دن میں کرنے کے 10 کام* *⏰ 10.30pm* Link 👇🏻 https://www.youtube.com/watch?v=rBdF0dzKIfk *💥The young world* By: *Shaykh Sarfaraz Faizi*

*حضرت ابراہیم علیہ السلام اور سیکولرازم* ✿✿✿ *✍️ سرفراز فیضی* •─════﷽════─• آج کے اس پر فتن دور میں جب مداہنت کو سیکولرازم اور لبرلزم کا حسین عنوان دے دیا گیا ہے، اور قومی دھارے میں شمولیت، رواداری اور قومی کلچر کا حوالہ دے کر قسم قسم کے شرک حلال کیے جارہے ہیں حضرت ابراہیم کی سیرت کا یہ پہلو بہت اہم ہے کہ وہ اسی عقیدہ توحید کی حفاظت کے لیے پوری قوم کے سامنے کھڑے ہوگئے، اپنی جان، مال سب کچھ داؤ پر لگا دیا لیکن عقیدہ توحید کے ساتھ کسی طرح کا سمجھوتہ برداشت نہیں کیا۔ قرآن مجید میں رب کائنات نے پانچ مقامات پر حضرت ابراہیم علیہ السلام سے اپنے تعلق کا اظہار کرتے ہوئے محبت بھرے انداز میں فرمایا: وَمَا كَانَ مِنَ الْمُشْرِكِينَ۔ کہ ابراہیم مشرک نہیں تھے، یعنی جو ادا ابراہیم علیہ السلام کی رب العزت والجلال کو سب سے زیادہ بھائی، جو صفت سب سے زیادہ پسند آئی وہ یہ کہ شرک میں گلے تک ڈوبے خاندان، قبیلے اور قوم سے تعلق رکھنے کے باوجود ابراہیم نے اپنے دین کو شرک کی غلاظتوں سے بچا لیا، ایک ایسے معاشرے میں پیدا ہوئے جہاں چاند ستاروں کی پرستش کا بھی رواج تھا، بتوں کی پوجا بھی ہوتی تھی، بادشاہ کو بھی معبود سمجھا جاتا تھا۔ حضرت ابراہیم علیہ السلام نے ہر محاذ پر شرک اور مشرکین کا دلائل وبراہین سے مقابلہ کیا۔ حضرت ابراہیم مشرک قوم کے موحد فرد تھے، مشرک اکثریت کے بیچ ان کی حیثیت مسلم اقلیت کی تھی۔ اس حیثیت سے حضرت ابراہیم کی سیرت خصوصی طور پر کافر ملکوں میں رہنے والی مسلم اقلیتوں کے لیے نمونہ ہے، شرک اور بت پرستی کے ماحول میں اپنے دین اور شریعت، ایمان و عقیدہ کی حفاظت کیسے کی جائے اور کافر و مشرک اکثریت تک عقیدہ توحید کی دعوت کے لیے کیا اسلوب و وسائل اختیار کیے جائیں، حضرت ابراہیم کی سیرت کا یہ ایک بہت اہم پہلو ہے جس کو سامنے رکھ کر مسلم اقلیتوں بالخصوص ہندستان کے اہل توحید کو اپنے دین و ایمان کی حفاظت اور دعوت کا منصوبہ مرتب کرنا چاہیے۔ (سرفراز فیضی )

*🔰Qurbani kareiñ* *🔰قربانی کریں!!!* *WhatsApp Group 👇🏻* https://chat.whatsapp.com/JIvMd4HfHXe9yhEDbLP1AL

*🔰Ahle hadees aur Seerat-e-Ibraheem علیہ السلام* *🔰اہل حدیث اور سیرت ابراہیم علیہ السلام* *WhatsApp Group 👇🏻* https://chat.whatsapp.com/JIvMd4HfHXe9yhEDbLP1AL

*کیا قربانی صاحبِ نصاب پر فرض ہے؟* ✿✿✿ *✍️سرفراز فیضی* •─════﷽════─• نصاب کے مکمّل ہونے پر بندے پر جو چیز واجب ہوتی ہے وہ ہے زکوٰۃ کا اخراج. زکوٰۃ کی ادائیگی کے بعد بندہ اپنی ذمہ داری سے بری ہوجاتا ہے. نصاب کی تکمیل زکاۃ کے علاوہ بندے پر کچھ بھی واجب نہیں کرتی. نصاب زکوٰۃ کی فرضیت طے کرنے کا پیمانہ ہے. اس کا قربانی سے کوئی تعلق نہیں. تعلق ہوتا تو رسول اللہ صلی اللہ علیہ وسلّم ضرور اس کو واضح کرتے. یہ کیسی عجیب بات ہے کہ قربانی کی چھوٹی چھوٹی سنّتیں اتنی تفصیل سے بیان کردی جائیں اور اس کے وجوب کی شرط جیسی بنیادی چیز بیان نہ کی جائے جب کہ نبی صلی اللہ علیہ وسلم کے دور میں صاحبان نصاب کی ایک بڑی تعداد پائی جاتی تھی. قربانی کا صاحب نصاب پر واجب ہونا تو دور کی بات خود قربانی کا واجب ہونا ہی مختلف فیہ ہے. جمہور علماء کا موقف ہے کہ قربانی مستحب ہے، واجب نہیں. قربانی کے مستحب ہونے کی سب سے بڑی دلیل یہ ہے کہ قربانی کے واجب ہونے کی کوئی دلیل کتاب وسنّت میں نہیں ملتی. جتنی بھی احادیث قربانی کے وجوب کی دلیل میں بیان کی جاتی ہیں ساری کی ساری ضعیف ہیں. بلکہ قربانی کی فضیلت ہی میں کوئی بھی مرفوع روایت ثابت نہیں. ابن العربی نے یہ بات عارضة الاحوذي میں کہی ہے اور کئی علماء نے اس کی تائید کی ہے.(البتہ قرآن کی آیات سے قربانی کی فضیلت ثابت ہوتی ہے.) کئی صحابہ سے قربانی کے عدم وجوب کا قول ثابت ہے. مثلا ابو سریحہ غفاری کہتے ہیں کہ میں نے حضرت ابوبکر اور حضرت عمر کو پایا کہ وہ قربانی نہیں کرتے تھے اس خوف سے کہ ان کی اقتداء کی جائے گی. كراهية أن يُقْتَدَى بهما . (اس اثر کا امام بیھقی نے روایت کیا ہے. حافظ ابن حجر نے تلخیص میں اور شیخ الالبانی نے ارواء حدیث نمبر: 1139 میں اس کو صحیح قرار دیا ہے. ) ابو مسعود انصاری سے بھی مروی ہے کہ " میں قربانی چھوڑ دیتا ہوں حالانکہ کشادہ حال ہوں. اس وجہ سے کہ میرے پڑوسی اسے مجھ پر واجب نہ سمجھ لیں. "مخافة ان يري جيراني انه حتم عليّ" (اس اثر کو امام بیھقی نے روایت کیا ہے اور شیخ الالبانی نے ارواء حدیث نمبر 1139 میں صحیح قرار دیا ہے.) قربانی کے وجوب کی کوئی دلیل نہ ملنے اور کئی صحابہ سے بصراحت اس کے مستحب ہونے کا قول مروی ہونے کی بنیاد پر راجح بات یہی کہی جاسکتی ہے کہ قربانی سنّت ہے. واجب نہیں. البتہ قربانی اسلام اور مسلمانوں کا شعار رہی ہے. اللہ کے نبی صلی اللہ علیہ وسلم نے باوجود اپنی تنگ دستی کے قربانی کی، آپ صلی اللہ علیہ وسلم کے صحابہ نے قربانی کی اور مسلمان تب سے اس سنّت کو تسلسل کے ساتھ زندہ رکھتے چلے آئے ہیں. آج بھی صاحبان حیثیت کو اس سنّت ابراہیمی میں بڑھ چڑھ کر حصّہ لینا چاہیے. واللہ اعلم بالصواب Sarfaraz Faizi

*🔰Ibraheem علیہ السلام aur Taqleed* *🔰 ابراہیم علیہ السلام اور تقلید* *WhatsApp Group 👇🏻* https://chat.whatsapp.com/JIvMd4HfHXe9yhEDbLP1AL

*🔴Live Now* *🗒️ Naujawan pahele aqeedah seekheiñ* *نوجوان پہلے عقیدہ سیکھیں!!* *⏰ 10.30pm* Link 👇🏻 https://www.youtube.com/live/xofd_QpHueU?si=wP5N0NCYNZvYlRsb *💥The young world* By: *Shaykh Sarfaraz Faizi*