جرعة وعي
152 subscribers
About جرعة وعي
تعنى بنشر الوعي العام بين المشتركين، داعمة للتحول المدني الديمقراطي في السودان
Similar Channels
طَالــِبَاتُ الْعِــلْمِ الْشَرْعِيِّ
الجمهورية الثانيةSUDANTV
فوائد مختارة
إعلانات إدارة ثقافة الأسرة - جمعية دار البر
مديرية الأمن العام | Jordan Police
جمعية هدى لتعليم القرآن وعلومه بمركز الحكامية
الخوارج بين الحاضر والماضي
” لسانكم ” جريدة إلكترونية مستقلة
Peggy N’Nah Ndong
خيرا رأيت - فوائد في علم الرؤى
العطاءات السودانية - Sudanbid
شبكة الجمهورية اليمنية الإخبارية
Ötüken Dergisi
اخبار الكيدرما مسلسلات كوريه مسلسلات اسيوية تصاميم كيدراما💖 فيديوهات دارمات كوريه BTS يوميات كوريهSh
النخبة المتحدون محامون ومستشارون
Swipe to see more
Posts
فرق كبير بين الأمر الواقع والشرعية! الشرعية للصندوق! المراحل الانتقالية فيها شرعية مؤقتة ناتجة عن توافق القوى الصنعت التغيير (أو الثورة في الحالة السودانية). وسلطة الأمر الواقع بحكم إنها سلطة فهي ملزمة بتسيير شؤون الناس، تأكلهم، تشربهم، تعالجهم. لكن ده أبدا مابيديها شرعية للحكم. ولابيمنع الناس من معارضتها أو السعي لبناء نظام شرعي مستدام عبر تحول مدني ديمقراطي! والدولجية الحايمين بي أحناك زي (البرهان رئيس بشرعية الأمر الواقع).. و(ليه تطلبوا خدمات دولة إنتو مامعترفين بشرعيتها) أحسن يختشوا حبة! عشان الشرعية اللاهث وراها البرهان ليه 6 سنين مابلقاها هسة! ومالازم الواحد يدي شرعية لسلطة انقلابية مجرمة كتمن لحقوق المواطنة، زي الأوراق الثبوتية أو الصحة أو التعليم!
لمن تجمع مجموعة ناس بينهم رابط عقائدي أو قبلي مع بعض وتديهم سلاح بتكون كونت مليشيا! وأهم من كده بتكون زرعت بذرة التمرد! قصة (تأتمر بأمر القوات المسلحة) دي سمعناها قبل كده! المشكلة مافي الزول الساي البتكلم ساي. المشكلة في خريج أكاديمية عسكرية وكتفو مليان حديد وبيتكلم كلام زي ده!
أي نعم البرهان هو البادر بمقابلة نتنياهو لكن القحاتة هم عملاء إسرائيل! نعم العساكر هم القاعدين يهربوا الذهب للإمارات لكن القحاتة هم عملاء الإمارات! أي الكيزان هم العملوا الجنجويد لكن القحاتة هم الهددوا بالحرب! صحيح العساكر هم الولعوا الحرب لكن القحاتة هم الخربوا البلد!
أخي المواطن! هذه ليست وجبة معتقلات الجنجويد! وليست وجبة المحاصرين في غزة المنكوبة! هذه هي وجبة الإفطار التي تقدمها بعثة الحج السودانية للحاج السوداني الذي دفع من حر ماله 12 مليار جنيه ثمنا لحج هذا العام!
الجماعة واقعين غزل في جلابية كامل إدريس، وعمة كامل إدريس! لو كانت الجلابية والعمة بتأثر فأولى كمال ترباس برئاسة الوزراء! وبما أن (القشرة) ليست من متطلبات رئاسة الحكومة كدي استنوهو يعمل حاجة وبعدين إتغزلوا! زمان الجماعة مالقوا حاجة يشكروا بيها بشة قالوا والله عرضتو سمحة!
صحفي الكورة داير يتذاكى! قال ليك (الجيش كمؤسسة لم يبادر بتكوين الجنجويد!) هو الجيش (كمؤسسة) مش في النهاية تحت أمر القادة؟ طيب لو القادة ديل كونوا الجنجويد هل المؤسسة دي فيها آليه للاعتراض؟ ولو إعترضوا حيكون مصيرهم شنو غير الإقالة من القيادة دي ذاتها! باختصار! الجيش ماحيبقى مؤسسة لو ماخضع لسلطة مدنية! ولا حيبقى مؤسسة وطنية لو ماساب السياسة والإقتصاد وشاف شغلو الدستوري زي الجيوش المهنية! نقاط زي دي المفروض الناس تكون اتفقت عليها زمان لو ماصدمة الحرب دي خفضت سقف المطالب بتاعت الناس في دولة مدنية ديمقراطية وجيش مهني موحد بعيد من السياسة والاقتصاد. ولا (ماوقتو)؟
بعد بيان كامل ادريس الاعترف فيه بسوء خدمة الحجيج السوداني ووعدو بالتحقيق في التقصير، الدولجية لاعارفين يزيطوا بي البيان ويطلعوا كضابين في إنكارهم لسوء الخدمة. ولا عارفين يعملوا رايحين ويفوتوا فرصة التطبيل لسكرتير البرهان وبقاء الدولة!
خت نفسك محل البرهان اللقا ليهو رهاين مستعدين ينسوا ليه كل جرايمو الفاتت بمافيها الانقلاب وتمكين الجنجويد! وماكده بس! يعملوا رايحين من أي مصيبة قاعد تعمل فيها هسة بمافيها تمكين المليشيات والتقصير الإداري وحتى التكويش على السلطة! ده كلو مقابل هدف غامض إسمو(بقاء الدولة) وماكده بس! مستعدين ينبحوا في أي زول يتجرأ ويقول الكلام ده غلط! وماكده بس! بدون مايطالبوك حتى بخطة واضحة أو سقف زمني للقضاء على الجنجويد! في شنو ممكن يخليك عايز تنهي الحرب دي أو حتى تنتصر فيها! الدولجية الرهاين مستعدين يطرحوا السؤال ده حتى على أنفسهم؟
الجماعة وأزمة المعايير! مظاهرات ضد البشير 👳♂️: تخريب مظاهرات ضد القحاتة 👳♂️: حق شرعي مظاهرات ضد الانقلاب 👳♂️:تخريب مظاهرات حلفا 👳♂️: تخريب اعتصام قدام قيادة الجيش 👳♂️: تعطيل لمصالح الناس اعتصام قدام القصر 👳♂️: حق شرعي
كامل ادريس ، رئيس وزراء حرب ، سلام ، ام كمبارس؟! بتاريخ اليوم ٣١ مايو ادى كامل ادريس القسم رئيسا لوزراء بلاد تعيش ٩ ولايات فيها (من اصل ١٨)حالة حرب مع خروج ٤ منهن بالكامل عن سيطرة الدولة، المهام الموجودة فوق مكتب كامل تختلف حسب رغبة معينيه من تعيينه والثابت في كل ذلك ينبني على مستوى م يسمح فيه بحركة الرجل. اذا اختار كامل ان يكون رئيس وزراء حرب فذلك يعني تحركه في استجداء الدعم الدولي للمعركة والبحث عن معسكر دولي ل (تبني ) السلطة - وكلمة تبني هي الوصف الدقيق لوضع داخلي هش لا يرقى بالبلاد لبناء علاقات صفتها الندية وتبادل المصالح- وبذلك يختار كامل طواعية عدم مسؤوليته عن الولايات التي تعيش الصراع الى حين استعادتها،وهو م يعضد من رواية تحالف تأسيس ويعجل من خطاهم في قسم البلاد عمليا. امام ادريس خيار آخر وهو ان يسعى ليبني سلطة سلام وذلك باتخاذ موقف سياسي مستقل عن الاطراف السياسية اللصيقة بالسلطة والسعي لبناء توافق وطني عبر الحوار المباشر بينه وبين اقرانه السياسيين وسعيه الجاد لحلحلة الصراع السياسي الذي اوصل البلاد لهذه الحالة ، يتوقف ذلك على مقدار مساحة الحركة التي يوفرها العسكريين لكامل بالاضافة لان الاختراق الذي يمكن ان يحدث عبر الرجل فرصته اكبر مع فشل رباعي مجلس السيادة طيلة عامين من الحرب وقبلها عامين من الانقلاب في التوصل لصيغة تفاهم مناسبة بينهم وبين القوى السياسية بالبلاد لاختلاف اهدافهم وتصوراتهم للحل. كامل لديه الخيار الاخير وهو ان يتخلى عن ذلك وذاك ويسعى لتقديم نفسه كشخصية تنفيذية منضبطة تسعى فقط لتوفير الخدمات ، يعيقه في لعب هذا الدور الفساد المرتبط بالمحسوبية والمناصب المأخوذة مسبقا لاطراف سلام جوبا والولايات التي لن تكون تحت سيطرته بل تحت سيطرة عسكريي السيادي ، بكل ذلك يكون من الصعوبة على الرجل احداث اختراق تنموي او تحسن في المعيشة طالما ظل السبب القائم وهو الحرب مستمر وظلت نصف ولايات البلاد خارج سيطرة حكومته سواء بالكامل او اجزاء منها. عموما ، لا يمكن حل ازمة السودان بالتجزئة ، ولا يمكن ان نستمر في تفادي الفيل( الحرب ) ونطعن الظل(آثارها ونتائجها) ونرغب بعد كل ذلك في حل مستدام . محمد طاهر متحدث لجان أمبدة السابق