Assadul Khadim

Assadul Khadim

2/19/2025, 8:27:56 PM

LE JEÛNE/ RAMADAN 2025 CORRESPONDANT 1445 H.G

Assadul Khadim

2/19/2025, 8:21:00 PM

*KOOR* Woor weeru koor farata la ci mukallaf mu ne, ku ko weddi ab yéefar la, ko bàayi te Tay ko te tëlewu ko ab Saay-Saay la bu bon a bon te bu ko tuubul ba dee sawara la jëm. Mi ngi ware nag, ci ñu gis weer wi ei 29i fan ci aw baraxlu, gis gu wér walla mu mat fanweeri fan. Jis gi nag, kenn ku ko gis bu wér te wéete ko, bu ñu wooree ak bu ñu woorul war naa woor bu woorul ngir begg a and ak nit ña nag, kon tay ko war na ko, kaffaara it war na ko. Bu ko jisee ci ñaar fukki fan ak juróom ñent ci weeru koor itam, bu xëyee bu mu yéene koor, waaye du sañ a feeñal dog ga, bu ko defee yoon dana ko yar, ndare du dafa ame ngànt lu ko tax a sañ a dog kon mu sañ ko. Mbooloo mi nag, bala ñoo woor walla ñu wori war nañoo gis ñaar ñu ñépp xam seen ug maandu ñu ne gis nañu ko. Walla mbooloo moo xam ne manuñoo maase ci aw fen ñu nee gis nañu ko kon bu dee koor war nañoo woor bu dee kori war nañoo wori bu dee tabaski war nañoo tabaski. Waaye boroom xam-xamub biddiw nag niki boroom arminaat yi ñoom deesul déglu seen i wax ci weer. Bu ko am réew gisul te meneen réew gis ko, moo xam ne soree nañu kon waa réew ma ko gisul duñu sañ a woor ca gis ga ko réew ma ca des jis, réew mu ne dafa war a yam ci jisug boppam bu ñu soree. Mas naa am weer woo xam ne dañu koo gisul ca Hijaas te ñu wax ne gis nañu ko ca yaman ñu wax ko Sayyidunaa Omar (Na ko Yalla gërëm), Mu wax ne bokkunu benn gox. Bu fekkee nag dañu koo gisul ci séenu bu njekk ci baraxlu, ba ca bäccäg fu xam ne feeñoon na bu wér, kon war nañoo japp la des ca bis ba, te war nañu koo fay it. Bu dee kori itam, war nañoo dog. Te bu tisbaar jotul, man nañoo julli korite. Bu jotee nag faat na, te deesu ko fay. Koor nag moo di yéene wax ci sam xel ne, fas namaa yéenee woor faratay weer wii ngir Yalla, ak bàyyi lekk ak naan, ak booloo njekk fajar, ba jant so. Yooyu nag ku ci def lenn te tayu ko, war na koo àggale, war na koo fay it. Bu ko tayee nag, dana àggale booba bis te war na koo fay, te kaffaara it war na ko. *Koor mooy ñenteelu ponki lislaam, sax na ci Alxuraan ci laaya yu* *barisax it ci sunna, ñu farataal ko ci ñaareelu at ci gaddaay gi.* *Buxaari génne na ci Sahiiham adiisu Abuu Hurayra 1909, mu ne Yónnent bi (SWT) nee na:* *"Woorleen bu ngeen gisee weer wi, worileen it bu ngeen gisee weer wi,* *bu ngeen ko gisul ngeen mottali baraxlufanweeri fan"* *XURRATU HAYNI*