Qostanai_tany

Qostanai_tany

2/25/2025, 6:10:19 AM

Оған облыс прокурорының инвестициялық жобаларды сүйемелдеу жөніндегі аға көмекшісі Денис Леонов пен ҚР Бас прокуратурасы Құқықтық статистика және арнайы есепке алу комитетінің Қостанай облысы бойынша департаменті бөлімінің аға прокуроры Лаура Аманбаева қатысты. Кәсіпкерлер палатасының ақпаратына сәйкес, 10-нан астам инвесторлардың құқықтарының бұзылуын болдырмауға және бизнесті жүргізу үшін тартымды құқықтық ортаны қамтамасыз етуге бағытталған прокурорлық фильтрдің жұмысы туралы өзекті ақпарат алды. Денис Леоновтың айтуынша, “прокурорлық фильтр” тізілімге енгізілген инвесторларға қатысты әрекет етеді, оны қалыптастыру тәртібі заң талаптарын анықтайды. Іске асырылған жоба директорының орынбасары – “Нұрлэнд” ЖШС автожанармай құю станциясы Рустем Бикторовтың айтуынша, мұндай диалог алаңдары инвесторлардың өзекті мәселелерін шешуге және өңірдегі инвестициялық ахуалды дамытуға ықпал етеді. Инвесторлар инвестициялық жобаларды сүйемелдеу жөніндегі ұлттық цифрлық инвестициялық платформаның жұмысымен және Қостанай облысының Кәсіпкерлер Палатасының қатысуымен инвестициялық сүйемелдеудің фронт-офистерінің өңірлеріндегі жұмысымен танысты. Мемлекет Басшысы Қасым-Жомарт Кемелұлы Тоқаевтың тапсырмасын орындау аясында облыстан инвестициялық жобалардың жалпыұлттық пулына Қостанай облысында іске асырылып жатқан 40 жоба кірді

Qostanai_tany

2/26/2025, 5:53:53 AM

Жұмысшы мамандықтар жылы аясында облыстың түрлі өңірлерінде іс-шаралар өткізу жоспарланып отыр. Олардың көбі патриоттық, идеологиялық, қаржылық сауаттылыққа, салауатты өмір салтын насихаттауға негізделіп отыр. Бұл туралы «Аманат» партиясы облыстық филиалының жанындағы «Miras» кеңесінің биылғы алғашқы отырысында сөз болды. «Жалпы сомасы 940 млн. теңгені құрайтын жобаны іске асыру жоспарланды. Жұмысшы мамандықтарының беделін арттырып, кәсіп таңдауға ынталандыру үшін кем дегенде бес түрлі форматты іс-шаралар өткізу қарастырылып жатыр. Жоба аясында алғаш рет әкелердің слеті ұйымдастырылатын болады. Онда әкелердің алдында тұрған өзекті мәселелер талқыланады», – деді жиында облыстық қоғамдық даму басқармасының басшысы Динара Қарымсақова.

Qostanai_tany

2/25/2025, 6:09:00 AM

Жұмысшы мамандықтар жылы аясында түрлі салалардың өкілдері Костанай облысы кәсіпкерлер палатасында өз тәжірибелерімен бөлісуде. Олардың арасында «Большевичка» фабрикасының тігін цехының шебері Айғанша Қойшыбаева да бар. Ол кәсіпорында 38 жылдан астам уақыт еңбек етіп келеді. – Мамандық таңдауда қателеспедім деп толығымен айта аламын. Себебі, бұл менің сүйікті ісім. Жұмысқа қуанып келемін. Өндірісте жұмықа келгеннен бастап іске кірістім. 2019 жылы сапа бақылаушысы болдым. Үш жылдан соң цех шебері лауазымына көтерілдім. Карьерлық өсуімде ұжымның рөлі зор болды, — дейді Айғанша Койшыбаева. Қазіргі уақытта «Большевичка» фабрикасында қорғаныс жилеттерін шығару өндірісі қолға алынған. Сонымен қатар, фабрикада жаңа перспективалық бағыт ретінде қысқы костюмдер тігу қолға алынып, оларда қарлы матамен толтырғыш қолданылуда. Бұл жаңа бағыттар жұмысшылардың кәсіби деңгейі мен шеберлігінің өсуіне ықпал етті. –Биыл жұмысшы мамандықтар жылы болып жарияланғандықтан, бұл біз үшін жастарға тағы бір мүмкіндік беру. Фабрикаға келіп, жұмысшы мамандығын игеріп, кейінірек карьерлік өсу жолымен жүріп, өз тәжірибеңді басқаларға үйрету мүмкіндігіне ие бола аласыздар. Бізде барлық жағдай жасалған, болашақта жатақхана салынады, фабрика жанында балалар студиясы жұмыс істейді, — деп атап өтті Айғанша Қойшыбаева. Қазіргі уақытта әйгілі «Большевичка» фабрикасы заманға сай басқару жүйесінің арқасында даму кезеңін бастан өткеруде. Қазір фабрика делегациясы Абу-Дабиде өтетін ең үлкен қорғаныс көрмесі мен конференциясы IDEX 2025 іс-шарасына қатысып жатыр. Бұл — қорғаныс саласындағы әлемдік маңызды оқиға. Көрме әр екі жыл сайын БАӘ президентінің патронажымен өтеді және осы саланың жетекші мамандары мен жаңа технологияларды таныстыратын ірі іс-шара. Бұл жерде костанайлық «Большевичка» фабрикасы арнайы формалық киімдер саласындағы инновациялық шешімдерін көрсетеді.