وعي نفسي...🧠
2.4K subscribers
About وعي نفسي...🧠
هُنا أستطيع ترجمة ما بداخلك هذا المكان للمتعبينّ،أرواحهم لزياده الوعي والادراك وتغيير مفاهمنا المغلوطه والاستمتاع بعقولنا...🧠
Similar Channels
Swipe to see more
Posts
املي اي فراغ ف يومك وحياتك بحاجات صحيه بمشاعر صحية لان التعلّق بيحصل لما بنبقي فاضيين وعندنا فراغ ده بيكون نقطه ضعف حاولي تبني لنفسك عادات جديدة ونفس الوقت تنشغلي فيها ودي هتساعدك بشكل كبير وعندك اوبشن كتير زي تمارسي رياضه تنمي هوايا عندك تتعلمي حاجه جديده تقرئي تكتبي اي حاجه بقا تحبيها تكون متاحه ليكي هيكون مهم تقللي القعده لوحدك وبلاش كتمان قربي من اهلك اعرفي صحاب جديده املي حياتك كل ده مع الوقت هيساعدك تتعافي
فكري نفسك انه كان بيتهرب من الجدية والوضوح وانه مكنش بيجي يتقدم ليكي واثبت ليكي حسن نواياه وانك مكنتيش تستحقي وجوده ولا العلاقه نفسها لانها اقل بكتير من قيمتك افتكري دايما ان الحد اللي مش هيحتويكي وقت حزنك مش هو اللي هيعرف يسعدك يبقي انتي ال كسبانه بعدم وجوده ف مخسرتيش حاجه اكتر حاجه ايجابيه عملتيها انك مسحتي الصور والشات، دي من اهم الخطوات ال هتساعدك ع التعافي افتكري ان لما يكون نفسك تكلميه ده عشان بتحني لحاجه كنتي بتاخديها منه ووقتها افتكري واكتبي السلبيات لكن متبعتيلوش حاجة ودي مع الوقت عقلك هيتعود ع الاسلوب ده وهتلاقي ان عقلك مش هيركز فيه
اكتبي ف ورقه شخص مكنش بيهتم بزعلي كنت بعيط وهو مكنش بيفرق معاه عياطي شخص مظهرش ليا نواياه الحسنه ولا وكان واضح معايا انا اخدت افضل قرار ان ابعد وبعدت عشان احافظ ع مشاعري ونفسي لل يستحقني ومش هينفع اكلمه تاني لان ولو رجعت، هرجع للوجع مش للذكريات الحلوة اقري الورقة دي كل مرة يجي في بالك الشخص وانك عايزه تكلميه اقرئيها بصوت ومع الوقت عقلك كل مره تفتكريه فكري ف سلبياته هتلاقي نفسك مش حابه تكلميه وده مع الوقت هتلاقي ليه نتيجه ايجابيه وهيساعدك ع التعافي
مفيش شىء أغلى من فقدان شخص بتحبه إلا لو كان استمرار علاقتك بيه بتفقدك نفسك.
وعليكم السلام كلامك واضح إن صاحبتك الأولى كانت شايفاكي حد مقرّب ليها فمكنتش مستعدة تشاركك مع حد تاني وده مش صح في العموم بس ساعات الناس بيكونوا غيورين من غير قصد، مش غيرة حقد، لكن غيرة خوف من إن مكانهم يتبدل فده ممكن يكون السبب في تغيّر أسلوبها أو كلامها اللي ضايقك بس ده مش مبرر لان مش من حقها تأذيكي بالكلام لازم تعرف ان من حقكك تصاحبي بنات تانيه وتوسعي دايره صحابك وتتقربي من بنات كويسه وده مهم جدا لكن انك تعتمدي ع وجود حد بس ده شي سهل يخليكي تعتمدي ع وجودها وبس وده مش صح
كتير من اللي بنتعلّق بيهم مش بيكون حب حقيقي، بل تعويض لحاجة جوانا ناقصة (زي الاهتمام أو الأمان أو التقدير ) فلما نعرف السبب الحقيقي للتعلّق بنبدأ نفهم إننا كنا محتاجين الشعور ال كنا بنحسه مش الشخص نفسه لما نفتكر حد كنا بنحبه بنفتكر الحلو وننسى الوحش يبقي كل مرة تلاقي نفسك حنيتي وبتفكري فيه اكتبي في ورقه هو عمل إيه لما كنتي محتاجه ليه وقت زعلك
اللي بتمرّي بيه حاليا هيا فتره انسحاب عاطفي وده امر طبيعي هيحصل ل اي حد بيبعد عن اي علاقه افهمي ان العقل بيشتاق للمعتاد الموضوع مالوش علاقه بالحب يعني لو العقل اتعود ع حاجه وبعد عنها سهل يشتاق ليها حتي لو الحاجه دي كانت بتضره العقل بيحن للذكريات للتعود للعِشرة، للوجود كده يعني ف امر طبيعي تلاقي نفسك بتفكري فيه اوقات وتبقي عايزه تكلميه وده مش ل اجل الحب تؤتؤ ده العقل مشتاق لحنين الذكريات
