رب سے جڑنے کا سفر ❤️
121 subscribers
About رب سے جڑنے کا سفر ❤️
المصطفین ♥️ مطلب چنے ہوئے لوگ جن کو اللہ تعالی چنتا ہے دین سیکھانے کے لیے مبارک ہو اپ لوگ المصطفین ہے ❤️💌🎀
Similar Channels
All inclusive Fitness Völklingen
Clash Of Leaks
اللہ سے محبت کا سفر ❤️
Islamic Tube Official
حضور ﷺ کے مہمان
Back to Allah-Islamic Education Guidance Daily Quran & Hadith With Urdu
Scale Media Training
¡InfoTuy! La Información Del Tuy. Moviendo La Noticia
مسلم اسٹور دیوبند
Printed Goods
..
Sentebale F&D
Al-Fazl International | روزنامہ الفضل انٹرنیشنل
1️⃣(IMS) Islamic Message Service official
ففروا الی اللہ 🫀
Swipe to see more
Posts
"ڈاکٹر صاحب آدمی کو پیر کامل مل جائے تو اس کی تقدیر بدل جاتی ہے۔۔۔۔" سالار نے گردن موڑ کر اس شخص کو دیکھا ۔۔۔وہ وہاں پچھلے چند دن سے آ رہا تھا۔۔۔ "اس کی نسلیں سنور جاتی ہیں۔۔۔میں جب سے آپ کے پاس آنے لگا ہوں مجھے لگتا ہے میں ہدایت پا گیا ہوں۔۔۔میرے الٹے کام سیدھے ہونے لگے ہیں۔۔۔میرا دل کہتا ہے مجھے پیر کامل مل گیا ہے۔۔۔میں۔۔۔۔۔میں آپ کے ہاتھوں پر بیعت کرنا چاہتا ہوں۔۔۔" وہ بڑی عقیدت مندی سے ڈاکٹر صاحب کا ہاتھ پکڑے ہوئے کہنے لگا۔۔۔کمرے میں مکمل خاموشی چھا گئی تھی۔۔۔ڈاکٹر صاحب نے نرمی سے اس شخص کے ہاتھ پر تھپکی دیتے ہوئے اپنا ہاتھ چھڑا لیا۔۔۔ "تقی صاحب میں نے زندگی میں آج تک کسی سے بیعت نہیں لی۔۔۔آپ کے منہ سے پیرِ کامل کا ذکر سنا۔۔۔پیرِ کامل کون ہوتا ہے۔۔۔پیرِ کامل کس کو کہتے ہیں۔۔۔وہ کیا کرتا ہے۔۔۔؟اس کی ضرورت کیوں ہوتی ہے۔۔۔؟" وہ بڑی سنجیدگی سے اس شخص سے پوچھ رہے تھے۔۔۔۔ "آپ پیرِ کامل ہیں۔۔۔" اس شخص نے کہا۔۔۔ "نہیں میں پیرِ کامل نہیں ہوں۔۔۔" ڈاکٹر سبط علی نے کہا۔۔۔ "آپ سے مجھے ہدایت ملتی ہے۔۔۔" اس شخص نے اصرار کیا۔۔۔ "ہدایت تو استاد بھی دیتا ہے۔۔۔ماں باپ بھی دیتے ہیں۔۔۔لیڈرز بھی دیتے ہیں۔۔۔دوست احباب بھی دیتے ہیں۔۔۔کیا وہ پیرِ کامل ہو جاتے ہیں۔۔۔؟" "آپ۔۔۔۔۔آپ گناہ نہیں کرتے۔۔۔" وہ آدمی گڑبڑا گیا۔۔۔ "ہاں دانستہ طور پر نہیں کرتا۔۔اس لیے نہیں کرتا کیونکہ گناہ سے مجھے خوف آتا ہے۔۔۔یہاں پر بیٹھے بہت سے لوگ دانستہ طور پر گناہ نہیں کرتے ہوں گے۔۔۔کیونکہ میری طرح انہیں بھی گناہ سے خوف آتا ہو گا۔۔۔مگر نادانستگی میں مجھ سے کیا سر زد ہو جاتا ہے۔۔۔اسے میں نہیں جانتا۔۔۔ہو سکتا ہے نادانستگی میں مجھ سے بھی گناہ سر زد ہو جاتے ہوں۔۔۔" انہوں نے مسکراتے ہوئے کہا۔۔۔ "آپ کی دعا قبول ہوتی ہے۔۔۔" وہ آدمی اپنے مؤقف سے ہٹنے کے لئے تیار نہیں تھا۔۔۔ "دعا تو ماں باپ کی بھی قبول ہوتی ہے۔۔۔مجبور اور مظلوم کی بھی قبول ہوتی ہے اور بھی بہت سے لوگوں کی قبول ہوتی ہے۔۔۔" "لیکن آپ کی تو ہر دعا قبول ہو جاتی ہے۔۔۔" اس نے اصرار کیا۔۔۔ڈاکٹر سبط علی صاحب نے انکار میں سر ہلایا۔۔۔۔ "نہیں ہر دعا تو قبول نہیں ہوتی۔۔۔۔میں کئی سالوں سے ہر روز مسلمانوں کی نشاۃ ثانیہ کی دعا کرتا ہوں۔۔۔ابھی تک تو قبول نہیں ہوئی۔۔۔ہر روز میری کی جانے والی کئی دعائیں قبول نہیں بھی ہوتیں۔۔۔" "لیکن آپ کے پاس جو شخص دعا کروانے کے لیے آتا ہے اس کے لیے آپ کی دعا ضرور قبول ہو جاتی ہے۔۔۔" ڈاکٹر صاحب کی مسکراہٹ اور گہری ہو گئی۔۔۔ "آپ کے لیے کی جانے والی دعا قبول ہو گئی ہو گی۔۔۔یہاں بہت سے ایسے ہیں جن کے لیے میری دعا قبول نہیں ہوتی یا نہیں ہوئیں۔" وہ اب کچھ بول نہیں سکا۔۔۔ "آپ میں سے اگر کوئی بتا سکے کہ پیرِ کامل کون ہوتا ہے۔۔۔؟" وہاں موجود لوگ ایک دوسرے کو دیکھنے لگے پھر ایک نے کہا۔۔۔۔ "پیرِ کامل نیک شخص ہوتا ہے۔۔۔عبادت گزار شخص۔۔۔پارسا آدمی۔۔۔" ڈاکٹر سبط علی نے سر ہلایا۔۔۔ "بہت سے لوگ نیک ہوتے ہیں۔۔۔عبادت گزار ہوتے ہیں۔۔۔پارسا ہوتے ہیں۔۔۔آپ کے ارد گرد ایسے بہت سارے لوگ ہوتے ہیں تو کیا وہ سب پیر کامل ہوتے ہیں۔۔۔؟" "نہیں پیر کامل وہ آدمی ہوتا ہے جو دکھاوے کے لیے عبادت نہیں کرتا۔۔۔۔دل سے عبادت کرتا ہے۔۔۔صرف اللہ کے لیے۔۔۔اس کی نیکی اور پارسائی ڈھونگ نہیں ہوتی۔۔۔" ایک اور شخص نے اپنی رائے دی۔۔۔۔ "اپنے حلقہء احباب میں آپ میں سے ہر ایک کسی نہ کسی ایسے شخص کو ضرور جانتا ہو گا جس کی عبادت کے بارے میں اسے یہ شبہ نہیں ہوتا کہ وہ ڈھونگ ہے۔۔۔جس کی نیکی اور پارسائی کا بھی آپ کو یقین ہوتا ہے۔۔۔تو کیا وہ شخص پیر کامل ہے۔۔۔؟" کچھ دیر خاموشی پھر ایک اور شخص نے کہا۔۔۔ "پیر کامل ایک ایسا شخص ہوتا ہے جس کے الفاظ میں تاثیر ہوتی ہے۔۔۔کہ وہ انسان کا دل بدل دیتے ہیں۔۔۔" "تاثیر بھی بہت سے لوگوں کے الفاظ میں ہوتی ہے۔۔۔کچھ کے منہ سے نکلنے والے الفاظ میں۔۔۔ کچھ کے قلم سے نکلنے والے الفاظ میں۔۔۔تاثیر تو اسٹیج پر کھڑے ایک کمپئیر اور اخبار کا کالم لکھنے والے ایک جرنلسٹ کے الفاظ میں بھی ہوتی ہے۔۔۔تو کیا وہ پیر کامل ہوتے ہیں۔۔۔؟" ایک اور شخص بولا۔ "پیر کامل وہ ہوتا ہے جسے الہام اور وجدان ہو۔۔۔ جو مستقبل کو بوجھ سکے۔۔۔" "ہم میں سے بہت سارے لوگ ایسے خواب دیکھتے ہیں جن میں مستقبل میں درپیش آنے والے حالات سے ہمیں آگاہی ہو جاتی ہے۔۔۔کچھ لوگ استخارہ بھی کرتے ہیں اور چیزوں کے بارے میں کسی حد تک جان جاتے ہیں۔۔۔کچھ لوگوں کی چھٹی حِس بہت تیز ہوتی ہے۔۔۔وہ خطروں کو بھانپ جاتے ہیں۔۔۔" "پیر کامل کون ہوتا ہے۔۔۔؟" ڈاکٹر صاحب کچھ دیر خاموش رہے انہوں نے پھر اپنا سوال دُہرایا۔۔۔۔ "پیر کامل کون ہو سکتا ہے۔۔؟" سالار اُلجھن آمیز انداز میں ڈاکٹر سبط علی کے چہرے کو دیکھنے لگا۔۔۔۔ "کیا ڈاکٹر سبط علی کے علاوہ کوئی اور پیرِ کامل ہو سکتا تھا۔۔۔اور اگر وہ نہیں تھے تو پھر کون تھا۔۔۔اور کون ہو سکتا ہے۔۔۔؟" وہاں بیٹھے ہوئے لوگوں کے دل و دماغ میں ایک ہی گونج تھی۔۔۔ڈاکٹر سبط علی ایک ایک کا چہرہ دیکھ رہے تھے۔۔۔پھر ان کے چہرے کی مسکراہٹ آہستہ آہستہ معدوم ہو گئی۔۔۔ "پیرِ کامل میں کاملیت ہوتی ہے۔۔۔کاملیت ان تمام چیزوں کا مجموعہ ہوتی ہے جو آپ کہہ رہے تھے۔۔۔پیرِ کامل وہ شخص ہوتا ہے جو دل سے اللہ کی عبادت کرتا ہے۔۔۔نیک اور پارسا ہوتا ہے۔۔۔۔اس کی ہر دعا قبول ہوتی ہے۔۔۔اس حد تک جس حد تک اللہ چاہے۔۔۔اس کے الفاظ میں تاثیر بھی ہوتی ہے۔۔۔وہ لوگوں کو ہدایت بھی دیتا ہے۔۔۔مگر اسے الہام نہیں ہوتا اسے وجدان ہوتا ہے۔۔۔وحی اُترتی ہے اس پر۔۔۔اور وحی کسی عام انسان پر نہیں اترتی۔۔۔صرف پیغمبر پر اترتی ہے۔۔۔ایک لاکھ چوبیس ہزار پیغمبروں میں سے ہر پیغمبر کامل تھا۔۔۔مگر پیرِ کامل وہ ہے جس پر نبوت کا سلسلہ ختم کر دیا جاتا ہے۔۔۔
ہم زمانۂ جاہلیت سے دور اسلام میں آ کر ایک ہی دفعہ توبہ کرتے ہیں، ساری عمر پھر عمل صالح تو کرتے رہتے ہیں، مگر بار بار کی توبہ بھول جاتے ہیں، ہم ایک کھائی سے بچ کر سمجھتے ہیں کہ زندگی میں پھر کبھی کھائی نہیں آئے گی۔ اور اگر آئی بھی تو ہم بچ نکل جائیں گے۔ ہم ہمیشہ نعمتوں کو اپنی نیکیوں کا انعام سمجھتے ہیں اور مصیبتوں کو گناہوں کی سزا۔ اس دنیا میں جزا بہت کم ملتی ہے اور اس میں بھی امتحان ہوتا ہے۔ نعمت شکر کا امتحان ہوتی ہے اور مصیبت صبر کا۔🥺🌸✨
اپنے اعمال کی خبر کسی نے نہیں رکھی، مگر خُدا سے مُقدر کا گلہ ہر کسی کو ہے۔ 💔
اللہ ایسے نامعلوم ذرائع سے وسیلے بناتا ہے کہ بندہ حیرت سے آسمان کو تکتا ہی رہ جاتا ہے۔ 💯
یہ جنت میں آدم اور حوا نے کیا کیا تھا ۔۔۔۔۔ جو زمین پر اتارا ۔۔۔ اللہ سبحانہ و تعالیٰ نے جنت کے اندر پھل دار گھنے درخت لگا رکھے ہیں ۔۔۔۔ وہ درخت تین کا تھا... تین کا مطلب ہے انجیر کا درخت... کچھ کہتے ہیں وہ تو گندم تھی.... جنت باغ کو کہتے ہیں... باغ میں درخت ہوتے ہیں... فصل اور پودے تو کھیت میں ہوتے ہیں.. پھر گندم کے پتوں سے بدن نہیں ڈھانپے جاتے... اور گندم تو پیس کر، گوندھ کر، آگ جلا کر، پکا کر، سیک کر، توڑ کر کھائی جاتی ہے... اتنی مشقت جنت میں ہوتو زمین اور جنت میں فرق کیا رہ جاتا ہے؟؟؟؟ وہ انجیر تھی جس میں بہت سے بیج ہوتے ہیں... انجیر کے پھل کے اندر بہت سے بیج ہوتے ہیں... جو جیسا پھل کھاتا ہے... ویسا ہو جاتا ہے.... وہ بہت سے ہونے والے تھے... کیونکہ وہ تین ہونے کی کوشش کرتے ہیں... جب وہ تین ہوتے ہیں تو فیملی ٹری family tree کا آغاز ہوتا ہے ۔۔۔۔ اللہ کو پسند نہیں ہے اس کی جنت کے درختو ں کے پتوں کو تؤڑا جائے وہ بھی انجیر کے درخت کے پتے کو توڑا جائے. اللہ کو درختوں سے بہت پیار ہے.... ان کا وہاں سے family tree چل پڑنا تھا اللہ کو تین پسند نہیں ہے ۔۔۔۔ وہ تین کو تین نہیں رہنے دیتا ۔۔۔ وہ اپنے علاوہ ہر ایک کو جفت دیکھنا چاہتا ہے... وہ دونوں دو تھے... مگر جب وہ "وہ" کربیٹھے تو ان کے تین ہونے کا خدشہ تھا...... اس لئے اللہ نے نا فرمانی کی سزا دی. وہ اور صرف وہ ہی وتر ہے ۔۔اللّٰہ سبحان تعالیٰ. اُسے اپنے ایک ہونے کا تکبر ہے... اور تکبر اس کی چادر ہے کوئی اس کی چادر اتارے.... وہ اسے اتار دیتا ہے.... اسی لئے تو اس نے انہیں زمین پر اتار دیا ۔۔۔۔ اور زیتون پاک پھل ہے اس کے بیچ میں ایک ہی بیج ہے ۔۔۔ وہ اکیلا ہی پاک ہے.... ایک ہی پاک ہوتاہے.... دو ناپاک ہوجاتے ہیں...✨🌸💜