عصفورات المتعال🌸
2.8K subscribers
About عصفورات المتعال🌸
ہم یہاں خوبصورت اقتباسات پڑھیں گے،شاعری کو محسوس کریں گے اور مسکراتے لبوں کے ساتھ محبتوں کے گیت گنگنائیں گے،مایوس دلوں میں امید کا دیا جلائیں گے اور زندگی کی خوبصورتی کو چمکتی آنکھوں سے دیکھیں گے۔🌸 دارالمتعال میں خوش آمدید!
Similar Channels
JND TECH
News18 Urdu اردو
Bears Testimoni 💌
Relatips.in
FAIZAN E QAZI
Wowtrip.Туры из Польши
اردو ادب ،کوکنگ، ٹوٹکے،ٹپس 🍲Cooking
Poetry By Umm E Hala 📚🦋🗝️
Skynut
Despierta Chile
BaooNews Official
Antiguos Alumnos Don Bosco - Zona Sur
AM NEWS HINDUSTAN 🇮🇳 ऐ एम न्यूज हिंदुस्तान 🪀 اے ایم نیوز ہندوستان 🇮🇳
Roberto Carlos Serrano
✍️🌺محفل ذوق و شوق💖🍧🥘اردو چینل Cooking, Funny, Islamic Novels, Status
Swipe to see more
Posts
"رمضان ہمیشہ صحیح وقت پر آتا ہے، بالکل ٹھیک اپنے مقررہ وقت پر۔ وہ اس وقت آتا ہے جب زندگی ہمیں مکمل طور پر تھکا چکی ہوتی ہے، جب ہمارے خواب ہمیں نڈھال کر چکے ہوتے ہیں۔۔! جب ہم دوڑتے دوڑتے اور روتے روتے اپنی حدوں کو پہنچ چکے ہوتے ہیں۔ وہ اس وقت آتا ہے جب ہم اپنی روح کی اندرونی تھکن کے باعث گھسٹ کر چل رہے ہوتے ہیں، جب دن ہمارے وجود کو اتنا نچوڑ چکے ہوتے ہیں کہ ہم بالکل مٹ چکے ہوتے ہیں۔ یہ یقین کا سفر ہے کہ اللہ اپنے بندوں کو کبھی ضائع نہیں کرتا۔ پورے سال کا سب سے بڑا زادِ راہ، اور اللہ ہی کافی ہے۔۔۔! (أدھم شرقاوی)
رمضان کے لیے بہترین تحریر نیر تاباں کی وال سے۔۔۔ رمضان کی سپیشل عبادات والی پوسٹس پڑھ کر اگر آپ کو موٹیویشن کے بجائے گلٹ محسوس ہو رہا ہے، اگر آپ کو لگ رہا ہے کہ معاشی اور معاشرتی تقاضے بھی نبھانے ہیں اور سال بھر کی کوتاہیوں کے بعد اللہ کو راضی کرنے کا وقت بھی ہاتھ سے گنوانے نہیں دینا، آپ رمضان کے منتظر بھی ہیں اور دل میں شرمسار بھی کہ ہم صبح سے رات تک کی اتنی عبادات نہ کر پائیں گے۔ تو یہ تحریر آپ کے لئے ہے۔ یہ تحریر میرے لئے ہے! سب سے پہلے تو اپنے چوبیس گھنٹوں کو تقسیم کیجیے کہ کتنا وقت جاب/پڑھائی، نیند، کھانے پینے، سیلف گرومنگ میں لگتا ہے۔ اب دیکھیں کہ باقی کتنے گھنٹے بچے۔ ان دو تین گھنٹوں کو بہترین بنانا ہے۔ جن چیزوں میں وقت ضائع کرتے ہیں ان پر بھی نظرِ ثانی کیجیے تا کہ جو چند گھنٹے ہیں انہیں پروڈکٹو بنانے میں یہ time thieves آڑے نہ آئیں جیسے حد سے بڑھا ہوا سوشل میڈیا کا استعمال، دوستوں کے ساتھ لمبی لایعنی گفتگو، بہت زیادہ سونا یا بغیر وجہ جاگتے رہنا، افطار ڈنر کے نام پر سارا دن اور ساری ہمت کچن میں لگا دینا۔ رمضان بس شروع ہوا ہی چاہتا ہے۔ تمام صفائیاں ستھرائیاں مکمل کر لیں۔ پیاز ٹماٹر وغیرہ کا مصالحہ، کوئی کباب رول سموسے بنانے ہیں تو جلد سے جلد کریں۔ کباب رول وغیرہ جیسے کاموں میں بچہ قوم کو ساتھ لگائیں۔افطار جتنا سادہ اور صحت بخش رکھیں، اتنا ہی بہتر ہے۔ رمضان کی گروسری اور عید کی بھی شاپنگ کر کے سب کام ختم کر لیجیے۔ عید کے کپڑے استری کر کے ہینگ کر لیں۔ یہ کام پہلے سے ہوئے رکھے ہوں تو رمضان میں فوکس رمضان کی طرف رہے گا۔ ۱۔ کچھ رئیلسٹک گولز بنائیے۔ وہ جو شروع میں آپ نے دیکھا کہ بالفرض آپ کے پاس دو گھنٹے ہیں، اس میں کیا کرنا ہے، کس کام کو کتنا وقت دینا ہے، یہ لکھ لیجیے۔ کتنا قرآن، کیا ہر نماز کے بعد کچھ حصہ یا پھر ایک ساتھ؟ کن اوقات میں؟ اسلامک لیکچر کس کا سننا ہے؟ کتنی دیر؟ کس وقت؟ لیکچر اور تسبیحات گھر کے کاموں کے دوران ہو سکتی ہیں اس لئے وہ وقت استعمال کر لیجیے۔ گولز اچیو ایبل ہوں، بیشک تھوڑے ہوں لیکن مستقل۔ جو پہلے دن کیا ہے اس کو آخری دن تک لے کر ہی جانا ہے ان شا اللہ۔ ۔ رمضان قرآن کا مہینہ ہے اس لئے تلاوت، تفسیر، تدبر جتنا بھی ہے اس کو ترجیح پر رکھیے۔ ۔ دعا بہت زیادہ کریں۔ وقت کی برکت کی، جو بھی اعمال ہوں انکے اخلاص اور قبولیت کی۔ دعا لسٹ ابھی ہی اپڈیٹ کر لیں۔ ۔ صدقات زیادہ دے سکیں تو اچھا ہے۔ ساتھ یہ دعا کہ بدنی عبادات میں جہاں کمی ہو رہی ہے، اسے اللہ مالی عبادات سے پورا کر دیں۔ ۲۔ یاد رکھئے کہ عبادت نماز قرآن کے علاوہ بھی ہے۔ ایک تو نیت! بار بار اپنی نیت کو خالص کرتے رہیے۔ ۔ جب جب صفائی سے الجھن ہونے لگے، کوکنگ سے دل گھبرائے، بچوں یا بزرگوں پر چڑچڑاہٹ محسوس ہو، اپنی نیت کو بدل کر دنیا کے انہی کاموں کو بس اللہ کی رضا کی خاطر بہتر نیت کے ساتھ کریں۔ ۔ غصے پر قابو اور صبر والا رویہ رکھنا، خود کو شکر پر مائل کرنا، عفو و درگزر اپنانا، لڑائی اور بحث سے بچنا، غیبت نہ کرنا، یہ سب عبادت ہے۔ ۔ سوشل میڈیا پر یا فیملی یا دوست احباب سے مقابلے کی دوڑ میں نہ پڑیں۔ آپ کا مقابلہ بس آپ سے ہی ہے۔ اپنا بیسٹ دیجیے، وقت ضائع نہ کریں، اپنا بہترین ورژن بنیں، بس یہی مطلوب ہے۔ ۳۔ چھوٹے بچوں کی مائیں بچوں سے چڑیں نہیں کہ ہماری عبادات متاثر ہو رہی ہیں، بلکہ بچوں کی تربیت بھی عبادت سمجھ کر ہی کریں۔ انہیں انبیا کی کہانیاں سنانا، اللہ کے نام کلر کرنے کو دینا، رنگین صفحے کاٹ کر مسجد بنانا اور ڈھیروں ڈھیر کاموں میں انوالو کریں۔ افطار کے وقت انہیں شامل کریں۔ کوئی شربت بنائے تو کوئی کھجور کی گھٹلی نکالے، اور کوئی برتن لگائے۔ یہ ان کی میموریز ہیں۔ مل کر عبادات کیجیے۔ آپ قرآن پڑھیں تو ساتھ انہیں بھی قاعدہ تھما دیں۔ نماز کے وقت انہیں ساتھ کھڑا کر لیں۔ لیکچر کے وقت پاس بٹھا لیں۔ کرنے کے کام: نیت خالص ہو تا کہ دیناوی کام بھی عبادت بن جائے۔ گولز تھوڑے ہوں لیکن مستقل عمل۔ روزہ کسی پر احسان نہیں اس لئے موڈ خوشگوار رکھنے کی کوشش ہو۔ بچوں کو دور دور کرنے کے بجائے پاس پاس رکھیں۔ اور اپنا مقابلہ بس خود سے کریں۔ بچنے کے کام ۔ زبان اور ہاتھ کے شر سے گھر والوں کو اور دنیا والوں کو (رئیل اور ورچوئل) محفوظ رکھا جائے۔ ۔ گھر کے کاموں کو محدود رکھا جائے۔ ۔ غیر ضروری کاموں میں وقت ضائع نہ کیا جائے۔ ۔ افطار ڈنرز پر اپنا وقت اور انرجی نہ کھپائی جائے۔ اللھم بلغنا رمضان نیر تاباں
کثرت سے لا الٰہ الا اللّٰہ پڑھا کرو۔ یہ ذِکر زبان ہی سے ادا ہو جاتا ہے، ہونٹ نہیں ہلانا پڑتے اور ساتھ بیٹھے آدمی کو بھی پتا نہیں چلتا! ابن حزم رحمہ اللہ (التلخیص لوجوہ التلخیص: ١٠٠/١)
🧶🧶🧶 🎀🎀🎀 يسقط الجمال عند قباحة العقل خوبصورتی تب گرتی ہے جب عقل بدصورت ہو۔
*ہمارے پروردگار تو ہم سے قبول فرما ، تو سننے اور جاننے والا ہے 🤲🌺*
*صحيح مسلم # ٣٦٤٥* *Sahih Muslim # 3645* عَنْ أَبِي هُرَيْرَةَ، قَالَ: *قَالَ رَسُولُ اللهِ صَلَّى اللهُ عَلَيْهِ وَسَلَّمَ: «لَا يَفْرَكْ مُؤْمِنٌ مُؤْمِنَةً، إِنْ كَرِهَ مِنْهَا خُلُقًا رَضِيَ مِنْهَا آخَرَ» أَوْ قَالَ: «غَيْرَهُ»* Ab Hurairaؓ reported that *Allah's Messenger (ﷺ) said: "A believing man should not hate a believing woman (i.e. his wife); if he dislikes one of her characteristics, he will be pleased with another one of her."* حضرت ابوہریرہ رضی اللہ عنہ سے روایت ہے کہ *اللہ کے رسول صلی اللہ علیہ وآلہ وسلم نے فرمایا: "کوئی مؤمن مرد کسی مؤمن عورت (بیوی) سے بغض نہ رکھے؛ اگر اسے اس کی کوئی عادت ناپسند ہے تو کوئی دوسری عادت پسند ہو گی۔" (یا یہ فرمایا) اس کے سوا کوئی دوسری عادت پسند ہو گی۔* _*( اگر شوہر کو اپنی بیوی کے دینی فرائض پر عمل کے حوالے سے کوئی شکایت نہیں ہے تو دنیاوی معاملات میں درگزر سے کام لینا چاہئے۔ ابن کثیر نے یہ حدیث مبارکہ سورة النساء آیت 19 کی تفسیر میں بیان کی ہے، جس میں فرمان الٰہی ہے: "ان کے ساتھ بھلے طریقے سے زندگی بسر کرو۔ اگر وہ تمہیں ناپسند ہوں تو ہوسکتا ہے کہ ایک چیز تمہیں پسند نہ ہو مگر اللہ نے اُسی میں بہت کچھ بَھلائی رکھ دی ہو"۔ اللہ سبحانہ وتعالی ہمیں رشتوں کو دین کے مطابق نبھانے کی توفیق عطا فرمائے۔ آمین)*_
کچھ وقت پہلے ڈیپریشن سے نبرد آزما ایک لڑکی میرے انباکس میں آئی اور کہنے لگی کہ ڈاکٹر نے اسے پہننا اوڑھنا بہتر کرنے کا مشورہ دیا ہے کہ اس سے موڈ پر خوش گوار اثر پڑتا ہے۔ روز مرہ کی تیاری چاہے کالج یونیورسٹی کے لئے ہو، یا جاب پر نکلنا ہو، انسان ایسا لگے کہ اس کی شخصیت ایک خوش گوار تاثر چھوڑے۔ اور دوسروں سے پہلے خود اپنے کانفیڈنس کی خاطر تیار ہونا چاہیے۔ آپ کا ڈھنگ سے تیار ہونا خود آپ کو دلی طور پر، ذہنی طور پر اچھا محسوس کروائے گا اور آپ کی کارکردگی بہتر ہو گی۔ سادہ رہنے کا یہ مطلب نہیں کہ خشک ہونٹ، پھٹی ایڑیاں اور ملگجے کپڑے پہنے ملنگ بن کے پھرنا ہے، نہ ہی تیار ہونے کا مطلب ہے کہ فل میک اپ کے ساتھ بھاری زیور پہن لینا ہے۔ان دو انتہاؤں کے بیچ کا راستہ، جس میں سادگی بھی ہے اور وقار بھی۔ آپ کی جلد صاف ستھری ہونی چاہیے۔ چہرے کے لئے ہفتہ وار ڈیپ کلینزنگ کی روٹین اپنائیے۔ چہرے پر سے فالتو بال صاف کریں۔ ہاتھ صاف رکھا کریں۔ ناخن تراشیں۔ کیوٹیکلز صاف کریں۔ ہاتھوں پر بھی اگر بال ہیں تو صاف کریں۔ مائسچرائزر ساتھ رکھا کریں اور دن میں کئی بار ہاتھوں کو مائسچرائز کر لیا کریں۔ پاؤں کے ساتھ بھی سب کچھ ہاتھوں والا اور ایڑیوں کی صفائی اور مائسچرائز رکھنا۔ دانت صاف ستھرے ہوں۔ جاب کے دوران میں نے محسوس کیا کہ کچھ لوگ منہ کی صفائی کا بالکل خیال نہیں رکھتے اور آس پاس سب کے لئے اذیت کا باعث بنتے ہیں۔ ایک لڑکی نے ہگ کیا تو ایک گال سے دوسرے گال پر پیار کے بیچ مجھ سے "کیا حال ہے؟" پوچھنے پر اس قدر بدبو محسوس ہوئی کہ آئندہ کے لئے میں سانس بند کر کے اس سے گلے ملتی تھی۔ تیس پینتیس سال کے ہو کے اگر اتنی بنیادی باتیں نہ پتہ ہوں تو حد ہی ہے! ڈریس اپ ہوتے ہم خواتین کے ایک جوڑے میں یہ چار پانچ چیزیں شامل ہوتی ہیں: شلوار، قمیض، سکارف، دوپٹہ، کوٹ/سویٹر۔ رنگوں کا خیال رکھا کریں اور آپس میں well-coordinated کپڑے پہنا کریں۔ کپڑے سادہ ہوں لیکن صاف ستھرے اور استری شدہ ہوں۔باہر کے اور گھر کے کپڑے/ سویٹر/ سکارف بالکل الگ رکھیں تا کہ کوکنگ وغیرہ کی سمیل آپ کے کپڑوں میں نہ بسی ہو۔ صبح نہا دھو کر، پھٹکڑی یا ڈیوڈرنٹ لگا کر کپڑے پہننے کی عادت ڈالیں۔ ہلکا سا بھی پسینہ محسوس ہو تو دوبارہ وہ کپڑے دھوئے بغیر نہ پہنیں۔ پرانا پسینہ سمیل بناتا ہے۔ عبایا ، گاؤن، لانگ سویٹر بھی بیشک ڈائریکٹ جلد پر نہیں لگتے لیکن انہیں بھی اکثر ہی دھو لیا کیجیے۔ کپڑے اپنے ناپ کے پہنا کریں۔ بہت ٹائٹ بھی نہیں کہ کمر کے سارے 'donuts' نظر آتے ہوں، نہ اتنے کھلے کہ بے تکے لگیں۔ اپنا سائز ہو۔ انڈر گارمنٹس کے بھی رنگ اور سائز کا خیال رکھیں۔ کاٹن انڈر وئیر سال کے بارہ مہینے پہننے کی عادت ڈالیں۔ ایکسیسریز کے نام پر کانوں میں کچھ چھوٹا سا پہنا جا سکتا ہے۔ گھڑی/بریسلٹ اور نازک سی انگوٹھی۔ سکارف بہت جھلمل جھلمل نہ ہو، نہ ہی اس پر بڑے بڑے نگوں والی پنز لگایا کریں۔سکارف ہو یا دوپٹہ، سلیقے سے ٹکا لیا جائے تو ریفائنڈ لک آتی ہے۔ لپ سٹکس کے ایسے شیڈز مارکیٹ میں آسانی سے دستیاب ہیں جو ہونٹوں کی ہی رنگت سے ملتے جلتے ہوتے ہیں۔ آپ اپنی سکن ٹون کے حساب سے نیوڈ پنک، پیچ، یا براؤن شیڈ کا انتخاب کر سکتی ہیں۔ کریم لپ سٹکس بہترین ہوتی ہیں۔ یہ لانگ لاسٹنگ ہوتی ہیں اور ہونٹوں کو ملائم رکھتی ہیں۔ لپ گلوس بھی ٹھیک ہے، لیکن وہ لانگ لاسٹنگ نہیں ہوتا۔ خوشبو کان کے پیچھے یا کلائی/کہنی کے اندر طرف لگا لیا کریں۔ آئل پرفیوم یا رولر عطر اس کام کے لئے بہت اچھے رہتے ہیں۔ اپنی پسند کی خوشبو کا نام دیں تو عطر بنانے والے ملتی جلتی سی خوشبو بہت کم قیمت میں تیار کر دیتے ہیں۔ جوتا ہمیشہ کمفرٹیبل اور بہترین کوالٹی کا ہونا چاہئے۔ آج کل سنیکرز ان ہیں اور عبایا، سکرٹ، بیگی ٹراؤزرز سب کے ساتھ ہی کوول لگتے ہیں۔ تو اس فیشن کا فائدہ اٹھائیں۔ سادہ رہنا پسند کرتی ہیں تو بیشک سادہ رہیں۔ لیکن اس سادگی میں بھی پروقار لگتی رہیے ❤️ نیر تاباں
زندگی کے حسین رنگ زندگی بہت خوبصورت نظر آئیگی اگر آپ اس کو مثبت پہلوؤں سے سوچنا شروع کردیں کھوئی ہوئی چیزوں سے زیادہ پائی گئ نعمتوں کا شکر کیجیے برے رویوں کو فراموش کرکے خوشی سے سرشار لمحوں کو محسوس کرنا سیکھیے ،مشکلات کی بجاۓ ان کے اندر سے پیدا ہونے والی آسانیوں سے سرور حاصل کریں چھوٹی چھوٹی باتوں پر غمگین رہنا چھوڑدیں ----- غم انسان کی زندگی کو دهیمک کی طرح چاٹ کر ختم کردیتا لہذا خود بھی خوش رہیے اور اپنے ماحول کو بھی خوشگوار بنائیے...... #مخفیات
ایک خاتون نے گوشت کی دکان پر پورے دو گھنٹے بحث کرنے کے بعد دکاندار سے پوچھا"" آپ کے پاس تازہ مغز ہے؟"😅 دوکاندار: پہلے تھا اب نہیں ہے