Muhammad Ali Madani
5.3K subscribers
About Muhammad Ali Madani
اس چینل پر روز مرہ پیش آنے والے شرعی و فقہی مسائل اور معلوماتی پیغامات ارسال کئے جاتے ہیں. فروغِ علم دین کی نیت سے چینل کا لنک شئیر کیجیے.
Similar Channels
Pai Things💭
Pti Official Punjab Channel
ROplant.pk Water Shop Business
MrRaMiiS
Syed Sarfraz Ahmad Shah (Official)
•┈•┈•⊰✿ صراط مستقیم ✿⊱•┈•┈• •┈•┈•⊰✿ Diect Path ✿⊱•┈•┈•
Kashaf Islamic Official Institute
Fiamor
Sahibzada Sultan Muhammad Ali
🔍قادیانی اور قادیانیت🔎
🌴Marifat ul Quran🌴
دعوت و تبلیغ
91 Club Official
مسائل شرعیہ چینل
Achi baat
Swipe to see more
Posts
🌹 *جمعہ مبارک* 🌹 *تاجدارِ حرم اے شہنشاہِ دیں ﷺ* *تم پہ ہر دم کروڑوں درود و سلام*
🌹 *عاشقوں کی عبادت* 🌹 *حج* ایک منفرد عبادت ہے ، اس میں بہت سی حکمتیں ہیں اسے ” *عاشقوں کی عبادت* “ بھی کہا جاسکتا ہے کہ حج کا لباس یعنی احرام او ردیگر معمولات جیسے طوافِ کعبہ ، منٰی کا قیام اور عرفات و مزدلفہ میں ٹھہرنا سب عشق و محبت کے انداز ہیں جیسے عاشق اپنے محبوب کی محبت میں ڈوب کر اپنے لباس، رہن سہن سے بے پرواہ ہوجاتا ہے اور بعض اوقات ویرانوں میں نکل جاتا ہے ایسے ہی خدا کے عاشق ایام ِ حج میں اپنے معمول کےلباس اور رہن سہن چھوڑ کر محبت ِ الٰہی میں گُم ہو کر عاشقانہ وضع اختیار کرلیتے ہیں ، طواف کی صورت میں محبوبِ حقیقی کے گھر کے چکر لگاتے ہیں اور مِنٰی و عرفات کے ویرانوں میں نکل جاتے ہیں، نیز حج بارگاہِ خداوندی میں پیشی کے تصور کو بھی اُجاگر کرتا ہے کہ جیسے امیر و غریب، چھوٹا بڑا، شاہ و گدا سب بروزِ قیامت اپنی دنیوی پہچانوں کو چھوڑ کرعاجز انہ بارگاہِ الٰہی میں پیش ہوں گے ایسے ہی حج کے دن سب اپنے دنیوی تعارف اور شان و شوکت کو چھوڑ کر عاجزانہ حال میں میدانِ عرفات میں بارگاہِ خداوندی میں حاضر ہوجاتے ہیں۔یہاں وہ منظر اپنے عروج پر ہوتا ہے کہ *بندہ و صاحب و محتاج و غنی ایک ہوئے* *تیری سرکار میں پہنچے تو سبھی ایک ہوئے* سفر ِ حج سفرِ آخرت کی یاد بھی دلاتا ہے کہ جیسے آدمی موت کے بعد اپنے دنیوی ٹھاٹھ باٹھ چھوڑ کر صرف کفن پہنے آخرت کے سفر پر روانہ ہوجاتا ہے ایسےہی حاجی اپنے رنگ برنگے، عمدہ اور مہنگے لباس اتار کر کفن سے ملتا جلتا دوسادہ سی چادروں پر مشتمل لباس پہن کربارگاہِ خداوندی میں حاضری کے سفر پر روانہ ہوجاتا ہے۔
*کس کا منہ تکیے، کہاں جائیے، کس سے کہیے!* *تیرے ہی قدموں پہ مٹ جائے یہ پالا تیرا*🙏
*حدود حرم کی تعیین* (دلچسپ معلومات) *کعبۃ اللہ کے چاروں طرف ایک وسیع علاقے کو دین اسلام نے حرم قرار دیا ہے.* حرم کی اس حدود (باؤنڈری) میں شکار کرنا، جنگ وقتال کی اجازت نہیں۔ انسان وجانور سب کواس خطے میں امن حاصل ہے۔ یہاں اس پورے خطے میں *ایک نیکی کا ثواب ایک لاکھ نیکیوں کے برابر* ھے۔ *اس خطے کو حرمت حاصل ہونے کا سبب کیا ہے؟* اس بارے میں مختلف اقوال ہیں: *ایک قول یہ ھے کہ* حضرت سیدنا آدم علیہ الصلوۃ والسلام کو جب زمین پر خلیفہ بنا سر زمین ہند میں اتار گیا، تو آپ علیہ السلام کو مکہ کی جناب سفر کرنے کا حکم ھوا. جب آپ ارضِ مکہ پہنچے تو اللہ عزوجل نے جنت سے آپ کی رہائش کے لئے ایک خیمہ اتارا، جو عین کعبہ کی جگہ نصب کیا گیا۔ اس کے ساتھ ہی اللہ تعالیٰ نے فرشتے بھیجے جنہوں نے چاروں طرف سے مکہ مکرمہ کو حفاظت کے طور پر گھیر لیا۔ تاکہ جنات و شیاطین جو اس وقت روئے زمین پر بسیرا کئے ھوئے تھے،ان سے حفاظت ھو. تو جن حدود تک فرشتوں نے مکہ مکرمہ کا احاطہ کیا، وہاں تک کے حصے کو اللہ تعالیٰ نے حرم بنا دیا. *ایک قول یہ ہے کہ* تعمیر کعبہ کے وقت حجر اسود کو کعبہ کے قریب رکھا، تو حجر اسود سے چاروں طرف روشنی پھیلی ، جہاں تک حجر اسود کی روشنی پھیلی، اللہ تعالیٰ نے وہاں تک حرم قرار دیدیا. اے اللہ! ہمیں بھی حرم کی حاضری بار بار نصیب فرما. آمین
☘ *بدھ کے دن قبولیتِ دعا* ☘ *فرمان حضرت سیدنا جابر رضی اللہ تعالی عنہ:* میں بدھ کے دن (ظہر سے عصر کے درمیان) دعا کرتا ہوں، میری دعا قبول ہو جاتی ہے. *(مسند امام احمد بن حنبل، حدیث 14563)*
*کعبۃ اللہ کا طواف کب اور کیسے شروع ہوا؟* *حضرت سیدنا امام زین العابدین رضی اللہ عنہ* فرماتے ہیں: کعبہ شریف کا طواف یُوں شُروع ہوا کہ جب اللہ پاک نے فرشتوں کو بتایا کہ میں زمین میں اپنا خلیفہ ( یعنی حضرت آدم علیہ السَّلام ) کو بنانے والا ہوں ، اس وقت فرشتوں نے یُوں ظاہِر کیا کہ ہم خلافت کے زیادہ حق دار ہیں ، اس پر اللہ پاک نے ارشاد فرمایا: *قَالَ اِنِّیْۤ اَعْلَمُ مَا لَا تَعْلَمُوْنَ* ( پارہ:1، سورۂ بقرہ:30) ترجمہ کنزُ العِرفان: فرمایا: بیشک میں وہ جانتا ہوں جو تم نہیں جانتے۔ *اللہ پاک* کا یہ اِرْشاد سُن کر فرشتوں کو لگا کہ شاید ہماری اِس بات سے اللہ پاک ہم سے ناراض ہے ، چنانچہ اب فرشتوں نے عرشِ الٰہی کی پناہ لی ، اپنے چہرے اُوپر اُٹھائے ، عاجزی کی ، روئے اور 7 سال تک عرشِ الٰہی کا طواف کرتے رہے ، آخر اللہ پاک نے ان کی طرف نظرِ رحمت فرمائی اور عرش کے نیچے اِن کے لئے 4ستونوں والا ، زَبَرجَد کا ایک گھر بنایا اور فرشتوں سے فرمایا : اس گھر کا طواف کرو ، چنانچہ فرشتے اس گھر کا طواف کرنے لگے ، اسی کو *بَیْتُ الْمَعْمُوْر* کہا جاتا ہے۔ پھر اللہ پاک نے کچھ فرشتوں کو زمین پر بھیجا اور حکم دیا کہ زمین پر بھی بَیْتُ الْمَعْمُوْر جیسا اور اسی سائِز کا ایک گھر بناؤ۔ پھر جب یہ گھر تعمیر ہو گیا تو اللہ پاک نے زمین کی مخلوق کو حکم فرمایا : جیسے آسمان والے بَیْتُ الْمَعْمُوْر کا طواف کرتے ہیں ، تم اس گھر کا طواف کرو۔ *(اخبار مکہ للازرقی،ج1، صفحہ27 تا 29)* *ایک رِوَایت کے مطَابِق* حضرت آدم علیہ السَّلام کی پیدائش سے 2 ہزار سال پہلے ، بَیْتُ الْمَعْمُوْر کی بالکل سیدھ میں فرشتوں نے کعبہ شریف کی عِمَارت بنائی ، یہ پیمائش میں بَیْتُ الْمَعْمُوْر کے برابر تھا ، اس وَقْت کعبہ شریف کا طواف تو صِرْف زمینی فرشتے کرتے تھے مگر اس کا حج زمین و آسمان کے سارے فرشتے کیا کرتے تھے۔ *(تفسیرِ خازن، جلد 1، صفحہ271)*
*ولیِ کامل حضرتِ سیِّدُنا حُسین بن منصور حَلّاج رحمۃ اللہ تعالٰی علیہ* کی ولادت قصبہ طور ِبیضاء (صوبہ فارس) ایران میں ہوئی۔ آپ عالمِ دین، صاحبِ دیوان اور اکابرِ اہلِ حال اولیائے کرام سے ہیں۔ ذوالقعدہ 309ھ کو بغداد (عراق) میں جامِ شہات نوش فرمایا۔ *(مرآۃ الاسرار، ص377)* اعلیٰحضرت، امام اہلسنت، مجدددین وملت الشاہ امام احمد رضا خان علیہ رحمۃ الرحمن فتاوی رضویہ شریف میں تحریر فرماتے ہيں:''حضرت سیدی حسین بن منصور حلاّج قدس سرہ، جن کو عوام ''منصور''کہتے ہیں، منصور اِن کے والد کانام تھا، اوران کااسم گرامی حسین۔(آپ )اکابر اہلِ حال سے تھے، ان کی ایک بہن ان سے بدَرَجَہا مرتبۂ ولایت ومعرِفت میں زائدتھیں۔ وہ آخرشب کوجنگل تشریف لے جاتیں اوریادِالٰہی( عَزَّوَجَلَّ)میں مصروف ہوتیں۔ ایک دن ان کی آنکھ کھلی، بہن کونہ پایا، گھرمیں ہر جگہ تلاش کیا، پتانہ چلا، اُن کووسوسہ گزرا، دوسری شب میں قصداً سوتے میں جان ڈال کرجاگتے رہے۔ وہ اپنے وقت پراُٹھ کرچلیں، یہ آہستہ آہستہ پیچھے ہولئے، دیکھتے رہے۔ آسمان سے سونے کی زنجیر میں یاقوت کاجام اُترا اوران کے دہن مبارک(یعنی مُنہ شریف)کے برابرآ لگا، انہوں نے پینا شروع کیا، اِن سے صبرنہ ہو سکا کہ یہ جنت کی نعمت نہ ملے ۔بے اختیارکہہ اُٹھے کہ بہن! تمہیں اﷲ ( عَزَّوَجَلَّ)کی قسم کہ تھوڑا میرے لئے چھوڑدو، انہوں نے ایک جُرعَہ (یعنی ایک گھونٹ) چھوڑ دیا، انہوں نے پیا، اس کے پیتے ہی ہرجڑی بوٹی، ہردرودیوارسے ان کو یہ آواز آنے لگی کہ کون اس کازیادہ مستحق ہے کہ ہماری راہ میں قتل کیاجائے۔ انہوں نے کہنا شروع کیا، ''اَنَا لَاَحَقُّ'' بیشک میں سب سے زیادہ اس کا سزاوار(یعنی حق دار)ہوں۔'' لوگوں کے سننے میں آیا، ''اَنَا الْحَقُّ''(یعنی میں حق ہوں) وہ (لوگ)دعوۂ خدائی سمجھے، اور یہ(یعنی خدائی کادعوی) کفرہے۔ اور مسلمان ہوکر جوکفرکرے مرتدہے اورمرتد کی سزاقتل ہے۔ *(فتاوی رضویہ ،ج۲۶، ص۴00)*
اب بلا لیجیے نا مدینہ... آرہا ھے یہ حج کا مہینا
*غلافِ کعبہ سے ٹکڑا نکالنا کیسا ؟*
