الفلاح اسلامک چینل(1)

*`بسْــــــــــــــمِ ﷲِ الرَّحْمَنِ الرَّحِيم`* *السلام علیکم ورحمتہ اللہ وبرکاتہ۔* *`جَــزَی الـلّٰـهُ عَــنَّـا مُـحَــمَّــداً مَّــاھُــوَ اَھٌــلُــہٗ`* "‏نفسی نفسی" کی صداؤں میں "یا رب أمتی امتی" کہنے والے ہمارے نبی خاتم النبین حضرت محمد صلی اللّٰہ علیہ وآلہ وسلم پر کروڑں درودوسلام جن کے زریعہ دین الہی پوری امت مسلمہ تک زریعہ خیر و برکت و نجات پہنچا۔ یااللہ ! ہر لمحہ ہمارے علم ، عمل ، رزق ، صحت اور ایمان میں برکتیں نازل فرما۔ آمین۔ *قیمتی ترین دن آگئے ہیں، جو ایام معلومات بھی ہیں اور ایام معدودات بھی* *سال بھر کے دس عظیم ترین دن.... ان کا ایک ایک منٹ ہم نے ضائع نہیں ہونے دینا ان شاء اللہ..* *کرنے کے کام* *1: روزے* *2: صدقات* 3: *تہلیل* 4: *زیادہ سے زیادہ دعائیں چلتے پھرتے اور خاص کرکےسجدوں میں دعا* *صبح سے رات تک کی روٹین کچھ اسطرح سے ترتیب دی جاسکتی ہے* 💫 *رات کو نیت کرکے سونا ھے مضبوط نیت عمل کرواۓ گی طاقت دینے والی اللہ کی ذات ھے* 💫 *اپنے دن کا آغاز تہجد سے کرنا ھے* 💫 *پورے 9 دن روزہ رکھنا ورنہ کم از کم عرفے کے دن کا روزہ لازما رکھنا* 💫 *فجر کے بعد تلاوت* 💫 *تمام نمازیں اول وقت میں ادا کرنی ہیں* 💫 *اشراق کے نفل پڑھنا* 💫 *دن کا آغاز صدقے سے کرنا ھے جتنی وسعت ہو روزانہ صدقہ کرنا ھے* 💫 *صلہ رحمی کرنا، جو ناراض ہیں انکو منالیں، جن سے ملنے جاسکتے ہیں جاکر ملیں، جو رشتے دار دور ہیں انکو میسج یا فون کے زریعہ رابطہ کیجیے* 💫 *گھریلو کاموں میں زبان مسلسل اللہ کے ذکر میں تر رہے اللہ کی بڑائی زیادہ سے زیادہ بیان کرتے رہیں* 💫 *کم از کم 100 دفعہ تکبیرات پڑھنا* 💫 *تکبیرات* *اللَّهُ أَكْبَرُ ، اللَّهُ أَكْبَرُ ، اللَّهُ أَكْبَرُ ،* *لاَ إِلَهَ إِلاَّ اللَّهُ،* *اللَّهُ أَكْبَرُ، اللَّهُ أَكْبَرُ،* *وللَّهِ الحمد* *اللہُ اَکبَرْ اللہُ اَکبَرْ اللہُ اکبَرْ، لاَ اِلٰهَ اِلا اللہُ وَلِلّٰہِ الحَمْد* *اللہُ اکبَرْ کَبِیرًا وَالحَمْدُ لِلّٰہِ کَثِیرًا وَسُبْحَانَ اللہِ بُکرًۃً وَ اصِیلاً* 💫 *کم از کم 100 دفعہ تسبیح بیان کرنا* 💫 *سبحان اللہ والحمدللہ لا الہ الا اللہ واللہ اکبر* 💫 *ان دس دنوں میں روزانہ مساکین کو روزانہ کچھ نہ کچھ ضرور دینا ھے کوئی سبزی یا کوئی بھی سالن جو میسر ہو ساتھ روٹیاں بھی دیجیے کیونکہ کھانا کھلانا بہترین عمل ھے جتنی وسعت ھے اتنے گھروں کو کھانا پکا کر دینا ھے* 💫 *ظہر پڑھ کر قیلولہ کرلیں* 💫 *اول وقت میں تمام نمازیں ادا کرنی ہیں* 💫 *تہجد اور دیگر نوافل پڑھنے ہیں* 💫 *روزانہ کچھ نہ کچھ قرآن کے حصے کی تفسیر سننی ھے اور اپنا عمل بدلنا ھے اور چلتے پھرتے ڈھیروں دعائیں مانگنی ہیں* 💫 *ان دنوں میں کیا جانے والے اعمال پورے سال میں کیے جانے والے عمل سے بہترین ہیں، لہذا چھوٹی بڑی ہر نیکی کرنے کی کوشش کرنا* 💫 *صدقہ خواہ مسکراہٹ سے ہو یا کسی کی مدد سے ھو* 💫 *اپنی اخلاقی تربیت کرنی ھے* 💫 *آواز میں نرمی لانی ھے* 💫 *حسد سے بچنا ھے* 💫 *غیبت سے بچنے کی کوشش کرنی ھے* 💫 *گھر میں دین کی باتیں کرنا اور خصوصا بچوں کو دین کی باتیں سکھانا* 💫 *دوسروں کو پانی پلانا ھے* 💫 گرمی شدید ہے پرندوں کے لیے پانی کا انتظام کردیں 💫 *زکاۃ باقی رہ گئ ہے تو وہ ادا کردیں* 💫 *قرآن کی زیادہ سے زیادہ تلاوۃ* اللہ کو راضی کرلیں کمر کس لیں دعاٸیں قبول کروالیں مُجھے بھی اپنی دعاؤں میں یاد رکھیں 🪷 *`https://whatsapp.com/channel/0029VaB6oVjAzNbyq3E8150n`*

#بھارت مقام: پانی پت، ہریانہ تاریخ: 24 مئی پانی پت میں اسجد نامی ایک مسلمان شخص کو قتل کر دیا گیا، جب شیشو لالا نامی ایک شخص نے اس کی ٹوپی گرا دی۔ جب اسجد اسے اٹھانے کے لیے جھکا تو ملزم نے اسے زور دار ڈنڈا سر پر مارا۔ اسجد شدید زخمی ہوا اور اگلی صبح انتقال کر گیا۔ پڑوسیوں نے گواہی دی کہ شیشو لالا مسلمانوں کو ان کی ٹوپیاں گرا کر باقاعدگی سے ہراساں کرتا تھا۔ *`https://whatsapp.com/channel/0029VaB6oVjAzNbyq3E8150n`*

*ذبح کے وقت تسمیہ کے چند مسائل* سوال اللہ کا نام لےکر جانور ذبح کرنے کے مندرجۂ ذیل طریقوں کا شرعی حکم کیا ہے؟ (١) کسی شخص نے اس طرح ذبح کیا کہ چھری چلانے اور تسمیہ یعنی بِسْمِ اللٰهِ اَللٰهُ اَكْبَر کہنے کی ابتداء ایک ساتھ کی، جس کا نتیجہ یہ ہوا کہ جب ذبح ختم ہوا تب جاکر تسمیہ پورا ہوا، یعنی تسمیہ کا کچھ حصہ پڑھنا ہوا، اتنے میں کچھ رگیں کٹ گئی۔ (٢) تسمیہ پہلے ختم کر لیا اس کے بعد فوراً چھری چلائی۔ (٣) تسمیہ پورا کیا اس کے بعد گالیاں وغیرہ دوسری بات بَکتے ہوئے ذبح کر دیا۔ (٤) آدھا ذبح کرنے کے بعد تسمیہ شروع کیا۔ امید ہے کہ ہر صورت کا حکم واضح طور پر اور بحوالہ بتائیں گے۔ جواب 1۔ اگر کسی شخص نے اس طرح ذبح کیا کہ چھری چلانے اور تسمیہ کہنے کی ابتدا ایک ساتھ کی ، اگر اکثر رگیں کٹنے سے پہلے تسمیہ مکمل ہوچکی تھی تو ذبیحہ حلال ہے اور اگر اکثر رگیں کٹنے کے بعد تسمیہ مکمل ہوا تھا تو ذبیحہ حلال نہیں۔ 2۔ تسمیہ ختم ہونے کے فورًا بعد چھری چلا لی تو ذبیحہ حلال ہے۔ 3۔ تسمیہ پورا کرنے کے بعد گالیاں دیں یا کوئی اور بات کی اور ذبح کیا تو ذبیحہ حلال نہیں۔ 4۔ اگر قصدًا آدھا ذبح (اکثر رگیں کٹنے) کے بعد تسمیہ شروع کیا تو ذبیحہ حلال نہیں۔ الدر المختار وحاشية ابن عابدين (رد المحتار) - (6 / 299) (وإن) (ذكر مع اسمه) تعالى (غيره) (، فإن وصل) بلا عطف (كره) (كقوله بسم الله اللهم تقبل من فلان) أو مني، ومنه: بسم الله محمد رسول الله بالرفع لعدم العطف ويكون مبتدئا، لكن يكره للوصل صورة، ولو بالجر أو النصب حرم درر، قيل هذا إذا عرف النحو. والأوجه أن لا يعتبر الإعراب، بل يحرم مطلقا بالعطف لعدم العرف زيلعي كما أفاده بقوله (وإن عطف حرمت نحو باسم الله واسم فلان أو فلان) لأنه أهل به لغير الله، قال - عليه الصلاة والسلام - «موطنان لا أذكر فيهما: عند العطاس، وعند الذبح» ، (فإن فصل صورة ومعنى كالدعاء قبل الإضجاع و) الدعاء (قبل التسمية أو بعد الذبح لا بأس به) لعدم القران أصلا. و في الرد:وذكر الإمام التمرتاشي أن وصله بلا واو يحل في الأوجه كلها لأنه غير مذكور على سبيل العطف فيكون مبتدئا، لكن يكره لوجود الوصل صورة، وإن مع الواو، فإن خفضه لا يحل لأنه يصير ذابحا بهما، وإن رفعه يحل لأنه كلام مبتدأ، وإن نصبه اختلفوا فيه اهـ ومثله في الكفاية والمعراج، وجزم في البدائع بما قاله التمرتاشي ··· وقوله وقبل التسمية مثال للفصل معنى، فقط فإنه إذا أضجعها ثم دعا وأعقب الدعاء بالتسمية والذبح لم يحصل الفصل صورة أي حسا بل معنى: أي تقديرا لأن الواجب تجريد التسمية وقد حصل، بخلاف ما إذا دعا بعد التسمية قبل الذبح نحو بسم الله اللهم تقبل مني أو اغفر لي فإنه يكره لأنه لم يجرد التسمية كما نقله في الشرنبلالية عن الذخيرة وغيرها تأمل الدر المختار وحاشية ابن عابدين (رد المحتار) - (6 / 301) (قوله لأنه يقطع فور التسمية) قال الأتقاني: وفيه نظر اهـ. ووجهه يظهر مما يأتي قريبا فيما يقطع الفور، والظاهر أن المراد كمال الفورية وإلا لزم أن تكون الذبيحة ميتة، وأن يكون الفصل حراما لا مكروها لكن فيه أنه لو اقتصر على قوله الله أكبر قاصدا به التسمية يكفي تأمل الدر المختار وحاشية ابن عابدين (رد المحتار) - (6 / 302) ولو سمى الذابح ثم اشتغل بأكل أو شرب ثم ذبح، إن طال وقطع الفور حرم وإلا لا، وحد الطول ما يستكثره الناظر، وإذا حد الشفرة ينقطع الفور بزازية. و في الرد: (قوله قبل تبدل المجلس) أي حقيقة أو حكما كالفاصل الطويل كما يأتي فافهم: قال الزيلعي: حتى إذا سمى واشتغل بعمل آخر من كلام قليل أو شرب ماء أو أكل لقمة أو تحديد شفرة ثم ذبح يحل، وإن كان كثيرا لا يحل لأن إيقاع الذبح متصلا بالتسمية بحيث لا يتخلل بينهما شيء لا يمكن إلا بحرج عظيم فأقيم المجلس مقام الاتصال، والعمل القليل لا يقطعه والكثير يقطع اهـ ··· (قوله وإذا حد الشفرة ينقطع الفور) مخالف لما قدمناه آنفا عن الزيلعي. ويمكن أن يقيد بما إذا كثر يدل عليه سياق كلام الزيلعي، وقوله في الجوهرة أو شحذ السكين قليلا أجزأه، لكن قال في التتارخانية: وفي أضاحي الزعفراني إذا حدد الشفرة تنقطع التسمية من غير فصل بين ما إذا قل أو كثر اهـ فليتأمل بدائع الصنائع في ترتيب الشرائع - (10 / 180) ( أما ) وقت التسمية فوقتها في الذكاة الاختيارية وقت الذبح لا يجوز تقديمها عليه إلا بزمان قليل لا يمكن التحرز عنه فقط و الله أعلم فتوی نمبر : 144108200480 دارالافتاء : جامعہ علوم اسلامیہ علامہ محمد یوسف بنوری ٹاؤن *`https://whatsapp.com/channel/0029VaB6oVjAzNbyq3E8150n`*

*گھر میں الماعون کی الماری رکھیں...* 🗳️ چند روز قبل ایک انکل جی کے گھر جاناہوا۔ میں انکے باغیچے میں بیٹھا ہوا تھا۔ اس دوران بیل بجی۔ ایک بچہ آیا اس نے بیلچہ مانگا، انکل نے ایک چھوٹا سا الماری نما کمرہ کھولا، جس کے دروازے پر بڑا کرکے *”الماعون“* لکھا ہوا تھا۔ بیلچہ نکالا اور دے دیا۔ ساتھ ہی ایک چھوٹی سے نوٹ بک نکالی اسمیں تاریخ، وقت لکھ کر پھر بچے کا نام اور ولدیت لکھ لی۔ کچھ دیر ہی گزری تھی پھر بیل بجی، ایک محلے دار آۓ انہوں نے پانی والا پاٸپ مانگا، انکل نے کمرہ کھولا پاٸپ نکالا، دے دیا اور نوٹ بک پر اس صاحب کا نام لکھ لیا۔ میں یہ سارا منظر دیکھتارہا۔ پھر ہم ظہر کی نماز پڑھنے چلے گٸے۔ جب نماز پڑھ کر واپس آٸے تو ایک لڑکا کلہاڑی اور ”ترینگل“ لیے منتظر تھا۔ انکل نے دونوں چیزیں لیں، نوٹ بک نکالی، اس لڑکے کا نام تلاش کرکے ”وصول“ لکھا اور تاریخ ڈال دی۔ اب مجھ سے رہانہیں گیا۔ میں نے ان سے پوچھا ”آپ یہ چیزیں کراۓ پر دیتے ہیں“۔ وہ مسکراٸے اور بولے”یہ سب چیزیں سارے محلے والوں کو ضرورت پڑنے پر دے دیتاہوں۔ انکا کرایہ بالکل ہے لیکن یہ کرایہ اللہ کے کھاتے میں ہے، کیا تم نے سورہ *سورۃ الماعون* نہیں پڑھی۔ اللہ تعالیٰ کہتاہے: *فَوَيۡلٞ لِّلۡمُصَلِّينَ*........... کہ افسوس ہے بربادی ہے ان نمازیوں کیلیے جو *وَيَمۡنَعُونَ ٱلۡمَاعُونَ* .......... عام استعمال کی چیزیں مانگنے پر دوسروں کو نہیں دیتے۔ تو بیٹا! جب سے مجھے یہ آیت سمجھ آٸی ہے میں نے یہ اسٹور *”الماعون“* بنادیاہے۔ اور ساری عام استعمال کی چیزیں جیسے کلہاڑی، کدال،بیلچہ، کسی، ہتھوڑا، پاٸپ وغیرہ ساری چیزیں جو کہ پہلے سے میرے گھر موجود تھیں میں نے یہاں جمع کردی ہیں۔ اب محلے میں جس کو جو چیز چاہییۓ وہ آکر لے جاتاہے، نوٹ بک پر انکا نام اورتاریخ لکھ دیتاہوں۔ جب چیز واپس آجاتی ہےتو وصولی بنا دیتاہوں۔۔“ میں خوشگوار حیرت سے انکی باتیں سن رہاتھا۔ انہوں نے چاۓ کاگھونٹ بھرا اور بولے” کچھ چیزیں میں نے خریدی ہیں، جبکہ بہت سی چیزیں تو محلے والے خود ہی مجھے دے گٸے کہ آپ انہیں *”الماعون“* میں رکھ لیں۔ جب ضرورت ہوگی لے جاٸیں گے، جب کسی اور کوضرورت ہوگی وہ لے جاٸیں گے“ احباب گرامی! مجھے انکل کا یہ *”الماعون“* والا آٸیڈیا بہت پسند آیا۔ ہم بھی ہرروز ایک دوسرے سے چیزیں مانگتے ہیں لیکن اکثر ہم نہیں دیتے۔ ایسا نہیں کرنا چاہیے۔ مالک کریم نے نمازیوں کو تو خاص طور سے مخاطب کرکے لین دین کرنے کا حکم دیا ہے اور نہ کرنے پر *”ویل“ یعنی جہنم کی آگ* سے ڈرایا ہے۔ چنانچہ آپس میں استعمال کی چیزیں ضرور ایک دوسرے کودینی چاہیں۔ البتہ ایک بڑی بیماری *”چیز واپس نہ کرنا“* کا علاج کرنا بھی بہت ضروری ہے۔ اسکا ایک فوری حل تو ”نوٹ بک“ ہے۔ تاکہ یاددہانی رہے۔ اور چیز واپس مانگ لی جاۓ۔ چیز مانگ کر لے جانے والے کو بھی سوچنا چاہیے۔ وقت پر واپس کردیں، ورنہ وعدہ خلافی اور دوسرے کو تکلیف میں ڈالنے کا گناہ ہوگا۔ آئیے! آج ہی ہم سب اپنے اپنے گھروں میں *"الماعون"* کی کم از کم ایک الماری اور ڈائری بناکر اس آیت کی عملی تفسیر کا آغاز کردیں۔ سال کا پہلا دن اور نیک کا میں دیر کیسی ؟تو آج سے ہی کسی نیک کام کی بنیا رکھیں تاکہ وہ کام آپ کیلئے صدقہ جاریہ بنے ۔ انتخاب، ،عابد چودھری *`https://whatsapp.com/channel/0029VaB6oVjAzNbyq3E8150n`*

*غیر شرعی قوانین کے خلاف بھی "بنیان مرصوص" ہونا چاہئے* *حضرت مولانا حافظ حمداللہ صاحب نے دبنگ اعلان کردیا*

*بینک کے ذریعہ سے حج کی قربانی کروانے کا حکم* سوال حج کے لیے حج کی قربانی کی رقم بینک میں گورنمنٹ حج سکیم میں جمع کر وا سکتا ہوں ؟ شریعت میں جائز ہے یا نہیں؟ جواب جو لوگ حج قران یا حج تمتع کرتے ہیں ان کے ذمہ شکرانے کے طور پر حج کی قربانی واجب ہوتی ہے،اس حج کی قربانی میں بھی وہی شرطیں ہوتی ہیں جو عام قربانی میں ہوتی ہیں یعنی جانور کا ایک خاص عمر کاہونا اور عیب سے خالی ہونا ضروری ہے جب کہ وہاں لاٹ کے لاٹ خریدے جاتے ہیں جس میں قربانی کی شرائط کی رعایت مشکل ہوتی ہے۔مزید یہ کہ قربانی و حلق کروانے کے درمیان ترتیب بھی واجب ہے، یعنی حلق قربانی ہونے کے بعد کروانا چاہیے اور یہ بھی واجب ہے، چنانچہ اگر کوئی شخص قربانی ہونے سے پہلے حلق کروالے تو واجب چھوٹنے کی وجہ سے اس پر دم لازم ہو جائے گا،بینک والےقربانی اور حلق میں ترتیب کے واجب ہونے کا لحاظ نہیں رکھتے، چنانچہ وہ لاکھوں انسانوں کو حلق کروا کر احرام کھولنے کا ایک ہی وقت دے دیتے ہیں، جب کہ ایک وقت میں اتنی بڑی تعداد میں قربانی، قریبًا ناممکن ہے، اس سے پتہ چلتا ہے کہ وہ ترتیب کا لحاظ ہی نہیں رکھتے ہیں، لہٰذا جو شخص بینک کے ذریعہ قربانی کروائے گا اسے یقینی طور سے پتہ ہی نہیں چلے گا کہ اس نے حلق قربانی سے پہلے کروایا ہے یا قربانی کے بعد کروایا ہے، لہٰذا بینک کے ذریعہ قربانی کروانے کی صورت میں واجب کے چھوٹنے کا قوی اندیشہ ہے؛ اس لیے اس بارے میں احتیاط سے کام لیا جائے اور قربانی کی رقم بینک میں جمع کروانے کے بجائے اپنے طور پر قربانی کا انتظام کیا جائے، لیکن اگر کسی وجہ سے اپنے طور پر قربانی کا انتظام کرنے میں شدید مشقت کا اندیشہ ہو تو ایک دوسری صورت یہ بھی اختیار کی جاسکتی ہے کہ بینک میں قربانی کی رقم جمع کروانے کے بعد بینک والوں سے اپنی قربانی کے صحیح وقت کا تعین کروالیں اور پھر قربانی کے دن قربان گاہ میں خود جاکر یا اپنے کسی معتمد آدمی کو بھیج کر قربانی کے جانور کا معائنہ کر کے اس بات کا اطمینان بھی کرلیں کہ وہ قربانی کی شرائط پر پورا اترتا ہے یا نہیں؟ اور اپنے سامنے اپنے نام کے قربانی کے جانور کو ذبح بھی کروالیں، پھر اس کے بعد حلق کروالیں، بہرحال جب تک حاجی کو کسی باوثوق ذریعہ سے یہ معلوم نہ ہو جائے کہ اس کی قربانی ہو چکی ہے اس وقت تک اس کے لیے حلق یا قصر (بال کٹوانا) جائز نہیں ہے، ورنہ دم لازم آئے گا۔ الدر المختار وحاشية ابن عابدين (رد المحتار) (2/ 555) "(أو قدم نسكا على آخر) فيجب في يوم النحر أربعة أشياء: الرمي، ثم الذبح لغير المفرد، ثم الحلق ثم الطواف، لكن لا شيء على من طاف قبل الرمي والحلق؛ نعم يكره لباب وقد تقدم، كما لا شيء على المفرد إلا إذا حلق قبل الرمي لأن ذبحه لا يجب (ويجب دمان على قارن حلق قبل ذبحه) دم للتأخير، ودم للقران على المذهب والحاصل أن الطواف لا يجب ترتيبه على شيء من الثلاثة وإنما يجب ترتيب الثلاثة الرمي ثم الذبح ثم الحلق، لكن المفرد لا ذبح عليه فيجب عليه الترتيب بين الرمي والحلق فقط. (قوله حلق قبل ذبحه) وكذا لو حلق قبل الرمي بالأولى بحر، وإنما وضع المسألة في القارن لأن المفرد لا شيء عليه في ذلك لأنه لا ذبح عليه فلا يتصور تأخير النسك وتقديمه بالحلق قبله ابن كمال." فقط واللہ اعلم فتوی نمبر : 144004201497 دارالافتاء : جامعہ علوم اسلامیہ علامہ محمد یوسف بنوری ٹاؤن *`https://whatsapp.com/channel/0029VaB6oVjAzNbyq3E8150n`*

*نفلی قربانی کے لیے خریدا گیا جانور فروخت کرنا ، بیمار ہونےکی صورت میں تبدیل کرنے کا حکم* سوال ایک شخص نے واجب قربانی کے علاوہ نفلی قربانی کے لیے بکرا خریدا اب خریدنے کے بعد وہ نفلی قربانی نہیں کرنا چاہ رہا اس کا دل نہیں ہورہا تو کیا حکم ہے؟ ایک شخص نے واجب قربانی کے علاوہ نفلی قربانی کے لیے بکرا خریدا گھر لانے کے بعد معلوم ہوا کہ وہ بیمار ہے ، اس بکرے میں کوئی بیماری ہوگئی بیوپاری نے کہا آپ واپس کردو تو کیا واپس کرے تو نیا بکرا نفلی ہی نیت سے خریدنا ضروری ہے؟ یا واپس کرکے رقم اپنے پاس رکھ سکتا ہے؟ جواب واضح رہے کہ مال دار شخص پر شرعاًایک ہی قربانی کرنا واجب ہے،اگرچہ وہ ایک سےزائد قربانیاں خریدلے؛ لہذا صورتِ مسئولہ میں واجب قربانی کے علاوہ نفلی قربانی کرنے والے صاحبِ استطاعت شخص نے نفلی قربانی کی نیت سےبکرا خریداتو خریدے گئے بکرے کی قربانی ــ اس پرلازم نہیں ہے، اگر وہ قربانی نہ کرنا چاہے تو اس کو اختیار ہے کہ وہ اس کی قربانی نہ کرے۔ نیز نفلی قربانی کی نیت سے خریدے گئے بکرے کےبیمار ہونےکی صورت میں اس کو واپس کرکے دوسر ا بکر ا نفلی قربانی کی نیت سے لینا ضروری نہیں، اگر چاہے تو رقم بھی اس کی جگہ لے کر اپنے پاس رکھ سکتاہے ۔ فتاوی شامی میں ہے: "لو ضحى الغني بشاتين فالزيادة تطوع عند عامة العلماء۔۔۔أن التضحية بشاتين تحصل بفعلين منفصلين وإراقة دمين فيقع الواجب إحداهما فقط والزائدة تطوع." (كتاب الأضحية ،6/ 333،ط: سعيد) فتاوی ہندیہ میں ہے: "وأما الذي يجب على الفقير دون الغني فالمشترى للأضحية إذا كان المشتري فقيرا، بأن اشترى فقير شاة ينوي أن يضحي بها، وإن كان غنيا لا تجب عليه بشراء شيء". (كتاب الأضحية ، الباب الأول في تفسير الاضحية، 5/ 291، ط: رشیدیه) فقط والله اعلم فتوی نمبر : 144311102177 دارالافتاء : جامعہ علوم اسلامیہ علامہ محمد یوسف بنوری ٹاؤن *`https://whatsapp.com/channel/0029VaB6oVjAzNbyq3E8150n`*

*قضا قربانی کی جگہ صدقہ کرنا* سوال اگر کسی کے ذمہ کئی سال پہلے واجب قربانی رہ گئی تھی تو اب وہ کس لحاظ سے قیمت صدقہ کرےگا، موجودہ قیمت کے اعتبار سے یا اس وقت کے اعتبار سے؛ کیوں کہ اس وقت تو قیمتیں کم تھیں! جواب جو شخص صاحبِ نصاب ہو اور ایامِ قربانی میں قربانی نہ کرسکا تو قربانی کے ایام کے بعد ایسے شخص پر لازم ہے کہ ایک متوسط بکرا یا بکری یا اس کی قیمت صدقہ کردے، بعض کے نزدیک قربانی کے ایک حصے کے برابر رقم صدقہ کرنا کافی ہے۔ نیز اس کی موجودہ رقم صدقہ کرنا ہوگی۔گزشتہ کی قیمت کا اعتبار نہیں۔ الفتاوى الهندية (5/ 296): ولو لم يضح حتى مضت أيام النحر فقد فاته الذبح فإن كان أوجب على نفسه شاةً بعينها بأن قال: لله علي أن أضحي بهذه الشاة سواء كان الموجب فقيرًا أو غنيًا، أو كان المضحي فقيرًا وقد اشترى شاةً بنية الأضحية فلم يفعل حتى مضت أيام النحر تصدق بها حية، وإن كان من لم يضح غنيًّا ولم يوجب على نفسه شاةً بعينها تصدق بقيمة شاة اشترى أو لم يشتري، كذا في العتابية. فقط والله أعلم فتوی نمبر : 144201201293 دارالافتاء : جامعہ علوم اسلامیہ علامہ محمد یوسف بنوری ٹاؤن *`https://whatsapp.com/channel/0029VaB6oVjAzNbyq3E8150n`*

*🛑 السّلام علیکم دوستو! آج کی پوسٹ میں 55 ہیڈ لائنز ہیں، اگر ہوسکے تو اس پوسٹ پر ری ایکٹ کر کے آگے شیئر ضرور کیجئےگا👏👏* 🛑 *آج دن بھر کیا کچھ ہوا؟* 🛑 🛑 *02 جون 2025 | بروز پیر | اہم خبروں کی جھلکیاں |* 🚨 (1) بلوچستان کبھی پاکستان سے الگ نہیں ہو سکتا، عدم استحکام کا ذمہ دار بھارت ہے، ڈی جی آئی ایس پی آر 🚨 (2) عمران خان نے چوتھی بار بھی پولی گرافک ٹیسٹ کروانے سے انکار کردیا 🚨 (3) میں نیو یارک پہنچ گیا ہوں، اقوام متحدہ میں پاکستان کی آواز بنوں گا، بلاول بھٹو زرداری 🚨 (4) پانی ہماری زندگی ہے، اس پر زبردستی قبول نہیں، سندھو پر حملہ نامنظور۔ چیئرمین پیپلز پارٹی 🚨 (5) کراچی میں یکے بعد دیگرے زلزلے کے جھٹکے، شہر بھر میں خوف وہراس 🚨 (6) کراچی میں مزید زلزلے آئیں گے، سربراہ نیشنل سونامی وارننگ سینٹر نے خبردار کر دیا 🚨 (7) کراچی میں مسلسل زلزلوں کی وجہ پانی کی بورنگ اور صنعتی فضلہ ہے، بڑا انکشاف 🚨 (8) یہ معمول کا زلزلہ ہے جس سے شہریوں کو گھبرانے کی ضرورت نہیں، جھٹکوں کی صورت میں محفوظ مقام کی طرف جائیں، ماہر ارضیات 🚨 (9) جمعہ 6 جون سے پیر 9 جون تک عید الاضحیٰ کی چھٹیاں ہوں گی، نوٹیفکیشن جاری 🚨 (10) کراچی: ڈیفنس میں نوجوان کو تشدد کا نشانہ بنانے والا مرکزی ملزم سلمان فاروقی گرفتار 🚨 (11) ملزم کی گرفتاری ڈیفنس سے عمل میں آئی ہے، ملزم سلمان فاروقی کو تھانے منتقل کر دیا گیا 🚨 (12) رحیم یار خان، عید کے کپڑے مانگنے پرباپ نے 3 بچوں کو زہردے کر خودکشی کرلی 🚨 (13) بہاولپور میں بھوک کی وجہ سے بزرگ خاتون دم توڑگئیں، ایک بہن زیر علاج 🚨 (14) غیرقانونی اسلحے کا کیس:ملزم ارمغان کے والد کامران قریشی کی ضمانت منظور 🚨 (15) نصف سے زائد بجٹ قرض ادائیگی میں جائیگا، 118 سے زائد منصوبے بند کردیے، احسن اقبال 🚨 (16) معاشی چیلنجز کے باعث قومی ترقیاتی بجٹ میں مسلسل کمی ایک بڑا مسئلہ بن چکا ہے، وفاقی وزیر منصوبہ بندی 🚨 (17) وفاقی حکومت نے کے الیکٹرک ٹیرف کے خلاف نیپرا میں اپیل دائر کردی 🚨 (18) عمران خان کے بیٹے پاکستان آئیں گے ان پر سیاست کرنے پر کوئی پابندی نہیں، پی ٹی آئی 🚨 (19) کل کا الیکشن ایک ٹیسٹ تھا اس حکومت کا، کل پولیس گردی اور فسطائیت کی انتہا ہوگئی، سلمان اکرم، ملک احمد خان،پریس کانفرنس 🚨 (20) قومی اقتصادی کونسل کا اجلاس 5 جون کو طلب، 3795 ارب کے ترقیاتی بجٹ کی منظوری دی جائیگی 🚨 (21) بندرگاہوں کی زمنیوں پر قبضہ چھڑوانے کیلیے خصوصی فورس کے قیام پر غور 🚨 (22) عید الاضحیٰ کے 3 دن ٹرین کرایوں میں خصوصی رعایت کا بڑا اعلان 🚨 (23) پاکستان ساؤتھ ایشین گیمز 2025 کی میزبانی کے لیے تیار 🚨 (24) ایس ایچ او پر کچے کے ڈاکوؤں سے تعلقات، بھتہ خوری کا الزام: سپریم کورٹ نے سندھ حکومت کی اپیل مسترد کردی 🚨 (25) فی تولہ سونے کی قیمت 5 ہزار 900 روپے کے اضافے سے 3 لاکھ 53 ہزار 100 روپے کی سطح پر آگئی 🚨 (26) پنجاب میں غیرمعیاری فیول کے استعمال پر پابندی عائد 🚨 (27) لاہور؛ خطرناک ڈکیت گینگ کا سرغنہ پولیس مقابلے میں ہلاک 🚨 (28) نوشہرہ میں دلخراش واقعہ، 8 ماہ کی حاملہ خاتون کو زندہ جلا دیا گیا 🚨 (29) "ایک بھی منصوبہ وقت پر مکمل نہیں ہوا!" بھارتی ائیر چیف کا بڑا انکشاف 🚨 (30) ڈیجیٹل ادائیگی کیلئے اقدامات کا فیصلہ، پیٹرول سمیت ہر قسم کی نقد خریداری پر اضافی رقم لینے کی تجویز 🚨 (31) ملکی اداروں سے کرپشن کے خاتمے اور اصلاحات کیلیے انتھک محنت کررہے ہیں، وزیراعظم 🚨 (32) کراچی میں قربانی کے جانوروں کی قیمتوں میں 70 فیصد تک اضافہ 🚨 (33) بچھیا کی کم سے کم قیمت ایک لاکھ 40 ہزار اور بکرے کی قیمت 40 ہزار روپے سے شروع ہو رہی ہے 🚨 (34) شہری قربانی کی کھالیں کالعدم تنظیموں کو دینے سے اجتناب کریں، محکمہ داخلہ کا انتباہ 🚨 (35) بدترین لوڈشیڈنگ پر کے الیکٹرک دفاتر کے بعد جماعت اسلامی کے احتجاجی مظاہرے 🚨 (36) سندھ اسمبلی کی خصوصی کمیٹی کی برہمی کے بعد سی ای او کے الیکٹرک کے ہوش ٹھکانے آگئے 🚨 (37) پاکستان کو کم سمجھنے کی غلطی بھارت کو بہت مہنگی پڑی، فرانسیسی ماہرِ سیاسیات 🚨 (38) آپریشن سندور: سی ڈی ایس کے بیان پر بھارتی سیاست میں تشویش، خصوصی اجلاس بلانے کا مطالبہ 🚨 (39) مودی جہاں سندور بھیجیں گے، وہ چپل سے منہ لال کردیں گے، بھارتی خواتین کا سخت ردعمل 🚨 (40) کراچی میں سمندری ہوائیں بحال، نمی کے باعث گرمی زیادہ محسوس ہونے لگی *الفلاح واٹس ایپ چینل لنک* *`https://whatsapp.com/channel/0029VaB6oVjAzNbyq3E8150n`* 🚨 (41) اسلام آباد ہائیکورٹ نے پراپرٹی ٹیکس بڑھانے سے روک دیا 🚨 (42) تارکین وطن کا کشتیوں کے ذریعے برطانیہ آمد کا ریکارڈ قائم، ایک دن میں 1194 افراد پہنچ گئے 🚨 (43) الیکشن کمیشن کا اسلام آباد، پنجاب میں بلدیاتی انتخابات نہ کرانے پر شہباز شریف اور مریم نواز کو بلانے کا اشارہ 🚨 (44) پنجاب نے بروقت قانون سازی نہ کی تو خود فیصلہ کرکے بلدیاتی انتخابات یقینی بنائیں گے، الیکشن کمیشن 🚨 (45) مودی کو کینیڈا میں ہونیوالے جی 7 اجلاس کی اب تک دعوت نہ ملی 🚨 (46) آئندہ بجٹ میں نان فائلرز کے 50 ہزار سے زائد کیش نکلوانے پر ٹیکس بڑھانے کی تجویز 🚨 (47) ایلون مسک کا ایکس (ٹوئٹر) کیلئے ایکس چیٹ کو متعارف کرانے کا اعلان 🚨 (48) اٹلی: آتش فشاں ماؤنٹ اٹنا سے زہریلی گیسوں اور دھویں کا بڑے پیمانے پر اخراج 🚨 (49) ڈاکٹر نعمان نیاز کا شعیب اختر کو قانونی نوٹس، فاسٹ باؤلر نے جواب دینے کا اعلان کردیا 🚨 (50) گلین میکسویل کا ون ڈے، ہنرک کلاسن کا انٹرنیشنل کرکٹ سے ریٹائرمنٹ کا اعلان 🚨 (51) مئی میں مہنگائی حکومتی تخمینے سے زیادہ رہی، ادارہ شماریات 🚨 (52) ڈیفالٹ شدہ رقوم کی وصولی کیلئے بحریہ ٹاؤن کی غیرمنقولہ جائیدادیں 12 جون کو نیلام ہوں گی، نیب 🚨 (53) قربانی کے لیے خریدا گیا اداکار منیب بٹ کا اونٹ بھاگ گیا 🚨 (54) ترکیہ میں بھارتی یوٹیوبر بدتمیزی اور خواتین و دکاندار سے توہین آمیز رویے پر گرفتار 🚨 (55) ماضی کا مقبول ڈراما ’عینک والا جن‘ یوٹیوب پر دوبارہ ریلیز *(رپورٹ: عثمان حسن زئی، کراچی)* *منقول*

امداد کیلئے جمع 30 نوجوان شہید آج صبح جنوبی رفح میں پیش آنے والے لرزہ خیز واقعے میں دجالی فوج نے امداد کے منتظر بھوک سے نڈھال فلسطینیوں پر اندھا دھند فائرنگ کر دی، جس کے نتیجے میں کم از کم 30 افراد شہید اور 200 سے زائد زخمی ہو گئے، جب کہ کئی لاپتہ ہو گئے۔ امدادی مرکز پر یہ حملہ امریکی سرپرستی میں قائم مقام پر کیا گیا، جس سے فلسطینیوں پر مظالم میں امریکہ کی شراکت کھل کر سامنے آ گئی۔ یہ سانحہ اُس وقت پیش آیا جب ہزاروں فلسطینی تل السلطان کے علاقے میں اس مقام پر جمع ہوئے تھے جہاں قابض فوج نے خود ہی امداد کی تقسیم کا اعلان کر رکھا تھا۔ صبح چھ بجے کے انتظار کے بعد اسرائیلی فوج نے "کواڈ کاپٹر” ڈرونز سے ان پر گولیاں برسائیں، پھر ٹینکوں سے گولے داغے گئے اور امریکی تنظیم کے سیکورٹی اہلکاروں نے پیچھے سے گیس کے شیل برسا دیئے۔ عینی شاہدین کے مطابق قابض اسرائیل اور اس کی امریکی حلیف تنظیم امداد کے محض چند پیکٹ لاتی ہے، مگر ہزاروں کو دعوت دے کر انہیں ایسے مقام پر اکٹھا کرتی ہے، جو موت کا میدان بن چکا ہے۔ وہاں پہنچنے والے بھوک سے بلکتے لوگ جب کم تعداد میں موجود امدادی پیکٹ دیکھتے ہیں تو ان میں افراتفری مچ جاتی ہے، جسے اسرائیلی فورسز کی فائرنگ مزید ہلاکت خیز بنا دیتی ہے۔ ایک عینی شاہد "م. ص” نے بتایا کہ دو بجے رات سے رفح کے شمال مغرب میں "دوار العلم” کے قریب شہری جمع ہونا شروع ہو گئے تھے۔ ڈرون کے ذریعے اعلان کیا گیا کہ چھ بجے سے پہلے کوئی گیٹ کی طرف نہ بڑھے، لیکن جب لوگوں نے امن کے ساتھ پیش قدمی کی تو ان پر گولیاں چلائی گئیں، پھر ٹینکوں سے بم برسائے گئے اور امریکی اہلکاروں نے گیس کے شیل پھینکے۔ ایک اور خاتون شہری "ف. ع” نے بتایا کہ قتل عام کے باوجود بھوک نے سینکڑوں کو واپس جانے پر مجبور کیا۔ جب چھ بجے ڈرون نے اعلان کیا کہ گیٹ کی طرف آئیں، تو عوام کا ہجوم امدادی مقام کی طرف لپکا۔ وہاں صرف آٹھ لکڑی کے تختے رکھے گئے تھے جن پر امدادی کارٹن رکھے تھےاور اتنی بڑی بھیڑ کے لیے یہ سراسر مذاق تھا۔ عوام میں دھکم پیل ہوئی، کسی کو کچھ نہ ملا، اور پھر کہا گیا کہ کل صبح دوبارہ آنا۔ اسی نوعیت کا ایک اور اندوہناک واقعہ آج صبح وسطی غزہ کے شمال میں بھی پیش آیا جہاں ایک اور امدادی مرکز پر قابض فوج نے حملہ کیا، جس میں ایک فلسطینی شہید اور 26 زخمی ہوئے۔ گزشتہ منگل سے اب تک صرف امدادی مراکز کے اطراف 41 فلسطینی شہید اور 300 زخمی ہو چکے ہیں، جب کہ درجنوں تاحال لاپتہ ہیں۔ *الفلاح واٹس ایپ چینل لینک* *`https://whatsapp.com/channel/0029VaB6oVjAzNbyq3E8150n`*