Azattyq – Азаттық
97.4K subscribers
Verified ChannelAbout Azattyq – Азаттық
Тәуелсіз елге тәуелсіз ақпарат! 📍Website: https://www.azattyq.org 📍Instagram: https://www.instagram.com/azattyq/ 📍Telegram: https://t.me/azattyq 📍Telegram rus: https://t.me/RadioAzattyq
Similar Channels
Swipe to see more
Posts
🔴 АҚШ-тың федералдық барлау басқармасы (ФБР) Солтүстік Корея билігімен байланысты хакерлерді ByBit биржасынан құны 1,5 млрд доллар болатын Ethereum криптовалютасын ұрлады деп айыптады. Арнайы қызметтің алдын ала мәліметінше, оқиға 21 ақпанда болған. ФБР-дің хабарламасына қарағанда, криптовалюта тарихындағы ең ірі тонауды хакерлер TraderTraitor бағдарламалар пакетінің көмегімен жасаған. Бұл өзін криптовалюта саудасы үшін қажет құрал ретінде көрсететін зиянды қосымшалар сериясы, деп түсіндіреді "Коммерсант" басылымы. "TraderTraitor мүшелері көзді ашып-жұмғанша әрекет етеді және ұрланған активтердің бір бөлігін Bitcoin және басқа да виртуалды активтерге айналдырып үлгерген. Кейін бұл активтер жылыстатылып, ақыры фиат [дәстүрлі] валютаға айырбасталынады" деді ФБР өкілдері. Ведомствоның хабарлауынша, TraderTraitor-ді Солтүстік Корея билігі демеушілік жасайтын хакерлер тобы пайдаланады. Киберқауіпсіздік бойынша мамандар оларды Lazarus Group, сонымен бірге APT38, BlueNoroff және Stardust Chollima деп атайды. Хакерлер 2020 жылдан бастап белсенді бола бастаған. Солтүстік Корея билігі Lazarus Group-қа қатысы барын мойындамайды. ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 Freedom House халықаралық адам құқықтары ұйымының "Құқық үшін күрес" атты жылдық есебіне сүйенсек, 2024 жыл әлемдегі 34 елде еркіндік элементтері жақсарған, ал 60 елде керісінше, нашарлаған. Осымен кейінгі 19 жылдан бері әлемде еркіндік көрсеткіші төмендеп келеді деп жазады ұйым сарапшылары. ❗️Адам құқықтары жөніндегі ұйымның есебінше, Орталық Азиядағы мемлекеттер "еркін емес" деп бағаланған. Өңірдегі ешбір елде былтыр еркіндік нығаймаған. Керісінше, Қырғызстан (26 балл) мен Түркіменстанның (1 балл) бір ұпайы кеміген. Ал Қазақстан (23 балл), Өзбекстан (12 балл) және Тәжікстандағы (5 балл) жағдай былтырғымен салыстырғанда өзгеріссіз қалған. 🇰🇿 Freedom House Қазақстанды "бір тұлғаның уысына біріктірілген авторитаризм" деп бағалаған. ❗️Бұл Орталық Азияның барлық еліне қатысты. Қазақстан демократиялық статус санаты бойынша небәрі 5 балл жинаса, Қырғызстан 11 баллмен шектелген. Ал Өзбекстан 3, Тәжікстан 1 және Түркіменстан 0 баллмен рейтингінің ең төменгі жағына түскен. ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 *Ирландия Украинаға Giraffe радарларын бермек* Украина президенті сайтының хабарлауынша, бұл туралы Ирландия премьер-министрі Михол Мартин бейсенбіде Владимир Зеленскиймен Дублиндегі кездесуде айтқан. Giraffe – жердегі және теңіздегі әуе қорғанысын бақылайтын және басқаратын жүйелер тобы. Ирландия премьер-министрінің хабарлауынша, Ресей мен Украина арасында бейбітшілік туралы келісім жасалса, Ирландия Украинаға бітімгер әскерін жіберуге дайын. Бұдан бөлек, Украинаны минадан тазарту коалициясына және украин әскерилерін дайындау бағдарламасына да қатысуға әзір. 📸 Фотода америкалық Patriot әуе қорғаныс жүйелері мен британдық Giraffe AMB радары (Reuters). ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 *27 ақпанда "Ауыл" партиясы саяси кеңесі төралқасының отырысында мәжіліс депутаты Жигули Дайрабаевты партия төрағасының орынбасары қызметінен босатты* Саяси кеңес мүшелері шешімді бірауыздан қабылдады деп хабарлады партияның баспасөз қызметі. Жигули Дайрабаев 2023 жылғы сайлауда "Ауыл" партиясынан парламентке өткен. Сол жылы Дайрабаевтың екі ұлы субсидия қаржысын жеке мақсатқа пайдаланғаны үшін сотталған. Бас бостандығынан айыру жазасын Тараз соты шарттыға ауыстырған. 2022 жылы күзде осы партиядан президенттікке кандидат ретінде сайлауға түскен Дайрабаев сайлауалды науқан кезінде жілік шағып, ат тағалағанымен жұрт назарын аударған. Ол президент сайлауында 3,42 пайыз дауыс жинаған. Депутат Дайрабаев 26 ақпанда мәжілістің жалпы отырысында Қазақстанның солтүстік өңіріндегі көше мен елді мекен атауларын сынға алып, оларды мемлекеттік тілдегі атауларға ауыстыру мәселесін көтерген. Бірақ оның сауалы парламенттің төменгі палатасының YouTube-арнасына шықпай қалған. ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 *АҚШ Украинаға қосымша қауіпсіздік кепілін бермейді* Сәрсенбі күні АҚШ президенті Дональд Трамп осылай деп мәлімдеді. Оның сөзінше, ол жақта Америка тұрғанда Украинаға ешкім шабуылдамайды. 🇺🇸🇺🇦 Трамптың сөзінше, пайдалы қазба бойынша келісім Украинаның қауіпсіздігін қамтамасыз етеді. Екі елдің басшылары аталған келісімге жұма күні қол қоюды жоспарлап отыр. Трамптың сөзінше, Украина президенті Владимир Зеленскийдің АҚШ-қа сапары кезінде Вашингтон пен Киев пайдалы қазба бойынша келісімге қол қояды. ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 *Украина президенті Владимир Зеленскийдің ұшағы бейсенбі күні кешке Вашингтон маңындағы Эндрюс әуе базасына қонды* Бұл туралы "Интерфакс-Украина" агенттігі жазды. 🇺🇸🇺🇦 Жұма, 28 ақпанда Вашингтонда АҚШ пен Украинаның пайдалы қазбалары туралы келісіміне қол қою жоспарланып отыр. Бұл келісімді АҚШ президенті Дональд Трамп талап еткен. Киевтің айтуынша, АҚШ экономикасы мен ұлттық қауіпсіздігі үшін стратегиялық маңызы бар 50 минералдың жартысы Украина аумағында бар. Кең ауқымда алғанда, бұл санатқа литий мен титан, сондай-ақ көмір, темір кені, мұнай және газ да кіреді. ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 *Қанат Шарлапаев өнеркәсіп және құрылыс министрі қызметінен кетті* 28 ақпанда Қазақстан президенті Қасым-Жомарт Тоқаев оны өзіне экономикалық мәселелер жөніндегі көмекші етіп тағайындады. Шарлапаев өнеркәсіп және құрылыс министрлігін 2023 жылғы кыркүйектен бері басқарған. Оған дейін "Бәйтерек" холдингінің басқарма төрағасы болған. 🚗 Шарлапаев өнеркәсіп министрлігін басқарып тұрған кезде утилизация алымы мәселесі жиі көтерілді. 📁 Былтыр белсенділер жеңіл көліктерге салынатын утилизация алымы мен ауыл шаруашылығы техникасына салынатын жарнаны алып тастау және көліктерді бастапқы тіркеу жарнасын төмендету туралы петицияға қол жинаған. Оған 50 мыңнан астам адам қол қойғаннан кейін құжат мамырда үкімет қарауына берілген. Шілдеде министрлік петиция талаптарын орындаудан ресми түрде бас тартқан. ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 Ресей бастаған соғысты аяқтау, Украинамен сирек минералдар жөнінде келісім және Вашингтон мен НАТО-ның жаңа қарым-қатынасы. Халықаралық саясаттағы бас айналдырар жаңалықтар легін қысқаша түсіндіреміз👇🏻 🔺 АҚШ-тың осыған дейінгі әкімшілігі Ресейдің Украинаға қарсы соғысын ешкім арандатпаған басқыншылық деп көріп, халықаралық құқықтық тәртіпті сақтау үшін оған қарсы тұру керек деп шешті. Сөйтіп Мәскеуді оқшаулайтын, жазалайтын санкциялар жариялады. Ал Трамп "мен саған, сен маған" дейтін дипломатияға басымдық берді. Ол Украинадағы сирек минералдарды бірлесіп өндіру мәселесін соғысты аяқтаудың түйініне айналдырды. 🔗Толығырақ: https://smarturl.click/W31v4 ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 Швейцарияның федералдық қылмыстық соты қазақстандық кәсіпкер Қайрат Боранбаевтың әйелі Шолпан Боранбаеваға тиесілі деп айтылатын $212 млн қаражатты бұғаттан босатты. Оның алдында Қазақстан осы активті даулаудан бас тартқан деп жазды сот құжаттарына сүйенген “Власть” басылымы. Қазақстанның бұрынғы президенті Нұрсұлтан Назарбаевтың әулетінің бұрынғы құдасы кәсіпкер Қайрат Боранбаев Қанды қаңтардан кейін ұсталып, “газды сату бойынша келісімнен түскен шамамен 14,6 млрд теңге қаражатты жымқырды” деген күдікке ілінген. Бұдан кейін Қазақстан билігі Швейцарияның бас прокуратурасына сұрау салып, Боранбаев және жақындарына қатысты банк құжаттарын беруді сұраған. 2023 жылы Швейцария соты Шолпан Боранбаеваға тиесілі шотты бұғаттап, Қазақстанға банк құжаттарын беру туралы шешім шығарған. Сол жылы Боранбаев өзіне тағылған айыпты мойындап, тергеу органдарымен келісімге келген. Ол 6 жылға бас бостандығынан айырылып, мемлекетке активтерінің едәуір бөлігін беруге келіскен. Осыдан кейін Қазақстан билігі Швейцарияға бірнеше хат жіберіп, аталған активтің заңсыз жолмен алынғаны туралы жеткілікті дәрежеде дәлелі жоғын айтып, шағымын қайтарған. (Боранбаевтың өзі 2023 жылы күзде түрмеден шыққан. Оның түрме жазасы шектеу жазасына ауыстырылды). Биыл қаңтарда Швейцария соты есепшотты бұғаттау туралы шешімнің күшін жойған. ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
🔴 *Оңтүстік Кореяның барлау қызметі ақпанның басында Солтүстік Корея Ресейдің Курск облысына қосымша күш жіберді деп мәлімдеді* Барлау қызметінің ақпаратын Оңтүстік Кореяның басылымдары жариялады. BBC агенттігінің жазуынша, нақты қанша әскер жіберілгені айтылмаған. 🇰🇵🇷🇺 Бұған дейін Оңтүстік Кореяның JoongAng басылымы құпия дереккөздерге сүйене отырып, қаңтар-ақпан айында Ресейге Солтүстік Кореяның үш мыңға дейін әскері жіберілді деп жазған. 🪖 Дереккөздердің бірінің айтуынша, оған мото-жаяу әскер, саперлер және электронды барлау қызметінің бөлімшелері кірген. Олар былтыр қазанда жіберілген контингентте болмаған дейді дереккөз. Украина әскерилері мен Оңтүстік Корея барлау қызметінің мәлімдеуінше, Курск облысында Солтүстік Кореяның шамамен 11 мың адамнан тұратын контингенті ірі шығынға ұшырап, төрт мыңға дейін адам қаза тауып я жараланған. Қаңтарда Солтүстік Корея әскері алғы шептен көрінбейді деген ақпарат шыққан еді. ТЕЛЕГРАМ-АРНАМЫЗҒА ЖАЗЫЛЫҢЫЗ: t.me/azattyq
