Landelike Veiligheid

Landelike Veiligheid

2/8/2025, 4:39:45 AM

Saterdag 08 Januarie 2025 Môre Spesiale plasing Na aanleiding van presedent Trump se ondertekening van die uitvoerende bevel teen SA voel ek dit nodig om lede te maan tot waaksaamheid. Hierdie kan regtig een van twee kante toe gaan en met ons plaaslike bevolking se bewese baan rekord, dink ek nie hierdie gaan so goed wees nie. Wees dus versigtig, hou die nuus en sosiale media dop en wees wakker. Dawie Conradie 082 930 9905 Sluit aan by die Whatsapp kanaal https://whatsapp.com/channel/0029VaA4S5IJkK706Vdxhp0Q Rapporteer asseblief plaasaanvalle aanlyn by www.plaasaanval.co.za Rapporteer asseblief veediefstalle aanlyn by www.veediefstal.co.za

Landelike Veiligheid

2/10/2025, 4:44:56 AM

Maandag 10 Januarie 2025 Môre Normaalweg gesels ek nie politiek nie maar na Vrydagaand se ondertekening van die uitvoerende bevel deur pres Trump, voel ek dit is nodig om maar op ons hoede te wees. Ek sien op die sosiale media platforms is die gemoedere maar hoog en sommige ouens maak growwe uitsprake. Die ANC by monde van die president het in verlede Donderdag in sy staatsrede gesê dat hy hom nie sal laat boelie nie. Mens weet nie mooi wat om te verwag na die storie nie. Hierdie kan 'n bedekte seën wees of 'n oorlogsverklaring. Die feit dat Amerika sanksies teen SA instel gaan noodwendig beteken dat ons ekonomie daaronder gaan ly en dat die armes nog swaarder gaan kry, dus gaan misdaad weereens toeneem en ons gaan nog meer geteiken word. Nie omdat ons ryk is nie maar omdat ons goed het wat waarde dra. Of dit misdaad is en of dit aangepor word deur radikales, maak nie regtig saak nie. Wat wel saak maak is dat mens kan dink hier is probleme op pad. Ons regering het nie die kapasiteit om grootskaalse opstand te onderdruk nie en om die waarheid te sê, mens weet nie of hulle die wil het om dit te doen nie. Daarom vra en se ek, wees asseblief op jou hoede, wees paraat, kry dadelik jou nodige vroeë waarskuwing in plek en moenie onder enige omstandighede uitgelok word nie. As jy wapens het, sorg dat dit ekstra veilig bewaar word maar ook dat jy toegang het daartoe sou jy jouself en jou gesin moet beskerm. Sterkte en ons kyk hoe dinge uitspeel Dawie Conradie 082 930 9905 Sluit aan by die Whatsapp kanaal https://whatsapp.com/channel/0029VaA4S5IJkK706Vdxhp0Q Rapporteer asseblief plaasaanvalle aanlyn by www.plaasaanval.co.za Rapporteer asseblief veediefstalle aanlyn by www.veediefstal.co.za

Landelike Veiligheid

2/6/2025, 4:29:21 AM

Donderdag 6 Februarie 2025 Môre So klompie jaar gelede kry ons een aand via die radio stelsel berig van 'n heining alarm wat afgaan. So paar manne gaan help en kry jou werklikwaar dat die betrokke heining gesny is baie naby die plaasopstal se hek. Die manne maak die heining reg en na bietjie gesels vertrek almal. Twee ure later roep die boer weer op die radio, sy heining alarm gaan weer af en op sy PTZ kamera, die een wat in die rondte draai bokant sy huis op die paal, kan hy sien die heining is op dieselfde plek weer geknip. Dis toe so 01:00 die oggend. Paar manne reageer en maak weer die heining reg. Een of twee manne willig toe in om wag te staan vir die nag. Dinge raak rustig en geen voorvalle verder nie, tot die volgende oggend wat die son opkom. Toe gewaar die manne so dertig tree van hulle af, 'n vreemde hoop goed so half onder 'n lemoenboom. (Lemoen plaas en die boord lê tot teen die pad) Onder die boom lê 'n rugsak en ook 'n jaggeweer met teleskoop op, mooi netjies op die opstal se voordeur gerig. Die manne besef opeens hoe naby daardie boer' daardie nag aan sy dood gekom het. Jy kan dalk Rambo se kleinneef wees en jy kan dalk jou handwapen beter hanteer as James Bond, maar as jy by jou deur uitloop het jy nie 'n kans teen iemand wat vir jou wag nie. Jy het net te veel grond om te dek en daardie ou wat jou wil uithaal, het net 2m² wat hy moet dophou. Jy val terwyl jy nog daardie deur oopmaak my vriend. Wees slim, kry hulp van buite af. Dawie Conradie 082 930 9905 Sluit aan by die Whatsapp kanaal https://whatsapp.com/channel/0029VaA4S5IJkK706Vdxhp0Q Rapporteer asseblief plaasaanvalle aanlyn by www.plaasaanval.co.za Rapporteer asseblief veediefstalle aanlyn by www.veediefstal.co.za

Landelike Veiligheid

2/7/2025, 4:29:38 AM

Vrydag 7 Februarie 2025 Môre Of dit nou jou elektriese heining is wat alarm maak, of jou water wat onverklaarbaar opraak, elektrisiteit wat afgaan of selfs 'n werker wat hulp vra met 'n siek kind of, soos onlangs, 'n slang by sy slaapplek, jy gaan nie sommer net uit nie my vriend. Kry hulp en versterkings van buite af in. Jou vroeë waarskuwing stelsels is daar met 'n doel, om vir jou tyd te koop, dink slim, gebruik hierdie goed tot jou voordeel, jy het baie geld daarin belê. Maak jou water en kragtoevoer veilig. Kry dit so dat dit nie maklik gesaboteer kan word nie en as dit gebeur, sorg vir rugsteun binne jou huis. Sorg dat jy oë het op jou lewendehawe. Kameras speel hier 'n uiters belangrike rol. Jy kan oë en ore op jou diere hê kilometers van jou huis af en jy kan baie vinnig 'n situasie opsom as jy kan sien wat gebeur. Sou daar wel probleme ontstaan, moenie sommer net uitgaan en gaan ondersoek instel nie. Kry ten minste twee persone van buite om te kom bystand gee. Wees te alle tye bang Jan, en vermy dit om dooie Jan te wees. Dawie Conradie 082 930 9905 Sluit aan by die Whatsapp kanaal https://whatsapp.com/channel/0029VaA4S5IJkK706Vdxhp0Q Rapporteer asseblief plaasaanvalle aanlyn by www.plaasaanval.co.za Rapporteer asseblief veediefstalle aanlyn by www.veediefstal.co.za

Landelike Veiligheid

2/5/2025, 4:25:56 AM

Woensdag 5 Februarie 2025 Môre Ons het almal al geleer dat dinge skeefloop, jou krag gaan af en vir die ouens in dorpe, jou water toevoer is onstabiel en in baie gevalle sien ek deesdae is water maar minder higiënies. Ek sien ouens kla van bruin water wat stink in hul krane ens. Dan dink mens onwillekeurig hoe kom hierdie mens sonder 'n tru-osmose stelsel klaar? Ja die goed is duur maar die belegging is die moeite werd. Watertenks en drukpompe is ook duur maar dit is darem baie aangenaam om dit in plek te hê. Nou kom ek ook vanmôre by jou water en voedselsekerheid. In die dorpe is dit effe makliker maar dink bietjie hieraan, hoe maklik kan iemand toegang kry tot jou water toevoer? In ons dorpie staan die water reservoirs permanent oop, bedags is daar sekuriteit wagte maar na 5 is daar niemand, dan kan enigiemand tot by die reservoir ry en goed in die water gooi. Hoe lyk jou water tenks op die plaas? Is daar darem 'n bietjie weerstand as dit by jou water kom? Kan iemand dit maklik bereik? Wat van jou watertoevoer sumier afsny? Het jy darem ekstra drinkwater in jou huis? Hoe maklik is dit om jou uit jou huis te lok deur bloot jou water toevoer af te sny? Hoeveel van ons sal, sonder om te dink, bloot uit jou huis loop om ondersoek te gaan instel wanneer jou watertoevoer staak? Loop jy dalk in 'n lokval in? Wat van jou elektrisiteitstoevoer? Sal jy bloot uitgaan en gaan kyk hoekom jou krag afgegaan het? Ek self het al sommer net uitgeloop toe 'n elektriese heining alarm afgegaan het. Halfpad op pad uit het ek besef dit kan 'n lokval wees en omgedraai maar ek kon netsowel daardie aand my laaste treë gegee het. Jou elektriese heining se werklike doel is nie om iemand uit te hou nie maar juis om jou te waarsku as iemand die heining saboteer. Is jou heining reg opgestel? Ek was al male sonder tal by heinings wat nie sal alarm maak as dit geknip of gekortsluit word nie. Daardie heining gee jou 'n vals sin vir sekuriteit want hy dien nie sy hoofdoel nie my vriend. Die goed is daar om 'n vroeë waarskuwing te wees. Mens gaan nie sommer net uit jou huis nie, kry rugsteun en versterkings in plek. Dawie Conradie 082 930 9905 Sluit aan by die Whatsapp kanaal https://whatsapp.com/channel/0029VaA4S5IJkK706Vdxhp0Q Rapporteer asseblief plaasaanvalle aanlyn by www.plaasaanval.co.za Rapporteer asseblief veediefstalle aanlyn by www.veediefstal.co.za

Landelike Veiligheid

2/3/2025, 4:43:24 AM

Maandag 3 Februarie 2025 Môre Net toe ons begin dink dat Eskom besig is om reg te kom, toe sit hulle weer die liggies af. Ek wil nie vanmôre oor beurtkrag praat nie maar eerder oor hoe van ons mense redeneer wanneer dinge begin goed gaan. Die afgelope maand of drie merk ek al op hoe mense kragopwekkers, omsetters en sonenergie stelsels begin van die hand sit. Hier diep in my mou lag ek maar net want mens weet mos dinge gaan nie vir altyd goed gaan nie. Dit is soos ambagsmanne wat hul gereedskap verkoop omdat hul dink hul kantoor pos gaan vir ewig hou. Dan eendag gebeur dinge en jy sit in 'n posisie waar jy gereedskap nodig het en vind dan uit dat dit 'n fortuin kos om weer goed aan te koop. Net so gaan dit met jou veiligheid. Ek sien ouens wat allerhande veiligheids toerusting verkoop, goed wat ek weet hulle eintlik nodig het. Dan kom die krokodil trane wanneer daar ingebreek word of wanneer daardie goed vervang moet word. Dit is absoluut ongelooflik hoe pryse eskaleer. Toe ek in 1994 begin het met elektroniese sekuriteit kon mens 'n hekmotor instaleer vir ongeveer R1000,00 Vandag kyk jy na ongeveer tien keer daardie bedrag en selfs meer. Dieselfde met kamera stelsels, alarm stelsels en selfs elektriese heinings ens Mens raak nie sommer net ontslae van goed omdat jy dink jy sal dit môre of volgende maand kan terug koop nie. Dit is werklik 'n geval van Penny wise pound foolish Dawie Conradie 082 930 9905 Sluit aan by die Whatsapp kanaal https://whatsapp.com/channel/0029VaA4S5IJkK706Vdxhp0Q Rapporteer asseblief plaasaanvalle aanlyn by www.plaasaanval.co.za Rapporteer asseblief veediefstalle aanlyn by www.veediefstal.co.za

Landelike Veiligheid

1/31/2025, 3:56:38 AM

Vrydag 31 Januarie 2025 Goeiemôre Januarie is uiteindelik op sy rug. Ek sien baie ouens, n.a.v die onteiening wet, is erg bekommerd oor grondgrype, hoewel ek nie tans heeltemal oortuig is dat dit 'n faktor is nie. Wat ek wel aanbeveel is dat jy: * Jou grond behoorlik omhein * Bordjies op die heining aanbring in die nodige landstale wat sê dis privaat eiendom en dat oortreders op eie risiko betree * Jy gereeld jou heinings nagaan om te bepaal of daar dalk gepeuter is * Tree onmiddelik op sou jy betreders gewaar. Kry dadelik die polisie uit en maak 'n saak van betreding oop * Hou afskrifte van transport aktes byderhand * As jy nie self op die grond bly nie, verleen volmag aan iemand wat daar bly of 'n betroubare buurman. Die polisie vereis dat eienaar of gevolmagtigde moet saak oopmaak Wees versigtig om nie onnodig probleme te veroorsaak nie. Moet bv nie alleen die ouens gaan konfronteer nie, moenie vuurwapens rig of uit skede haal nie. Tree te alle tye kalm en rustig maar berekend op Staan sterk Dawie Conradie 082 930 9905 Sluit aan by die Whatsapp kanaal https://whatsapp.com/channel/0029VaA4S5IJkK706Vdxhp0Q Rapporteer asseblief plaasaanvalle aanlyn by www.plaasaanval.co.za Rapporteer asseblief veediefstalle aanlyn by www.veediefstal.co.za

Landelike Veiligheid

2/4/2025, 4:26:53 AM

Dinsdag 4 Februarie 2025 Môre Jou gereedskap is belangrik. Jy verkoop nie jou draaibank of sweismasjien as dit die goed is waarmee jy daagliks jou brood en botter verdien nie. Net so raak jy nie ontslae van veiligheidsstelsels omdat jy geld nodig het nie. Dit kos heeltemal te veel om dit te vervang en boonop stel jy jouself bloot aan ander probleme. Verkoop jou groot platskerm TV of jou DSTV ontvanger ens maar jou tools of the trade en veiligheidsstelsels verkoop jy nie. Net soos jy nie lewenspolisse of uittree-annuïteite kanseleer nie, kanseleer jy ook nie jou reaksie mag of alarm monitering nie. Laat sit eerder jou Netflix, DStv, ens af maar hou jou veiligheid en finansieële sekuriteit intak. Dink aan die langtermyn gevolge van jou besluite, beplan vooruit, en leef veilig. Dawie Conradie 082 930 9905 Sluit aan by die Whatsapp kanaal https://whatsapp.com/channel/0029VaA4S5IJkK706Vdxhp0Q Rapporteer asseblief plaasaanvalle aanlyn by www.plaasaanval.co.za Rapporteer asseblief veediefstalle aanlyn by www.veediefstal.co.za